| ທ່ອງທ່ຽວນະຄອນ ໂຮ່ຈີມິນ ບັນລຸລາຍຮັບປະມານ 3.100 ຕື້ດົ່ງໃນໂອກາດບຸນເຕັດ | |
| ພິທີໄຂປີທ່ອງທ່ຽວແຫ່ງຊາດ 2022 ຈະດຳເນີນໃນ ເດືອນມີນາ ຢູ່ແຂວງ ກ໋ວາງນາມ |
 |
| ພາບປະກອບ: TTXVN |
ຕາມຂໍ້ມູນຈາກພະແນກການທ່ອງທ່ຽວແຂວງກ໋ວາງບິ່ງ ແລ້ວ, ໃນໂອກາດບຸນປີໃໝ່ປະຈຳຊາດປີຂານ 2022, ການທ່ອງທ່ຽວແຂວງກ໋ວາງບິ່ງ ໄດ້ຕອນຮັບແຂກທ່ອງທ່ຽວ ກ່ວາ 35.000 ເທື່ອຄົນ, ຈຳນວນແຂກທ່ອງທ່ຽວໃນແຕ່ລະວັນເພີ່ມຂຶ້ນ ເກືອບ 16% ເມື່ອທຽບໃສ່ກັບວັນບຸນເຕັດປີສະຫຼຸ 2021.
ບັນດາຈຸດຕົ້ນຕໍທີ່ດຶງດູດໄດ້ແຂກທ່ອງທ່ຽວແມ່ນ ຖ້ຳ ຟອງຍາ, ຖ້ຳ ທຽນເດືອງ, ວັດ ຮວ່າງຟຸກ, ວິຫານພະແມ່ສັກສິດ ລຽວແຮ້ງ, ວັດ ດ້າຍຢາກ, ພູເທິ່ນດຽງ, ສະໜາມຫຼວງໂຮ່ຈີມິນ...
ທ່ານ ດັ້ງດົງຮ່າ, ຮອງຫົວໜ້າພະແນກທ່ອງທ່ຽວກ໋ວາງບິ່ງ ໃຫ້ຮູ້ວ່າ ວຽກງານໂຄສະນາ, ສົ່ງເສີມການທ່ອງທ່ຽວ ໄດ້ປະຕິບັດຢ່າງເລິກເຊິ່ງ ແລະ ກວ້າງຂວາງໃນ ແລະ ຫຼັງໂອກາດບຸນເຕັດ ປີຂານ 2022. ບັນດາສະຖານທີ່ທ່ອງທ່ຽວ, ປູຊະນີຍະສະຖານວັດທະນະທຳ, ປະຫວັດສາດ ເກືອບທັງໝົດ ໃນບໍລິເວນແຂວງ ໄດ້ເປີດປະຕູຕ້ອນຮັບແຂກທ່ອງທ່ຽວພ້ອມກັບການປະຕິບັດບັນດາມາດຕະການປ້ອງກັນ, ຕ້ານໂລກລະບາດໂຄວິດ - 19 ຕາມຂໍ້ກຳນົດຢ່າງເຂັ້ມງວດ.
ບັນດາໜ່ວຍງານຮັບໃຊ້ການທ່ອງທ່ຽວຂອງແຂວງ ໄດ້ກຽມພ້ອມບັນດາເງື່ອນໄຂກ່ຽວກັບພື້ນຖານວັດຖຸ, ບຸກຄະລະກອນ, ປະຕິບັດການຕ້ອນຮັບ, ຮັບໃຊ້ແຂກທ່ອງທ່ຽວໃນຕະຫຼອດໄລຍະບຸນເຕັດ ໂດຍນຳການລົງພຶດຕິກຳທີ່ເປັນເອກະລັກສະເພາະຢູ່ກ໋ວາງບິ່ງ - ສະຖານທີ່ປອດໄພ ແລະ ແຕກຕ່າງກັນມາໃຫ້ແຂກທ່ອງທ່ຽວ.
ພິເສດ, ໃນໂອກາດບຸນເຕັດ 2022, ສູນທ່ອງທ່ຽວ ຟອງຍາ - ແກບ່າງ ໄດ້ຜັນຂະຫຍາຍຫຼາຍການເຄື່ອນໄຫວລົງພຶດຕິກຳຕິງຈິງທ່ອງທ່ຽວທີ່ໃໝ່ອ່ຽມ. ໜຶ່ງໃນບັນດາການເຄື່ອນໄຫວລົງພຶດຕິກຳຕົວຈິງທີ່ເປັນເອກະລັກສະເພາະແມ່ນລາຍການ “ຄົ້ນຫາຄວາມລຶກລັບຂອງຖ້ຳຟອງຍາໃນຕອນກາງຄືນ”.
ບຸນຄົງ
