| ສ້າງຊຸດມາດຖານ ແລະ ຕົວເລກສະແດງ ເພື່ອຕີລາຄາການຫັນເປັນດິຈິຕອນ ໃນການສຶກສາ ແລະ ບຳລຸງສ້າງ | |
| ຍູ້ແຮງການຫັນເປັນດິຈິຕອນເພື່ອເອົາໃຈໃສ່ເຖິງການໜູນຊ່ວຍສັງຄົມໃຫ້ແກ່ປະຊາຊົນໃຫ້ດີກ່ວາເກ່ົາ |
ເປົ້າໝາຍລວມຂອງໂຄງການ ແມ່ນເພື່ອນຳໃຊ້ລະບົບຖານຂໍ້ມູນປະຊາກອນແຫ່ງຊາດ, ລະບົບການເອີ້ນຊື່ ແລະ ການຢັ້ງຢືນເອເລັກໂຕຣນິກ, ບັດປະຈຳຕົວພົນລະເມືອງດ້ວຍຊິບເອເລັກໂຕຣນິກ ເຂົ້າໃນຂະບວນການຫັນເປັນດິຈິຕອນແຫ່ງຊາດຢ່າງມີໄຫວພິບ, ຕັ້ງໜ້າ ແລະ ມີຫົວຄິດປະດິດສ້າງ ຕາມແຜນງານການຫັນເປັນດີຈີຕອນແຫ່ງຊາດຮອດປີ 2025, ກຳນົດທິດຮອດປີ 2030 ເພື່ອຮັບໃຊ້ 5 ກຸ່ມສາທາລະນູປະໂພກ: 1-ຮັບໃຊ້ການແກ້ໄຂລະບຽບການບໍລິຫານ ແລະ ການສະໜອງການບໍລິການສາທາລະນະທາງອອນໄລ; 2- ຮັບໃຊ້ການພັດທະນາເສດຖະກິດ-ສັງຄົມ; 3-ຮັບໃຊ້ພົນລະເມືອງດີຈີຕອນ; 4-ປັບປຸງລະບົບນິເວດໃນການເຊື່ອມຕໍ່, ຂຸດຄົ້ນ, ເພີ່ມເຕີມ ແລະ ຂະຫຍາຍຂໍ້ມູນປະຊາກອນ; 5-ຮັບໃຊ້ການຊີ້ນຳ ແລະ ການບໍລິຫານຂອງຜູ້ນຳທຸກຂັ້ນ.
 |
| ການພັດທະນາໂປແກລມຂໍ້ມູນ ກ່ຽວກັບປະຊາກອນ ສໍາລັບການຫັນເປັນດິຈິຕອນແຫ່ງຊາດ. (ພາບ: TTXVN) |
ການສຳເລັດການເຊື່ອມໂຍງ ແລະ ແບ່ງປັນຂໍ້ມູນລະຫວ່າງຖານຂໍ້ມູນປະຊາກອນແຫ່ງຊາດ ແລະ ຖານຂໍ້ມູນພາສີອາກອນ ໃນໄຕມາດທີ 1 ປີ 2022 ເພື່ອຮັບໃຊ້ການຢັ້ງຢືນຂໍ້ມູນຜູ້ເສຍພາສີ ໃນການປະຕິບັດລະບຽບການບໍລິຫານດ້ານພາສີ, ຊ່ວຍ 100% ຜູ້ເສຍພາສີ ບໍ່ຕ້ອງແຈ້ງບັນດາຂໍ້ມູນທີ່ມີການປ່ຽນແປງໃນຖານຂໍ້ມູນປະຊາກອນແຫ່ງຊາດຄືນໃໝ່.
ໃນໄລຍະ 2023 - 2025, 100% ປະຊາຊົນ ແລະ ວິສາຫະກິດທີ່ນຳໃຊ້ບໍລິການສາທາລະນະອອນໄລ ລະດັບ 4 ຈະໄດ້ຮັບການກຳນົດ ແລະ ຢັ້ງຢືນຕົວຕົນດ້ວຍລະບົບເອເລັກໂຕຣນິກຢ່າງຄ່ອງຕົວ, ເປັນເອກະພາບໃນທຸກລະບົບຂໍ້ມູນຂ່າວສານຂອງລັດຖະບານ ຈາກສູນກາງເຖິງທ້ອງຖິ່ນ.
ປະຊາຊົນ 100% ເມື່ອປະຕິບັດລະບຽບການບໍລິຫານຢູ່ພາກສ່ວນປະຕູດຽວທຸກຂັ້ນ ແມ່ນຈະໄດ້ກຳນົດ ແລະ ຢັ້ງຢືນຕົວຕົນດ້ວຍລະບົບເອເລັກໂຕຣນິກ ແລະ ຢັ້ງຢືນຕົວຕົນຂອງກະຊວງປ້ອງກັນຄວາມສະຫງົບທີ່ເຊື່ອມໂຍງ ແລະ ສົມທົບກັບປະຕູບໍລິການສາທາລະນະແຫ່ງຊາດ; ບໍ່ຈໍາເປັນຕ້ອງສະຫນອງຂໍ້ມູນ ແລະ ເອກະສານກ່ຽວກັບປະຊາກອນທີ່ມີຢູ່ແລ້ວໃນຖານຂໍ້ມູນແຫ່ງຊາດກ່ຽວກັບປະຊາກອນຄືນອີກ;...
ດ້ວຍກຸ່ມລະບົບສາທາລະນູປະໂພກ ເພື່ອພັດທະນາເສດຖະກິດ-ສັງຄົມ, ໃນໄລຍະ 2022 – 2023, ຍົກລະດັບ ແລະ ສ້າງສໍາເລັດລະບົບການເອີ້ນຊື່ ແລະ ການຢັ້ງຢືນເອເລັກໂຕຣນິກ; ຄົ້ນຄວ້າ ແລະ ຂະຫຍາຍການນຳໃຊ້ລະບົບທຸລະກຳເອເລັກໂຕຣນິກ ເພື່ອພັດທະນາເສດຖະກິດ ແລະ ສັງຄົມ.
ປະມວນ ແລະ ພັດທະນາໂປແກລມ ໃນພື້ນຖານລະບົບກຳນົດ ແລະ ຢັ້ງຢືນຄົວຕົນເອເລັກໂຕຣນິກ ໂດຍມີການນຳໃຊ້ໂປແກລມຫຼັກເຊັ່ນ: e-wallets, ການຊຳລະເງິນທີ່ບໍ່ແມ່ນເງິນສົດ, ຫລັກຊັບ, ໄຟຟ້າ, ນ້ຳປະປາ ແລະ ອື່ນໆ ດ້ວຍການນຳໃຊ້ VNEID, ລະຫັດ QR ຂອງບັດປະຈໍາຕົວພົນລະເມືອງ ທີ່ຕິດຊິບເອເລັກໂຕຣນິກ;...
ຄຳຮຸ່ງ
