| ລ້າງເຊີນ ຜັນຂະຫຍາຍພື້ນຖານດ່ານຊາຍແດນດີຈີຕອນ ນັບແຕ່ວັນທີ 21 ກຸມພາ | |
| ວັດເຟິດຕິກຢູ່ ລາວ ຈັດຕັ້ງພິທີສວດມົນພາວະນາຂໍໃຫ້ຊາວຫວຽດນາມ ອາໄສຢູ່ລາວມີຄວາມຢູ່ເຢັນເປັນສຸກ |
 |
| ທ່ານນາງ ເລທິອວາງ ຫົວໜ້າກົມການຕະຫຼາດອາຊີ (ພາບ: congthuong.vn) |
ກອງປະຊຸມໄດ້ດຳເນີນໄປພາຍຫຼັງສອງຝ່າຍໄດ້ດຳເນີນການປະຊຸມກຸ່ມຄະນະເຮັດວຽກອຳນວຍຄວາມສະດວກດ້ານການຄ້າຫວຽດນາມ - ຈີນ ສອງຄັ້ງ ແລະ ກອງປະຊຸມຄັ້ງທຳອິດຂອງກົນໄກຮ່ວມມືແກ້ໄຂຄວາມແອອັດຢູ່ດ່ານຊາຍແດນຫວຽດນາມ - ຈີນ ແລະ ຮ່ວມມືປ້ອງກັນພະຍາດລະບາດໃນເດືອນມັງກອນ ປີ 2022 ຢ່າງມີປະສິດທິຜົນ.
ທີ່ກອງປະຊຸມ, 2 ຝ່າຍໄດ້ປຶກສາຫາລື ແລະ ເຫັນດີເປັນເອກະພາບບັນດາເນື້ອໃນຄື: ການຮ່ວມມືປ້ອງກັນພະຍາດລະບາດຄື ການຄົ້ນຄວ້າ ແລະ ກໍ່ສ້າງຂັ້ນຕອນການສົ່ງອອກທີ່ປອດໄພ, ສົມທົບກັນສ້າງ “ເຂດສີຂຽວ” ຢູ່ດ່ານຊາຍແດນ, ຫັນການຜ່ານດ່ານເປັນສະດວກຄື ເພີ່ມທະວີວຽກງານຢູ່ເຂດດ່ານຊາຍແດນ, ເພີ່ມທະວີສະມັດຕະພາບດ້ານພື້ນຖານໂຄງລ່າງເຂດຊາຍແດນ ແລະ ລົງທຶນກໍ່ສ້າງສະໜາມກັກກັນ ກວດກາ ເພື່ອເພີ່ມຈຳນວນດ່ານຊາຍແດນທີ່ໄດ້ກຳນົດການນຳເຂົ້າຜະລິດຕະພັນກະເສດ, ສ້າງຊ່ອງທາງສີຂຽວໃຫ້ແກ່ບັນດາຜະລິດຕະພັນກະເສດ, ປະຕິບັດການຜ່ານແດນທີ່ໄດ້ນັດກ່ອນ, ກົນໄກແລກປ່ຽນຂໍ້ມູນຂ່າວສານລະຫວ່າງທ້ອງຖິ່ນຊາຍແດນຂອງຫວຽດນາມ ແລະ ແຂວງຢຸນນານ ຂອງຈີນ.
ຜູ້ຕາງໜ້າອົງການປົກຄອງແຂວງຢຸນນານ ໄດ້ເຫັນດີເປັນເອກະພາບຈະລາຍງານໃຫ້ຂັ້ນເທິງລົງນາມໃນບົດບັນທຶກຄວາມເຂົ້າໃຈກ່ຽວກັບການຮ່ວມມືລະຫວ່າງກະຊວງອຸດສາຫະກຳການຄ້າກັບອຳນາດການປົກຄອງແຂວງຢຸນນານ. ຝ່າຍຢຸນນານກໍ່ເນັ້ນໜັກວ່າ ສອງຝ່າຍຕ້ອງສືບຕໍ່ສົມທົບກັນຢ່າງແໜ້ນແຟ້ນເພື່ອຮັບປະກັນການປ້ອງກັນພະຍາດລະບາດໃຫ້ດີເພື່ອຄວາມປອດໄພດ້ານສຸຂະພາບຂອງປະຊາຊົນສອງປະເທດ. ຝ່າຍຢຸນນານໄດ້ແນະນຳຫຼາຍຂໍ້ສະເໜີແນະລະອຽດໃຫ້ທ້ອງຖິ່ນຫວຽດນາມ ເຊັ່ນ ຮຽກຮ້ອງໃຫ້ວິສາຫະກິດຜະລິດ ແລະ ສົ່ງອອກຜະລິດຕະພັນກະເສດ, ສິນໃນນ້ຳປະຕິບັດມາດຕະການປ້ອງກັນຄວາມປອດໄພເພື່ອສະກັດກັ້ນໂລກລະບາດໂຄວິດ-19 ໃນການປູກຝັງ, ຊື້ເຄື່ອງຫຸ້ມຫໍ່, ປຸງແຕ່ງ, ຂົນສົ່ງ ແລະ ສົ່ງອອກ. ໂດຍນຳໃຊ້ຂະບວນການຄຸ້ມຄອງທີ່ສະຫຼາດ, ໂດຍອ້າງເຖິງແຜນການ "ຈັດຕັ້ງຄະນະປະຕິບັດງານວິຊາສະເພາະຢູ່ແຕ່ລະດ່ານຊາຍແດນ", ຮ່ວມມືປ້ອງກັນ ແລະ ຕ້ານການລັກລອບຄ້າມະນຸດ ແລະອາດຊະຍາກຳຂ້າມຊາຍແດນ...
ດ້ວຍບົດບາດເປັນອົງການຕາງໜ້າຄະນະຊີ້ນຳແກ້ໄຂຖືກອັ່ງອໍຢູ່ດ່ານຊາຍແດນທາງທິດເໜືອ, ກະຊວງອຸດສາຫະກຳ ແລະ ການຄ້າ ຈະສືບຕໍ່ເຮັດວຽກຢ່າງແໜ້ນແຟ້ນ ແລະ ຊຸກຍູ້ບັນດາກະຊວງ, ຂະແໜງການ ແລະ ທ້ອງຖິ່ນ ສອງປະເທດ ແກ້ໄຂຄວາມຫຍຸ້ງຍາກໃນການຜ່ານແດນ, ຊ່ວຍການຄ້າສອງປະເທດ ສືບຕໍ່ຮັກສາ ແລະ ພັດທະນານັບມື້ນັບຍືນຍົງ.
ບຸນຄົງ
