ທີ່ການຕ້ອນຮັບ, ທ່ານ ຫງວຽນວັນຈູງ ຢັ້ງຢືນຈະມານະພະຍາຍາມເຮັດຈົນສຸດຄວາມສາມາດຂອງຕົນ ເພື່ອປັບປຸງນໍ້າໃຈມິດຕະພາບລະຫວ່າງປະຊາຊົນສອງປະເທດ ແລະຊຸກຍູ້ການພົວພັນຄູ່ຮ່ວມມືຍຸດທະສາດ. ທ່ານ ຫງວຽນວັນຈູງ ສະເໜີຝ່າຍ ນິວຊີແລນ ສືບຕໍ່ຮັບເອົານັກຮຽນ, ນັກສຶກສາຫວຽດນາມ ເຂົ້າຮ່ຳຮຽນຢູ່ບັນດາໂຮງຮຽນຂອງປະເທດນີ້ ແລະສ້າງເງື່ອນໄຂສະດວກໃຫ້ສິນຄ້າຫວຽດນາມ ສຳຜັດກັບຕະຫຼາດນິວຊີແລນ. ພ້ອມທັງປາດຖະໜາວ່າ ລັດຖະບານນິວຊີແລນ ຈະເອົາໃຈໃສ່ ແລະສ້າງເງື່ອນໄຂສະດວກໃຫ້ປະຊາຄົມຊາວ ຫວຽດນາມ ຢູ່ ນິວຊີແລນ.
 |
| ນິວຊີແລນ ໃຫ້ຄຳໝັ້ນສັນຍາໜູນຊ່ວຍຫວຽດນາມ ຕ້ານພະຍາດໂຄວິດ-19 ແລະ ຟື້ນຟູເສດຖະກິດ. ພາບ: TTXVN |
ສ່ວນທ່ານນາງ Dame Cindy Kiro ໃຫ້ຄຳໝັ້ນສັນຍານິວຊີແລນ ຈະສືບຕໍ່ ຮ່ວມເດີນທາງ ແລະໜູນຊ່ວຍຫວຽດນາມ ໃນການປ້ອງກັນ, ຕ້ານພະຍາດໂຄວິດ-19 ກໍ່ຄືວິວັດການຟື້ນຟູເສດຖະກິດຂອງຫວຽດນາມ ຜ່ານການໜູນຊ່ວຍວັກຊິນ ແລະອຸປະຖໍາອຸປະກອນການແພດ. ກໍ່ຕາມທ່ານນາງ Dame Cindy Kiro ແລ້ວ, ນິວຊີແລນ ປາດຖະໜາຢາກເພີ່ມທະວີການແລກປ່ຽນການຄ້າລະຫວ່າງວິສາຫະກິດ ແລະປະຊາຊົນສອງປະເທດ, ພ້ອມທັງຍູ້ແຮງການລົງທຶນ ແລະພັດທະນາການທ່ອງທ່ຽວເມື່ອເປີດເຂດຊາຍແດນເປີດຄືນໃໝ່.
ບູນມີ
