 | ກອງປະຊຸມເຈົ້າຄອງນະຄອນຫຼວງອາຊຽນ ແລະ ກອງປະຊຸມເວທີເຈົ້ານະຄອນອາຊຽນ ປີ 2024 |
| World Travel Awards ເຊີດຊູ ກຸກເຟືອງ ເປັນປ່າສະຫງວນແຫ່ງຊາດແຖວໜ້າຂອງ ອາຊີ ໃນປີ 2024 |
ງານບຸນວັດທະນະທຳສິລະປະ ແມ່ຂອງ - ລ້ານຊ້າງ ປີ 2024 ຈັດຂຶ້ນໂດຍການປະສານສົມທົບຂອງ ຄະນະໂຄສະນາສຶກສາຄະນະພັກແຂວງຢຸນໜານ, ພະແນກວັດທະນະທຳ ແລະ ທ່ອງທ່ຽວແຂວງ ຢຸນໜານ, ຄະນະພັກ ແລະ ອໍານາດການປົກຄອງປະຊາຊົນ ເຂດສິບສອງພັນນາ. ງານດັ່ງກ່າວໄດ້ຈັດຂຶ້ນຢູ່ ສິບສອງພັນນາ, ແຂວງຢຸນໜານ ຂອງຈີນ ແຕ່ວັນທີ 1 ຫາ 3 ຕຸລາ 2024.
ຄະນະຫວຽດນາມ ເຂົ້າຮ່ວມງານບຸນວັດທະນະທຳສິລະປະ ແມ່ຂອງ - ລ້ານຊ້າງ ປີ 2024 ດ້ວຍການປະກອບສ່ວນຂອງເວທີ ເລະງັອກ, ໂດຍນັກສິລະປິນປະຊາຊົນ ເລະງອັກ ນຳໜ້າ. ທີ່ເທດສະການ, ຄະນະໄດ້ນໍາສະເໜີລາຍການສະແດງ “ຫຸ່ນກະບອກຫວຽດນາມ - ບຸນລະດູບານໃໝ່” ແລະ ບົດສະແດງ “ງານແຕ່ງດອງຂອງລູກສາວໜູ”.
 |
| ບັນດານັກສິລະປິນ ຫວຽດນາມ ໄດ້ດຳເນີນລາຍການສະແດງ “ຫຸ່ນກະບອກຫວຽດນາມ - ບຸນລະດູບານໃໝ່” ທີ່ງານບຸນ. |
ນັກສິລະປິນປະຊາຊົນ ເລະງອັກ ແບ່ງປັນກັບນັກຂ່າວວ່າ: ລາຍການສະແດງ “ຫຸ່ນກະບອກຫວຽດນາມ - ບຸນລະດູບານໃໝ່” ບໍ່ພຽງແຕ່ນຳມາເຊິ່ງບັນຍາກາດທີ່ຟົດຟື້ນມ່ວນຊື່ນເທົ່ານັ້ນ ແຕ່ຍັງສະແດງໃຫ້ເຫັນຄວາມອຸດົມສົມບູນຂອງສິລະປະພື້ນເມືອງຂອງ ຫວຽດນາມ. ບົດສະແດງ “ງານແຕ່ງດອງຂອງລູກສາວໜູ” ຈະພາໃຫ້ມີສຽງຫົວ ແລະ ຄວາມເບີກບານມ່ວນຊື່ນ. ສະທ້ອນໃຫ້ເຫັນເຖິງຄຸນຄ່າວັດທະນະທຳທີ່ເປັນເອກະລັກສະເພາະຂອງ ຫວຽດນາມ. ການມີໜ້າຂອງຄະນະຫວຽດນາມ ໃນງານບຸນໄດ້ປະກອບສ່ວນຊຸກຍູ້ສາຍພົວພັນດ້ານວັນນະຄະດີ ລະຫວ່າງບັນດາປະເທດ.
 |
| ນັກສິລະປິນປະຊາຊົນ ເລະງອັກ (ຄົນທີ 3 ຈາກເບື້ອງຂວາມື) ໄດ້ຖ່າຍຮູບທີ່ລະນຶກຮ່ວມກັບບັນດານັກສິລະປິນ. |
ນັກສິລະປິນປະຊາຊົນ ເລະງອັກ ເນັ້ນໜັກວ່າ: “ເປົ້າໝາຍຂອງຄະນະຜູ້ແທນ ຫວຽດນາມ ແມ່ນແນະນໍາວັດທະນະທໍາ, ສິລະປະ ແລະ ມໍລະດົກວັດທະນະທໍາທີ່ບໍ່ເປັນວັດຖຸຂອງປະເທດຊາດ. ພວກເຮົາຫວັງຈະສ້າງຂົວຕໍ່ລະຫວ່າງບັນດາພື້ນຖານວັດທະນະທຳ ແລະ ຊຸກຍູ້ຄວາມເຂົ້າໃຈ, ຄວາມເຄົາລົບເຊິ່ງກັນແລະກັນ ລະຫວ່າງ ບັນດາປະເທດໃນພາກພື້ນ”.
ທ່ານນາງຫວັງວ່າ Festival ຈະເປີດກາລະໂອກາດໃຫ້ແກ່ການຮ່ວມມືດ້ານວັດທະນະທຳລະຫວ່າງ ຫວຽດນາມ ແລະ ບັນດາປະເທດໃນພາກພື້ນ ແມ່ນ້ຳຂອງ - ລ້ານຊ້າງ, ໃນນັ້ນມີບັນດາໂຄງການແລກປ່ຽນດ້ານສິລະປະ, ການທ່ອງທ່ຽວ ແລະ ການສຶກສາ. ສິ່ງດັ່ງກ່າວບໍ່ພຽງແຕ່ເພີ່ມທະວີມິດຕະພາບເທົ່ານັ້ນ, ຫາກຍັງສ້າງຄຸນຄ່າແບບຍືນຍົງໃຫ້ແກ່ຄົນລຸ້ນຫຼັງນຳອີກ.
 |
| ນັກສິລະປິນ ຕະກົງຟຸ່ງ (ຄົນທີ 4 ຈາກເບື້ອງຂວາມື) ຖ່າຍຮູບຮ່ວມກັບນັກສິລະປິນຈາກບັນດາປະເທດ. |
ເຂົ້າຮ່ວມລາຍການສະແດງ “ເທດສະການລະດູບານໃໝ່”, ນັກສິລະປິນ ຕະກົງຟຸ່ງ ໄດ້ກ່າວວ່າ: “ຂ້າພະເຈົ້າຢາກຖ່າຍທອດບັນດາຄຸນຄ່າວັດທະນະທຳຂອງຊາດເຖິງເພື່ອນມິດສາກົນ. ຂ້າພະເຈົ້າພະຍາຍາມສະແດງຄວາມຈິງໃຈ ແລະ ສຸດອົກສຸດໃຈໃນທຸກໆປະໂຫຍກທີ່ຂັບຮ້ອງ, ທຸກການເຄື່ອນໄຫວ, ຊ່ວຍໃຫ້ທຸກຄົນຮັບຮູ້ໄດ້ເຖິງວັດທະນະທຳ ຫວຽດນາມ ຢ່າງຈະແຈ້ງ”.
ທ່ານກໍ່ຍັງຫວັງວ່າຈະໄດ້ມີຫຼາຍໂອກາດສະແດງຢູ່ບັນດາປະເທດອື່ນໆ ເພື່ອແນະນຳວັດທະນະທຳປະເທດຂອງຕົນ. ພ້ອມກັນນັ້ນ, ທ່ານກໍ່ຢາກເຂົ້າຮ່ວມບັນດາໂຄງການແລກປ່ຽນວັດທະນະທຳ, ເຊິ່ງເປັນບ່ອນທີ່ມີບັນດານັກສິລະປິນຈາກຫຼາຍປະເທດສາມາດຮ່ຳຮຽນ ແລະ ປະດິດສ້າງຮ່ວມກັນ, ຜ່ານນັ້ນ ກໍ່ສ້າງຂົວຕໍ່ທີ່ໝັ້ນຄົງລະຫວ່າງບັນດາພື້ນຖານວັດທະນະທຳ.
ບັນດາກິດຈະກໍາງານບຸນປີນີ້ລວມມີ: ຖະໜົນວັດທະນະທໍາປະດິດສ້າງແບບບໍ່ເປັນວັດຖຸ ແມ່ຂອງ - ລ້ານຊ້າງ, ລະດູໝາກໄມ້ເຂດຮ້ອນທີ່ມ່ວນຊື່ນ, ງານບຸນຖະໜົນຫົນທາງ ແລະ ງານວາງສະແດງສິນຄ້າທ່ອງທ່ຽວຊາຍແດນ ສິບສອງພັນນາ ຄັ້ງທີ 25... ນັກທ່ອງທ່ຽວສາມາດຄົ້ນຫາບັນດາສະຖານທີ່ທີ່ມີຊື່ສຽງຂອງ ອາຊີໃຕ້ ແລະ ຕາເວັນອອກສຽງໃຕ້. ພ້ອມກັບເພີດເພີນກັບສາກການສະແດງທີ່ປະທັບໃຈຈາກນັກສິລະປິນ ກວ່າ 300 ຄົນທີ່ຈາກບັນດາປະເທດໃນເຂດພາກພື້ນແມ່ນໍ້າຂອງ.
 | ສົມທົບກັນຈັດຕັ້ງວັນວັດທະນະທຳ ຫວຽດນາມ - ສ.ເກົາຫຼີ ປີ 2024 ຢູ່ນະຄອນ ເກີນເທີ ຍສໝ - ຄະນະກຳມະການປະຊາຊົນນະຄອນ ເກີນເທີ ຫາກໍ່ປະກາດໃຊ້ແຜນການສົມທົບກັນຈັດຕັ້ງວັນວັດທະນະທຳ ຫວຽດນາມ - ສ.ເກົາຫຼີ ຢູ່ນະຄອນ ເກີນເທີ ປີ 2024. |
 | ຄ້າຍລະດູຮ້ອນຫວຽດນາມ ປີ 2024: ຊາວໜຸ່ມຫວຽດນາມຢູ່ຕ່າງປະເທດ ຄົ້ນຫາວັດທະນະທຳຂອງຊາວເຜົ່າຈໍ່າ ມີຄວາມງົດງາມ ແລະ ມີຄວາມໝາຍສູງສົ່ງ ຍສໝ - ວັນທີ 25 ກໍລະກົດ, ຊາວໜຸ່ມ, ນັກສຶກສາຫວຽດທີ່ຢູ່ຕ່າງປະເທດໄດ້ມີໂອກາດໄປຮຽນຮູ້ກ່ຽວກັບວັດທະນະທໍາຈໍ່າ, ມໍລະດົກຫໍ, ທາດ ແລະ ວັດທະນະທໍາຊົນເຜົ່າຈໍ່າຢູ່ເຂດພື້ນທີ່ມີລົມຫາດຊາຍ ນິ່ງທ້ວນ ແລະ ບິ່ງທ້ວນ. |
ທອງມີ ສີຫາວົງ
