ວັນທີ 3 ຕຸລາ, ຢູ່ຮ່າໂນ້ຍ, ຄະນະກຳມະການປະຊາຊົນແຂວງ ກາວບັ່ງ ສົມທົບກັບກະຊວງການຕ່າງປະເທດ ເປັນປະທ່ານຮ່ວມຈັດຕັ້ງກອງປະຊຸມກາວບັງ ດ້ວຍຫົວຂໍ້ວ່າ “ຈຸດໝາຍປາຍທາງ ກາວບັ່ງ - ເຊື່ອມຕໍ່ ແລະ ພັດທະນາ”. ທີ່ກອງປະຊຸມ, ບັນດາບົດຄໍາເຫັນປະກອບຂອງບັນດາວິສາຫະກິດ, ອົງການບໍ່ຂຶ້ນກັບລັດຖະບານ, ສະຖານທູດຂອງບັນດາປະເທດປະຈຳຫວຽດນາມ... ໄດ້ແບ່ງປັນເພື່ອຊ່ວຍໃຫ້ ກາວບັ່ງ ກາຍເປັນແຂວງທີ່ຂະຫຍັນຂັນເຄື່ອນ, ພັດທະນາຢ່າງວ່ອງໄວ ແລະ ຍືນຍົງ.
ທ່ານນາງ ລັດຕະນາ ສີຫາລາດ, ຮອງເອກອັກຄະລັດຖະທູດລາວ ປະຈໍາ ຫວຽດນາມ:
ການຮ່ວມມືຂອງສາມແຂວງພາກເໜືອຂອງລາວ
 |
| ທ່ານນາງ ລັດຕະນະ ສີຫາລາດ, ຮອງເອກອັກຄະລັດຖະທູດລາວ ປະຈໍາ ຫວຽດນາມ ກ່າວຄໍາເຫັນທີ່ກອງປະຊຸມ. |
ປະຈຸບັນ, ມີ 18 ແຂວງຂອງລາວ ມີການຮ່ວມມື ແລະ ແຮກສ່ຽວກັບບັນດາແຂວງຂອງຫວຽດນາມ. ການຮ່ວມມືທ້ອງຖິ່ນລະຫວ່າງສອງປະເທດດຳເນີນໄປຢ່າງຟົດຟື້ນ ແລະ ມີປະສິດທິຜົນ. ເຖິງຢ່າງໃດກໍຕາມ, ກາວບັ່ງ ເປັນທ້ອງຖິ່ນທີ່ບໍ່ມີຊາຍແດນຕິດກັບລາວ ແລະ ຍັງບໍ່ທັນມີການຮ່ວມມືກັບທ້ອງຖິ່ນຂອງລາວ.
ສ່ວນຕົວແລ້ວ, ຂ້າພະເຈົ້າມີຄວາມປະທັບໃຈກັບຄວາມງາມຂອງກາວບັ່ງ. ກາວບັ່ງ ມີທີ່ຕັ້ງພູມສາດຄ້າຍຄືກັນກັບບັນດາແຂວງພາກເໜືອຂອງລາວ. ສະນັ້ນ, ກາວບັ່ງ ສາມາດພິຈາລະນາການຮ່ວມມືກັບ 3 ແຂວງພາກເໜືອຂອງລາວ, ແນະນຳບັນດານັກລົງທຶນຈາກແຂວງ ກາວບັ່ງ ມາລົງທຶນ, ປະກອບສ່ວນເພີ່ມທະວີການເຕີບໂຕເສດຖະກິດຂອງສອງປະເທດ.
ທ່ານ ຮອງຊຸນ, ປະທານ Kocham:
ພັດທະນາການທ່ອງທ່ຽວຜ່ານຜູ້ທີ່ມີຊື່ສຽງ
 |
| ທ່ານ ຮອງຊຸນ, ປະທານສະຫະສະມາຄົມວິສາຫະກິດ ສ.ເກົາຫຼີ ປະຈຳຫວຽດນາມ (Kocham) (ຊ້າຍສຸດ) ທີ່ກອງປະຊຸມ “ແນະນຳ ກາວບັງ”. |
ກາວບັ່ງ ເປັນສະຖານທີ່ທ່ອງທ່ຽວທາງທຳມະຊາດທີ່ມີນ້ຳຕົກຕາດ ບ້ານຢົກ - ໜຶ່ງໃນ 10 ນ້ຳຕົກຕາດທີ່ສວຍງາມທີ່ສຸດໃນໂລກ ຫຼື ສວນສາທາລະນະທໍລະນີທົ່ວໂລກ UNESCO ນອນເນືອກກາວວບັ່ງ. ຕາມຄວາມຄິດເຫັນຂອງຂ້າພະເຈົ້າແລ້ວ, ກາວບັ່ງ ຕ້ອງດຶງດູດນັກທ່ອງທ່ຽວ ສ.ເກົາຫຼີ ແລະ ມີການເຄື່ອນໄຫວໂຄສະນາຢ່າງຕັ້ງໜ້າ. ອາດເຊີນຜູ້ທີ່ຊື່ສຽງຂອງ ສ.ເກົາຫຼີ ມາຄົ້ນຫາຜ່ານພຶດຕິກຳຕົວຈິງ ເພື່ອໂຄສະນາການທ່ອງທ່ຽວໃຫ້ແຂວງ. ດາຫນັງ ເຮັດແບບຢ່າງນີ້ໄດ້ເປັນຢ່າງດີ. ພຽງແຕ່ນັກສິລະປິນທີ່ມີຊື່ສຽງຂອງ ສ.ເກົາຫຼີ ເຊັກອິນກໍ່ຈະນໍາເອົາຄົນທີ່ຢາກຊອກຮູ້ມາຢ້ຽມຢາມເປັນຈໍານວນຫຼວງຫຼາຍ. ກາວບັ່ງ ຍັງສາມາດຂຸດຄົ້ນທ່າແຮງຂອງຕົນດ້ວຍຊົນເຜົ່າສ່ວນໜ້ອຍ (95%) ເພື່ອພັດທະນາການທ່ອງທ່ຽວ.
ຄຽງຄູ່ກັນນັ້ນ, ກາວບັ່ງ ຕັ້ງຢູ່ພາກເໜືອສຸດຕິດກັບຊາຍແດນຈີນ, ສະນັ້ນ ເສດຖະກິດດ່ານຊາຍແດນພວມພັດທະນາ. ເຖິງຢ່າງໃດກໍຕາມ, ເຂດນີ້ຍັງຄົງເປັນເຂດທີ່ວິສາຫະກິດຫຼາຍແຫ່ງບໍ່ສາມາດລົງທຶນໄດ້ຍ້ອນເຫດຜົນດ້ານພູມສາດ ແລະ ພື້ນຖານໂຄງລ່າງ. ສະຫະສະມາຄົມ Kocham ມີ 10.000 ວິສາຫະກິດດຳເນີນທຸລະກິດຢູ່ຫວຽດນາມ ແຕ່ບໍ່ມີວິສາຫະກິດ ສ.ເກົາຫຼີ ໃດທີ່ລົງທຶນຢູ່ ກາວບັ່ງ. ແຂວງ ກາວບັ່ງ ຄວນເສີມທ່າແຮງໃນປະຈຸບັນ ເພື່ອໃຫ້ບັນດາຄູ່ຮ່ວມມືພາຍໃນ ແລະ ຕ່າງປະເທດມາ ກາວບັ່ງ ນັບມື້ນັບຫຼາຍຂຶ້ນ, ໂດຍສະເພາະແມ່ນປັບປຸງພື້ນຖານໂຄງລ່າງພ້ອມກັບການສັນຈອນ ເພື່ອລົບລ້າງສິ່ງກີດຂວາງໃນການຄົມມະນາຄົມຂົນສົ່ງ.
ທ່ານ Marko Moric, ປະທານສະມາຄົມວິສາຫະກິດເອີລົບກາງ ແລະ ຕາເວັນອອກ ປະຈຳຫວຽດນາມ (CEEC):
ຂໍ້ມູນຕ້ອງໄດ້ຮັບການເຜີຍແຜ່
 |
| ທ່ານ Marko Moric, ປະທານສະມາຄົມວິສາຫະກິດເອີລົບກາງ ແລະ ຕາເວັນອອກ ປະຈຳຫວຽດນາມ (CEEC). |
ຂ້າພະເຈົ້າໄດ້ມີໂອກາດໄປ ກາວບັ່ງ ຫຼາຍເທື່ອ. ຄວາມງາມທໍາມະຊາດ ກາວບັ່ງ ໄດ້ຖືກປຽບເໝືອນກັບເພັດຂອງຫວຽດນາມ. ສະນັ້ນ, ແຂວງຄວນຍາດແຍ່ງກາລະໂອກາດ, ຊຸກຍູ້ການຮ່ວມມື, ເປີດກວ້າງຂໍ້ມູນຂ່າວສານ ເພື່ອສາມາດເຊືອມຕໍ່ກັບວິສາຫະກິດພາຍໃນປະເທດ. ໃນໄລຍະຈະມາເຖິງ, ບັນດາວິສາຫະກິດເອີລົບກາງ ແລະ ຕາເວັນອອກ ອາດສາມາດຮ່ວມມືດ້ານກະສິກຳເຕັກໂນໂລຢີສູງ. ສະມາຄົມວິສາຫະກິດເອີລົບກາງ ແລະ ຕາເວັນອອກ ຈະສະໜັບສະໜູນການຮ່ວມມືຢ່າງມີປະສິດທິຜົນລະຫວ່າງ 2 ຝ່າຍ.
ທ່ານ ເລງອກບ໊າວ, ຫົວໜ້າຄະນະປະສານງານໂຄງການ, ອົງການ ChildFund, ອົດສະຕາລີ:
ຕ້ອງຍາດແຍ່ງກາລະໂອກາດ ແລະ ການຮ່ວມມືຢ່າງມີປະສິດທິຜົນ
 |
| ທ່ານ ເລງອກບ໊າວ, ຫົວໜ້າຄະນະປະສານງານໂຄງການ, ອົງການ ChildFund, ອົດສະຕາລີ. Ông Lê Ngọc Bảo, Trưởng ban Điều phối chương trình, Tổ chức ChildFund, Úc. |
ChildFund ໄດ້ເຄື່ອນໄຫວຢູ່ ກາວບັ່ງ ແຕ່ປີ 2009 ແລະ ມາຮອດປະຈຸບັນ, ChildFund ໄດ້ຜັນຈະຫຍາຍ 46 ໂຄງການຢູ່ 3 ເມືອງຄື: ກວາງຮວ່າ, ຈູ່ງແຄ໊ງ ແລະ ແທັກອານ ດ້ວຍຍອດຈຳນວນທຶນເກືອບ 300 ຕື້ດົ່ງ, ປັບປຸງຊີວິດການເປັນຢູ່ຂອງ 20.000 ຄອບຄົວໃນຕາແສງທີ່ມີໂຄງການ. ຕັ້ງແຕ່ນັ້ນມາຮອດປະຈຸບັນ, ໂດຍຜ່ານການຮ່ວມມືທີ່ເຂັ້ມແຂງ ແລະ ມີປະສິດທິຜົນລະຫວ່າງ ChildFund ກັບບັນດາຄູ່ຮ່ວມທ້ອງຖິ່ນ, ມີຫຼາຍການປ່ຽນແປງທີ່ຕັ້ງໜ້າ ໄດ້ມາສູ່ຊີວິດຂອງເດັກນ້ອຍ ແລະ ປະຊາຊົນບັນດາເມືອງທີ່ມີໂຄງການ.
ບູນມີ
