| 20 ທ້ອງຖິ່ນ ແລະສະຫະສະມາຄົມວິສາຫະກິດຝລັ່ງ ຊຸກຍູ້ການຮ່ວມມືກັບບັນດາທ້ອງຖິ່ນຂອງຫວຽດນາມ | |
| ບັນດາຜູ້ຊ່ຽວຊານຝລັ່ງ ຕີລາຄາຢ່າງຕັ້ງໜ້າກ່ຽວກັບແງ່ຫວັງຂອງບັນດາວິສາຫະກິດຕ່າງປະເທດ ຢູ່ ຫວຽດນາມ |
ງານວາງສະແດງ ໄດ້ແນະນຳບັນດາມໍລະດົກວັດທະນະທຳທີ່ເປັນວັດຖຸ ແລະ ບໍ່ເປັນວັດຖຸຂອງຫວຽດນາມ ໂດຍໄດ້ຮັບການຮັບຮອງຈາກອົງການສຶກສາ, ວິທະຍາສາດ ແລະ ວັດທະນະທຳສະຫະປະຊາຊາດ (UNESCO) ເຊັ່ນ ອ່າວຮ່າລອງ, ຟອງຍາແກບັງ ແລະ ເຂດສະຫງວນຊີວະພາບ Kon Ha Nung, ດົນຕີທີ່ສະແດງຢູ່ໃນພະລາຊະວັງເຫວ້, ຂັບ ຈ໊ອຍ ໂຮ້ຍອານ, ຂັບກາຈູພາກເໜືອ; ຊຸດເສື້ອຜ້າອາພອນພື້ນເມືອງ ເຊັ່ນ: ອ່າວຢາຍ (ຊຸດເສື້ອຍາວ), ເສື້ອ 4 ບ່ຽງ; ເຄື່ອງດົນຕີບາງປະເພດ ທີ່ເປັນເອກະລັກສະເພາະຂອງຊົນເຜົ່າ ເຊັ່ນ: ພິນສາຍດຽວ, ພິນ T’rung,...
 |
| ເຄື່ອງດົນຕີພື້ນເມືອງ ຂອງຫວຽດນາມ ໄປເຖິງປະຊາຊົນຝລັ່ງ. (ພາບ: baomoi) |
ນັກທ່ອງທ່ຽວ ສາມາດຊົມ ບັນດາລາຍການສະແດງເຄື່ອງດົນຕີຊົນເຜົ່າ ຂອງນັກສິລະປິນຫວຽດນາມ ແລະ ຝະລັ່ງ.
ທ່ານ Gerard Moiser, ເລຂາທິການສະມາຄົມ Aurore - ແສງສະຫວ່າງ, ໃຫ້ຮູ້ວ່າ: ງານວາງສະແດງ ມີຄວາມປະທັບໃຈຜ່ານບັນດາຮູບຖ່າຍ, ວັດຖຸພັນ ແລະ ດົນຕີພື້ນເມືອງ; ປະກອບສ່ວນເພີ່ມທະວີການແລກປ່ຽນວັດທະນະທຳ ລະຫວ່າງ ຫວຽດນາມ ແລະ ຝລັ່ງ.
ທ່ານ ຫງ່ຽມຊວນດົງ, ຜູ້ອຳນວຍການສູນວັດທະນະທຳ ຫວຽດນາມ ປະຈຳ ຝະລັ່ງ ໃຫ້ຮູ້ວ່າ: ສູນນີ້ ມີແຜນການສົມທົບກັບອຳນາດການປົກຄອງທ້ອງຖິ່ນ ຝະລັ່ງ ຈັດຕັ້ງບັນດາການເຄື່ອນໄຫວຂະໜາດໃຫຍ່ ແລະ ຫຼາກຫຼາຍໃນປີ 2023, ປະກອບສ່ວນເຂົ້າໃນໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ, 10 ປີແຫ່ງວັນສ້າງຕັ້ງການພົວພັນຄູ່ຮ່ວມມືຍຸດທະສາດ ຫວຽດນາມ - ຝະລັ່ງ, ເພື່ອແນໃສ່ໂຄສະນາວັດທະນະທຳ ແລະ ທ່ອງທ່ຽວ ຫວຽດນາມ ຢູ່ ຝລັ່ງ./.
ຄຳຮຸ່ງ
