 |
| ພາບປະກອບ: TTXVN |
ນັບແຕ່ ວັນທີ 15 ກຸມພາ, ບັນດາຖ້ຽວບິນສາກົນປົກກະຕິ ມາຫວຽດນາມ ໄດ້ຂຸດຄົ້ນເປັນປົກກະຕິ ດ້ວຍຈຳນວນຄືເມືອກ່ອນ. ສະຖິຕິນັບແຕ່ຕົ້ນປີມາຮອດປັດຈຸບັນ, ຫວຽດນາມ ໄດ້ຮັບຜູ້ໂດຍສານສາກົນ 118.000 ຄົນ.
ຈຸດເວລານີ້, ເມື່ອຄຳສັ່ງຈຳກັດການບິນຖືກຍົກເລີກ, ບັນດາບໍລິສັດການບິນພາຍໃນປະເທດ ໄດ້ຂຶ້ນແຜນການກຽມພ້ອມ ເພື່ອມຸ່ງໄປເຖິງເປົ້າໝາຍຍາດແຍ່ງທ່າໄດ້ປຽບໃນການແກ່ງແຍ້ງກ່ຽວກັບຈຸຸດນັດພົບຈາກບັນດາແຂກທ່ອງທ່ຽວສາກົນ ແລະ ບັນດານັກລົງທຶນ.
ບໍລິສັດການບິນ Bamboo Airways ໄດ້ຂຶ້ນແຜນການຂຸດຄົ້ນບັນດາຖ້ຽວບິນສາກົນນັບແຕ່ຕົ້ນປີ. ການເປີດກວ້າງຂອບຂະໜາດຂຶ້ນເຖິງ 40 ສາຍການບິນສາກົນ, ບໍລິສັດກໍ່ໄດ້ວາງອອກ.
ປັດຈຸບັນ, ບໍລິສັດການບິນແຫ່ງຊາດ Vietnam Airlines ໄດ້ຟື້ນຟູຄືນສາຍການບິນ 22 ຖ້ຽວຢູ່ 13 ຕະຫຼາດສາກົນ ໄປຍັງບັນດາປະເທດໃນພາກພື້ນ ອາຊີຕາເວັນອອກສ່ຽງເໜືອ, ອາຊີຕາເວັນອອກສ່ຽງໃຕ້, ອົດສະຕາລີ, ເອີລົບ, ອາເມລິກາ. ປັດຈຸບັນຈຳນວນຖ້ຽວບິນຍັງຫນ້ອຍຍ້ອນຄວາມຮຽກຮ້ອງໃນການປ້ອງກັນ, ຕ້ານໂລກລະບາດໂຄວິດ - 19 ຍັງເຂັ້ມງວດພໍສົມຄວນ. ເຖິງຢ່າງໃດກໍ່ຕາມ, ບໍລິສັດການບິນຖືວ່າ ຄວາມຕ້ອງການຈະເພີ່ມຂຶ້ນໂດຍອີງຕາມອັດຕາສັກວັກຊິນ ແລະ ການຄວບຄຸມໂລກລະບາດໂຄວິດ - 19.
ການຍົກເລີກຂໍ້ຈຳກັດຖ້ຽວບິນສາກົນ ໄດ້ຮັບການຕີລາຄາວ່າບໍ່ພຽງແຕ່ແມ່ນກາລະໂອກາດໃຫ້ແກ່ຂະແໜງການບິນ ຫວຽດນາມ ຟືື້ນຟູພາຍຫຼັງ 2 ປີທີ່ປະສົບກັບຄວາມຫຍຸ້ງຍາກເທົ່ານັ້ນ ຫາກຍັງແມ່ນທັງພື້ນຖານເສດຖະກິດກໍ່ໄດ້ຮັບການກະຕຸກຊຸກຍູ້ພັດທະນາ, ຍ້ອນບັນດາການເຄື່ອນໄຫວທ່ອງທ່ຽວ ແລະ ດຶງດູດການລົງທຶນ.
ບຸນຄົງ
