ໄລຍະພັກບຸນປີໃໝ່ສາກົນ 2022 ມີນັກທ່ອງທ່ຽວເກືອບ 20 ພັນຄົນ ມາພັກຜ່ອນທີ່ເທດສະບານຊາປ່າ

ຍ​ສ​ໝ - ວັນ​ທີ 3 ມັງ​ກອນ, ທ່ານ ຫ່ວງ​ທິ​ເວື້ອງ ຫົວ​ໜ້າ​ຫ້ອງ​ການ​ວັດ​ທະ​ນະ​ທຳ, ຂໍ້​ມູນ​ຂ່າວ​ສານ ເທດ​ສະ​ບານ​ຊາ​ປ່າ (ແຂວງ​ລ່າວ​ກ່າຍ) ໃຫ້​ຊາບ​ວ່າ: ຈຳ​ນວນ​ນັກ​ທ່ອງ​ທ່ຽວ​ທີ່​ມາ​ພັກ​ຜ່ອນ​ຕາມ​ສະ​ຖານ​ທີ່​ທ່ອງ​ທ່ຽວ​ແຫ່ງ​ຊາດ​ຊາ​ປ່າ ນັບ​ແຕ່​ວັນ​ທີ 1 ຫາ 3 ມັງ​ກອນ 2022 ບັນ​ລຸ 17.346 ເທື່ອ​ຄົນ, ລາຍ​ໄດ້​ຈາກ​ນັກ​ທ່ອງ​ທ່ຽວ​ບັນ​ລຸ 46 ຕື້​ດົ້ງ, ເພີ່ມ​ຂຶ້ນ​ເຖິງ 7,8 ຕື້​ດົ້ງ ທຽບ​ໃສ່​ໄລ​ຍະ​ພັກ​ບຸນ​ວັນ​ຄ​ຣິດ​ສະ​ມາດ (24 ຫາ 26 ທັນ​ວາ 2021).

	ປ​ີ​ທ່ອ​ງ​ທ່​ຽວ​ແຫ່ງ​ຊາດ 2022 ໄດ້​ຈັດ​ຂຶ້ນ​ຢູ່ ​ແຂວງກວາງ​ນາມ
	ນັກ​ທ່ອງ​ທ່ຽວ​ສາກົນ​ທີ່​ມາ​ທ່ຽວຢູ່ຫວຽດນາມ ​ບໍ່​​ຕ້ອງຈຳກັດບໍລິເວນ

ພາບປະກອບ: ngaynay.vn

ນອກ​ຈາກ​ການຫຼຸດ​ລາ​ຄາ​ລາຍ​ການ​ທ່ອງ​ທ່ຽວ, ຫຼາຍ​ຮູບ​ແບບ​ການ​ສົມ​ມະ​ນາ​ຄຸນ​ໃຫ້​ແກ່​ນັກ​ທ່ອງ​ທ່ຽວ​ ທີ່​ໄດ້​ຖືກ​ນຳ​ມາ​ຈັດ​ຕັ້ງ​ຜັນ​ຂະ​ຫຍາຍ​ຢ່າງ​ເປັນ​ລະ​ບົບ​ສຳ​ລັບ​ການ​ຍົກ​ສູງ​ຄຸນ​ນະ​ພາບ​ການ​ບໍ​ລິ​ການ​ທ່ອງ​ທ່ຽວ ຊຶ່ງ​ໄດ້​ປະ​ກອບ​ສ່ວນ​ເຮັດ​ໃຫ້​ຈຳ​ນວນ​ນັກ​ທ່ອງ​ທ່ຽວ​ທີ່​ມາ​ຊາ​ປ່າ​ໜາ​ແໜ້ນກວ່າ​ເມື່ອ​ກ່ອນ. ໂດຍ​ສະ​ເລັ່ຍ​ໃນ​ແຕ່​ລະ​ວັນ​ມີ​ນັກ​ທ່ອ​ງ​ທ່ຽວ​ແຕ່ 4 ຫາ 5 ພັນເທື່ອ​ຄົນ​ທີ່​ມາ​ທ່ຽວ​ຢູ່​ຊາ​ປ່າ, ໃນ​ວັນ​ທ້າຍ​ອາ​ທິດ​ຕ່າງໆ ຫຼາຍ​ບ່ອນ​ພັກ​ໂຮງ​ແຮມ​ຢູ່​ຊາ​ປ່າ​ໄດ້​ຖືກ​ຈອງ​ຫ້ອງ​ພັກ​ໄວ້​ຈົນ​ເຕັມ.

ວິ​ລະ​ຊົນ