 |
| ແຂວງ ອຽນບ໊າຍ ໄດ້ຮັບທຸງເຈົ້າພາບຈັດງານບຸນໃນປີ 2023 (ພາບ:TTXVN) |
ຫວ່າງແລ້ວນີ້, ຢູ່ແຂວງ ຝູເທາະ, ຄະນະຈັດຕັ້ງວັນບຸນວັດທະນະທຳ, ກິລາ ແລະ ທ່ອງທ່ຽວບັນດາເຜົ່າເຂດໄຕບັກ ຄັ້ງທີ XV ປີ 2022 ໄດ້ຈັດການສະຫລຸບ ແລະ ອັດວັນບຸນ. ທຸງເຈົ້າພາບຈັດວັນບຸນວັດທະນະທຳ, ກິລາ ແລະ ທ່ອງທ່ຽວບັນດາເຜົ່າໄຕບັກ ຄັ້ງທີ XVI ປີ 2025 ໄດ້ມອບໃຫ້ແຂວງ ອຽນບ໊າຍ.
ວັນບຸນວັດທະນະທຳ, ກິລາ ແລະ ທ່ອງທ່ຽວບັນດາເຜົ່າເຂດໄຕບັກ ຄັ້ງທີ XV ຈັດຂຶ້ນໃນລະຫວ່າງ 2 – 4 ທັນວາ, ຢູ່ນະຄອນ ຫວຽດຈີ່, ແຂວງ ຝູເທາະ. ເຂົ້າຮ່ວມວັນບຸນມີນັກສິລະປະການ, ນັກສິລະປິນ, ນັກກິລາມະຫາຊົນ, ພໍ່ແມ່ປະຊາຊົນບັນດາເຜົ່າຂອງ 7 ແຂວງ, ເຊິ່ງລວມມີ: ຝູເທາະ, ຮ່ວາບິ່ງ, ດ້ຽນບຽນ, ລາຍເຈົາ, ລາວກາຍ, ອຽນບ໊າຍ ແລະ ເຊີນລາ. ມີຫຼາຍລາຍການດ້ວຍຂອບຂະໜາດໃຫຍ່, ສ້າງຄວາມປະທັບໃຈຢ່າງເລິກເຊິ່ງໃຫ້ປະຊາຊົນ ແລະ ແຂກທ່ອງທ່ຽວ.
ເນື່ອງໃນໂອກາດນີ້, ກະຊວງວັດທະນະທຳ, ກິລາ ແລະ ທ່ອງທ່ຽວ ໄດ້ມອບໃບຍ້ອງຍໍໃຫ້ 11 ໝູ່ຄະນະ, 5 ສ່ວນບຸກຄົນ ທີ່ມີຜົນງານດີເດັ່ນໃນການເຂົ້າຮ່ວມວັນບຸນ.
ຕາມທ່ານລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫງວຽນວັນຮຸ່ງ ແລ້ວ, ວັນບຸນແມ່ນໂອກາດເພື່ອແນໃສ່ເຊີດຊູບັນດາຄຸນຄ່າວັດທະນະທຳທີ່ເປັນເອກະລັກສະເພາະ, ພິເສດຂອງບັນດາເຜົ່າພາກຕາເວັນຕົກສ່ຽງເໜືອເຖິງປະຊາຊົນ ແລະ ນັກທ່ອງທ່ຽວສາກົນ, ປະກອບສ່ວນຊຸກຍູ້ບັນດາຄຸນຄ່າວັດທະນະທຳພື້ນເມືອງ ຕິດພັນກັບການພັດທະນາການທ່ອງທ່ຽວ, ສ້າງຂະບວນການພັດທະນາເສດຖະກິດ-ສັງຄົມຢູ່ທ້ອງຖິ່ນ.
ງານບຸນໄດ້ສະແດງໃຫ້ເຫັນສີສັນວັດທະນະທຳຂອງຊົນເຜົ່າເຂດຕາເວັນຕົກສຽງເໜືອໃນຄອບຄົວໃຫຍ່ຂອງ 54 ຊົນເຜົ່າຫວຽດນາມ, ຈາກປະເພນີເຖິງຂະບວນການພັດທະນາ ແລະ ເຊື່ອມໂຍງເຂົ້າກັບປະເທດໃນປະຈຸບັນ.
7 ແຂວງໄດ້ເຂົ້າຮ່ວມຢ່າງຕັ້ງໜ້າ, ມີບັນດາລາຍການສະແດງຢ່າງລະອຽດລະອໍໄດ້ສ້າງຄຸນຄ່າວັດທະນະທຳພື້ນເມືອງຂອງຊາດ, ນຳມາໃຫ້ຈິດໃຈສາມັກຄີ, ເຊື່ອມໂຍງ ແລະ ເຜີຍແຜ່ບັນດາເອກະລັກວັດທະນະທຳທີ່ເປັນມູນເຊື້ອຂອງພີ່ນ້ອງຮ່ວມຊາດ. ຜ່ານນັ້ນ, ຢືນຢັນເຖິງຄວາມໝັ້ນຄົງຂະໜາດໃຫຍ່ຂອງວັດທະນະທຳຂອງຊາດໃນທົ່ວທຸກເວລາ ແລະ ໃນຊ່ອງ; ວັດທະນະທຳບັນດາເຜົ່າເຂດຕາເວັນຕົກສ່ຽງເໜືອບໍ່ພຽງແຕ່ເປັນເອກະລັກວັດທະນະທຳອັນລ້ຳຄ່າເທົ່ານັ້ນ ຫາກຍັງເປັນແຫຼ່ງທ່ອງທ່ຽວທີ່ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງທ້ອງຖິ່ນອີກດ້ວຍ.
ວີໂອວີ
