| ໂຮ້ຍອານ ຢືນອັນດັບຫນຶ່ງໃນບັນຊີລາຍຊື່ 15 ນະຄອນດີສຸດໃນໂລກປີ 2019 | |
| ໂຮ້ຍອານ ຕິດ ໃນ 10 ອັນດັບ ນະຄອນທີ່ງາມທີ່ສຸດ ຂອງ ທະວີບອາຊີ |
 |
| ພາບປະກອບ: laodong.vn |
ຫວ່າງແລ້ວນີ້, ຄະນະກຳມະການປະຊາຊົນນະຄອນ ໂຮ້ຍອານ, ກວາງນາມ ໄດ້ດຳເນີນພິທີລົງນາມທາງອອນລາຍກັບ FOUR PAWS (ອົງການສະຫວັດດີການສັດໂລກ) ກ່ຽວກັບຄຳໝັ້ນສັນຍາຍົກເລີກການນຳໃຊ້ຊີ້ນໝາ ແລະແມວ.
ການລົງນາມໃນຂໍ້ຕົກລົງແມ່ນເພື່ອແນໃສ່ປັບປຸງສະຫວັດດີການສັດລ້ຽງໂດຍຜ່ານໂຄງການສັກຢາປ້ອງກັນ ແລະ ຕ້ານພະຍາດ rabies, ຊ່ວຍປ້ອງກັນການລະບາດຂອງພະຍາດ.
ໂຮ້ຍອານ ກໍ່ແມ່ນນະຄອນທຳອິດຂອງຫວຽດນາມ ທີ່ມີຂໍ້ຕົກລົງຢຸດການຄ້າຂາຍຊີ້ນໝາ ແລະ ແມວ. ຂໍ້ຕົກລົງດັ່ງກ່າວມີຜົນສັກສິດນັບແຕ່ທ້າຍປີນີ້ ແລະ ແກ່ຍາວເປັນເວລາ 2 ປີ.
ທ່ານ ຫງວຽນເທຮຸ່ງ, ຮອງປະທານຄະນະກຳມະການປະຊາຊົນນະຄອນ ໂຮ້ຍອານ ໄດ້ຕີລາຄາສູງບັນດາເປົ້າໝາຍຂອງໂຄງການ ແລະ ຄຸນຄ່າມະນຸດສະທຳຂອງໂຄງການ ແລະ ດ້ວຍການຮ່ວມເດີນທາງຂອງບັນດາອົງການ, ຂະແໜງການ ແລະ ການຕອບສະໜອງຂອງປະຊາຊົນ ຈະປະກອບສ່ວນເຂົ້າບັ້ນປົກປັກຮັກສາ ແລະ ເບິ່ງແຍງດູແລສັດ ບໍ່ພຽງແຕ່ໃນ ໂຮ້ຍອານ ເທົ່ານັ້ນ ຫາກຍັງຢູ່ທ້ອງຖິ່ນອື່ນໆອີກ.
ທ່ານນາງ Julie Sanders - ຜູ້ອໍານວຍການຮັບຜິດຊອບກ່ຽວກັັບສັດລ້ຽງຂອງອົງການ FOUR PAWS ໃຫ້ຮູ້ວ່າ: ໃນແຕ່ລະປີ, ຢູ່ຫວຽດນາມ, ມີໝາຫຼາຍກວ່າ 5 ລ້ານໂຕ ແລະ ແມວ 1 ລ້ານໂຕຖືກຄ້າຂາຍ ແລະ ຂ້າເພື່ອເອົາຊີ້ນ, ອັນໄດ້ກໍ່ຄວາມເປັນອັນຕະລາຍເຖິງສິດທິຂອງສັດ ແລະ ສຸຂະພາບປະຊາຊົນ. ໂຮ້ຍອານແມ່ນນະຄອນນຳໜ້າເພື່ອໃຫ້ບັນດາທ້ອງຖິ່ນໃນທົ່ວປະເທດປະຕິບັດຕາມ.
ບຸນຄົງ
