| ປີ 2022 ຈະສ້າງກຳລັງຜັກດັນໃຫ້ການທ່ອງທ່ຽວຫວຽດນາມ ຟື້ນຟູ ແລະ ພັດທະນາ | |
| ຂຸດຄົ້ນມໍລະດົກອ່າວຮ່າລອງ ເໝາະສົມກັບການອະນຸລັກມໍລະດົກ, ຕິດພັນກັບການພັດທະນາການທ່ອງທ່ຽວແບບຍືນຍົງ |
 |
| ຕ້ອງຄົ້ນຄ້ວາ, ຟື້ນຟູ, ອະນຸລັກ ແລະ ເສີມຂະຫຍາຍວັດທະນະທຳທີ່ບໍ່ເປັນວັດຖຸຂອງບັນດາຊົນເຜົ່າສ່ວນໜ້ອຍທີ່ມີຄວາມສ່ຽງຕໍ່ການຄ່ອຍໆເສື່ອມເສຍໄປ (ພາບປະກອບ) |
ມະຕິໄດ້ຊີ້ແຈ້ງ ໃນໄຕມາດທີ III ແລະ IV ປີ 2024, ກະຊວງວັດທະນະທຳ ກິລາ ແລະ ທ່ອງທ່ຽວຈະປະສານສົມທົບກັບພະແນກວັດທະນະທຳ, ກິລາ ແລະ ທ່ອງທ່ຽວ, ພະແນກວັດທະນະທຳ ແລະ ກິລາ ແຂວງກອນຕູມ, ດ້ຽນບຽນ, ກວາງບິ່ງ ແລະ ເລິມດົ່ງ ດຳເນີນການຄົ້ນຄວ້າ, ຟື້ນຟູ ແລະ ອະນຸລັກຮັກສາວັດທະນະທຳພື້ນເມືອງອັນດີງາມຄື: ທໍານອງກອນຂັບລໍາພື້ນບ້ານ, ຈັງຫວະຟ້ອນພື້ນເມືອງ, ສິລະປະການສະແດງພື້ນເມືອງ, ຫັດຖະກໍາພື້ນເມືອງທີ່ກໍາລັງມີຄວາມສ່ຽງຕໍ່ການຄ່ອຍເສື່ອມເສຍໄປ, ສູນເສຍສີສັນເອກະລັກຂອງບັນດາຊົນເຜົ່າ ເຊີດັງ, ບານາ, ຜູ່ຫຼາ, ຈຶດ, ບຣູ-ເວີນກ່ຽວ ແລະ ຊົນເຜົ່າມະ.
ລະອຽດແມ່ນຈັດຕັ້ງໜູນຊ່ວຍການຄົ້ນຄວ້າ, ຟື້ນຟູ, ອະນຸລັກ, ເສີມຂະຫຍາຍວັດທະນະທໍາທີ່ບໍ່ເປັນວັດຖຸຂອງຊົນເຜົ່າບານາ ຢູ່ເມືອງ ດັກຮ່າ ແລະ ຊົນເຜົ່າເຊີດັງ ຢູ່ເມືອງກອນເຣີຍ, ແຂວງກອນຕູມ; ຈັດຕັ້ງໜູນຊ່ວຍການຄົ້ນຄວ້າ, ບູລະນະ, ອະນຸລັກ ແລະ ເສີມຂະຫຍາຍວັດທະນະທໍາທີ່ບໍ່ເປັນວັດຖຸຂອງຊົນເຜົ່າຜູ່ຫຼາ ຢູ່ເມືອງ ຕວ່ນຢາວ, ແຂວງດ້ຽນບຽນ; ຈັດຕັ້ງໜູນຊ່ວຍການຄົ້ນຄວ້າ, ຟື້ນຟູ, ອະນຸລັກ, ເສີມຂະຫຍາຍວັດທະນະທໍາທີ່ບໍ່ວັດຖຸຂອງຊົນເຜົ່າຈືດ ຢູ່ເມືອງມິງຮົ່ວ ແລະ ຊົນເຜົ່າບຣູ-ເວີນກ່ຽວ ຢູ່ເມືອງ ເລ໋ຖຸຍ, ແຂວງກວາງບິ່ງ; ຈັດຕັ້ງໜູນຊ່ວຍການຄົ້ນຄວ້າ, ຟື້ນຟູ, ອະນຸລັກ, ເສີມຂະຫຍາຍວັດທະນະທໍາທີ່ບໍ່ເປັນວັດຖຸຂອງຊົນເຜົ່າມະ ຢູ່ເມືອງບ໋າວເລີມ, ແຂວງເລິມດົ່ງ.
ເນື້ອໃນການຜັນຂະຫຍາຍປະກອບມີການສໍາຫຼວດ, ການສືບສວນ, ສະຖິຕິ ແລະ ການເກັບກໍາຂໍ້ມູນບັນດາປະເພດຂອງວັດທະນະທໍາທີ່ບໍ່ເປັນວັດຖຸ; ສ້າງເນື້ອໃນການຄົ້ນຄ້ວາ: ສັງລວມສະພາບການໃນປະຈຸບັນ, ຕີລາຄາສະພາບການປະຈຸບັນ, ສ້າງບັນດາບົດລາຍງານຂໍ້ມູນ, ບົດລາຍງານການສຳຫຼວດກວດກາ, ລາຍງານສັງລວມ; ສະເໜີວິທີແກ້ໄຂເພື່ອດໍາເນີນການອະນຸລັກ ແລະ ຊຸກຍູ້ວັດທະນະທຳທີ່ບໍ່ເປັນວັດຖຸ.
ຈັດຕັ້ງຝຶກອົບຮົມການອະນຸລັກ, ຖ່າຍທອດສິດສອນ, ສະແດງ, ສະທ້ອນໃຫ້ເຫັນວັດທະນະທໍາທີ່ບໍ່ເປັນວັດຖຸ; ສະຫນັບສະຫນູນອຸປະກອນ, ເຄື່ອງດົນຕີ, ອຸປະກອນການສະແດງ; ຈັດຕັ້ງການຖ່າຍຮູບພາບ, ບັນທຶກຖ່າຍວິດີໂອ, ສ້າງຮູບເງົາສາລະຄະດີກ່ຽວກັບຂະບວນການຈັດຕັ້ງການອະນຸລັກວັດທະນະທຳທີ່ບໍ່ເປັນວັດຖຸ; ອັດແຜ່ນດີວີດີ ແຈກຢາຍໃຫ້ປະຊາຊົນແນໃສ່ເພື່ອຮັບໃຊ້ເຂົ້າໃນວຽກງານອະນຸລັກ ແລະ ໂຄສະນາວັດທະນາທໍາພື້ນເມືອງຂອງຊົນເຜົ່າສ່ວນໜ້ອຍ...
ນີ້ແມ່ນການເຄື່ອນໄຫວປະຈຳປີຂອງກະຊວງວັດທະນະທຳ, ກິລາ ແລະ ທ່ອງທ່ຽວ ເພື່ອແນໃສ່ປະຕິບັດບັນດາແຜນນະໂຍບາຍຂອງພັກ, ນະໂຍບາຍ, ກົດໝາຍຂອງລັດກ່ຽວກັບການອະນຸລັກ, ເສີມຂະຫຍາຍວັດທະນະທຳພື້ນເມືອງຂອງບັນດາຊົນເຜົ່າສ່ວນໜ້ອຍ, ປະກອບສ່ວນ, ເສີມຂະຫຍາຍແຫຼ່ງເງິນລົງທຶນຂອງລັດ, ສັງຄົມຢ່າງມີປະສິດທິຜົນ, ສະເໜີວິທີແກ້ໄຂເພື່ອອະນຸລັກ, ເສີມຂະຫຍາຍລັກສະນະສະເພາະວັດທະນະທຳຂອງຊົນເຜົ່າສ່ວນໜ້ອຍຕິດພັນກັບການພັດທະນາການທ່ອງທ່ຽວຢ່າງມີປະສິດທິຜົນຢູ່ແຂວງກອນຕູມ, ດ້ຽນບຽນ, ກວາງບິ່ງ ແລະ ເລິມດົ່ງ.
ຜ່ານສິ່ງເຫຼົ່ານັ້ນ, ແນໃສ່ເພີ່ມທະວີຄວາມສາມັກຄີພາຍໃນຊົນເຜົ່າ, ໂດຍສະເພາະແມ່ນຫ້ອງເດັກນ້ອຍ ໂດຍຜ່ານບັນດາການເຄື່ອນໄຫວວັດທະນະທຳ, ການສິດສອນບັນດາທໍານອງກອນຂັບລໍາພື້ນບ້ານ, ຈັງຫວະຟ້ອນພື້ນບ້ານ, ສິດສອນອາຊີບພື້ນບ້ານ, ພິທີກໍາທາງວັດທະນະທໍາທີ່ເຂັ້ມຂຸ້ນໄປດ້ວຍເອກະລັກສະເພາະຂອງແຕ່ລະຊົນເຜົ່າ; ສ້າງເງື່ອນໄຂໃຫ້ຊຸມຊົນໄດ້ແລກປ່ຽນ, ລະຫຼີ້ນເພື່ອຄວາມສົດໃສ ປອດໄພ ຈາກບັນດາຄຸນຄ່າວັດທະນະທໍາພື້ນເມືອງຂອງຕົນ.
ຈາກນັ້ນ, ກໍ່ຍົກສູງຄວາມຮັບຮູ້ກ່ຽວກັບວຽກງານອະນຸລັກ, ເສີມຂະຫຍາຍເອກະລັກສະເພາະວັດທະນະທຳຂອງຊົນເຜົ່າສ່ວນໜ້ອຍ, ຍົກສູງບົດບາດກຳລັງຄວາມສາມາດອັດຕະພາບວັດທະນະທຳຂອງບັນດາສິລະປະກອນ, ຜູ້ອາວຸໂສພາຍໃນບ້ານ, ນາຍບ້ານ, ຜູ້ທີ່ສ້າງອິດທິພົນຊື່ສຽງ ແລະ ພີ່ນ້ອງຊົນເຜົ່າສ່ວນໜ້ອຍເຂດຊົນເຜົ່າສ່ວນໜ້ອຍໃນໄລຍະປະຈຸບັນ.
ກະຊວງວັດທະນະທຳ, ກິລາ ແລະ ທ່ອງທ່ຽວ ກໍ່ຮຽກຮ້ອງໃຫ້ຈັດຕັ້ງໜູນຊ່ວຍການຄົ້ນຄ້ວາ, ຟື້ນຟູ, ອະນຸລັກ ແລະ ເສີມຂະຫຍາຍວັດທະນະທຳທີ່ບໍ່ເປັນວັດຖຸຂອງຊົນເຜົ່າສ່ວນໜ້ອຍ ຕ້ອງຮັບປະກັນຄວາມແທດຈິງ, ມີປະສິດທິຜົນ ແລະສອດຄ່ອງກັບສະພາບຕົວຈິງຂອງທ້ອງຖິ່ນ.
ບັນດາການເຄື່ອນໄຫວເພື່ອແນໃສ່ການປຸກລະດົມ, ກະຕຸ້ນໃຫ້ພໍ່ແມ່ປະຊາຊົນບັນດາເຜົ່າຕັ້ງໜ້າເຂົ້າຮ່ວມການເຄື່ອນໄຫວໃນການອະນຸລັກເອກະລັກສີສັນວັດທະນະທຳພື້ນເມືອງ; ເສີມຂະຫຍາຍບົດບາດອັນຕັ້ງໜ້າຂອງພໍ່ແມ່ພີ່ນ້ອງໃນການແຜ່ຂະຫຍາຍຮູບແບບໃນການອະນຸລັກວັດທະນະທໍາພື້ນເມືອງອັນດີງາມຂອງພໍ່ແມ່ປະຊາຊົນບັນດາຊົນເຜົ່າສ່ວນໜ້ອຍຢູ່ກອນຕູມ, ດ້ຽນບຽນ, ກວາງບິ່ງ ແລະ ເລິມດົ່ງ.
ທອງມີ ສີຫາວົງ
