ຟ້ອນ ແຊ່ ແລະ ຄວາມງາມຂອງວົງຄະນະຍາດ, ວັດທະນະທຳຊົນເຜົ່າ ໄທ ເຂດໄຕບັກ

	ສື່​ມວນຊົນອາຊີ ໃຫ້ຂໍ້ສັງເກດຕໍ່​ການ​ແຂ່ງຂັນຮອບຮອງຊະນະເລີດ AFF Cup ​ລະຫວ່າງ ຫວຽດນາມ ​ແລະ ​ໄທ
	ສະ​ມາ​ຄົມ​ນັກ​ທຸ​ລະ​ກິດ ໄທ - ຫວຽດ​ - ບ່ອນ​ອີງ​ທີ່​ໝັ້ນ​ແກ່ນ​ຂອງ​ວິ​ສາ​ຫະ​ກິດ ຫວຽດ​ນາມ ປະ​ຈຳ ໄທ

ສຳລັບວົງຄະນະຍາດເຜົ່າ ໄທ ຢູ່ເຂດ ໄຕບັກ (ໝາຍເຖິງ ທິດຕາເວັນຕົກສ່ຽງເໜືອຂອງຫວຽດນາມ), ຟ້ອນແຊ່ ແມ່ນອາຫານທາງດ້ານຈິດໃຈທີ່ຂາດບໍ່ໄດ້ໃນຊີວີດການເປັນຢູ່ຂອງພໍ່ແມ່ປະຊາຊົນພາຍຫຼັງຊຸມມື້ທີ່ອອກແຮງງານຢ່າງລຳບາກ; ພ້ອມທັງເປັນການເຊື່ອມຕໍ່ທຸກຄົນໃຫ້ເຂົ້າໃກ້ກັນກວ່າ.

ສິລະປະຟ້ອນແຊ່ ຂອງຊົນເຜົ່າ ໄທ ແມ່ນການດຳເນີນຊີວິດວັດທະນະທຳທີ່ເປັນເອກະລັກສະເພາະ, ເປັນສັນຍາລັກໃຫ້ແກ່ຊີວິດທາງດ້ານຈິດໃຈຂອງພໍ່ແມ່ປະຊາຊົມເຜົ່າ ໄທ ຢູ່ ຫວຽດນາມ.

ປີ 2016, ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ໄດ້ປະກາດໃຊ້ເອກະສານເລກທີ 2715 ດ້ວຍການມອບໃຫ້ແຂວງ ອຽນບາຍ ເປັນປະທານ, ສົມທົບກັບບັນດາອົງການທີ່ມີໜ້າທີ່ ແລະ ແຂວງຕ່າງໆ ສ້າງເອກະສານລະດັບຊາດກ່ຽວກັບສິລະປະຟ້ອນແຊ່ ຂອງຊົນເຜົ່າ ໄທ ຍື່ນສະເໜີຕໍ່ອົງການ UNESCO ຈົດຊື່ເຂົ້າໃນບັນຊີມໍລະດົກວັດທະນະທຳບໍ່ເປັນວັດຖຸຕາງໜ້າໃຫ້ມວນມະນຸດ.

ແຕ່ປີ 2016-2020, ແຂວງ ອຽນບາຍ ໄດ້ເປັນເຈົ້າການສົມທົບກັບສະຖາບັນວັດທະນະທຳສິລະປະແຫ່ງຊາດ ຫວຽດນາມ ແລະ ບັນດາແຂວງ ເຊີນລາ, ລາຍເຈົາ, ດ້ຽນບຽນ ຈັດການສຳຫຼວດ, ສ້າງ ແລະ ຮຽບຮຽງສຳເນົາເອກະສານສິລະປະຟ້ອນແຊ່ ຂອງຊົນເຜົ່າ ໄທ.

ທີ່ວາລະປະຊຸມຄະນະກຳມະການລະຫວ່າງລັດຖະບານສົນທິສັນຍາ 2003 ກ່ຽວກັບການອະນຸລັກຮັກສາມໍລະດົກວັດທະນະທຳບໍ່ເປັນວັດຖຸ ຄັ້ງທີ 16 ຂອງອົງການ UNESCO ເຊິ່ງດຳເນີນຢູ່ ປາຣີ (ຝລັ່ງ) ໃນຕອນບ່າຍວັນທີ 15 ທັນວາ, ອົງການ UNESCO ໄດ້ຈົດຊື່ມໍລະດົກວັດທະນະທຳສິລະປະຟ້ອນແຊ່ ຊົນເຜົ່າ ໄທ ຂອງ ຫວຽດນາມ ເຂົ້າບັນຊີມໍລະດົກວັດທະນະທຳບໍ່ເປັນວັດຖຸຕາງໜ້າໃຫ້ມວນມະນຸດ.

ສິລະປະຟ້ອນແຊ່ທາຍ ໄດ້ກຳເນີດມາຈາກຂະບວນການອອກແຮງງານຂອງປະຊາຊົນເຜົ່າ ໄທ ແລະ ຄ່ອຍໆກາຍເປັນສິ່ງຕິດພັນກັບບັນດາຊົນເຜົ່າຢູ່ເຂດພູສູງ ໄຕບັກ. ຟ້ອນແຊ່ມີຫຼາຍປະເພດຄື: ແຊ່ວົງມົນ, ແຊ່ພິທີກຳ, ແຊ່ສະແດງ… ແຕ່ວ່າ ການຟ້ອນ ແຊ່ມົນແມ່ນນິຍົມກວ່າໝູ່.

ທ່າຟ້ອນແຊ່ເກັບດອກໄມ້, ພາວະນາຂໍໃຫ້ດິນຟ້າອາກາດເອື້ອອຳນວຍຄວາມສະດວກ, ລະດູການເກັບກ່ຽວໄດ້ຮັບຜົນດີ, ຕົ້ນໄມ້ໃບຫຍ້າຂະຫຍາຍຕົວຕີ, ໃຜໆກໍ່ມີສຸຂະພາບເຂັ້ມແຂງ, ອີ່ມໜຳສຳລານ, ສົມບູນພູນສຸກ

ຟ້ອນແຊ່ ຂອງຊົນເຜົ່າ ໄທ ໄດ້ກາຍເປັນສັນຍາລັກຂອງນ້ຳໃຈຮັກແພງແຂກຄົນ ແລະ ປຽບເໝືອນດັ່ງຂີດໝາຍວັດທະນະທຳສຳຄັນຂອງຊົນເຜົ່າ ໄທ ຢູ່ເຂດ ໄຕບັກ, ຫວຽດນາມ.

ຕາມກະຊວງວັດທະນະທຳ, ກິລາ ແລະ ທ່ອງທ່ຽວ ແລ້ວ, ຟ້ອນແຊ່ຂອງຊົນເຜົ່າ ໄທ ໄດ້ຮັບການຮັບຮອງເປັນມໍລະດົກວັດທະນະທຳໂລກນັ້ນ ໄດ້ເປັນການຢັ້ງຢືນສີສັນວັດທະນະທຳ, ຮີດຄອງປະເພນີທີ່ອຸດົມສົມບູນ, ຄວາມຜູກພັນວົງຄະນະຍາດຂອງຊາດ ຫວຽດນາມ.

ເລື່ອງ UNESCO ຈົດຊື່ຟ້ອນແຊ່ ຂອງຊົນເຜົ່າໄທ ເຂົ້າໃນບັນຊີມໍລະດົກວັດທະນະທຳໄດ້ເປັນການຢືນຢັນສີສັນວັດທະນະທຳທີ່ອຸດົມສົມບູນຂອງຊາດ ຫວຽດນາມ, ຄວາມຜູກຜັນຂອງວົງຄະນະຍາດຊຸມຊົນ ເປັນກາກຍົກສູງ, ເຄົາລົບວັດທະນະທຳທີ່ຫຼາກຫຼາຍຮູບແບບຂອງວົງຄະນະຍາດ ແລະ ບັນດາເຜົ່າ ຫວຽດນາມ.