 | ເພີ່ມພູນຄູນສ້າງນ້ຳໃຈມິດຕະພາບແຂວງ ບິ່ງເຢືອງ ແລະ ນະຄອນ Daejeon (ສ.ເກົາຫຼີ) |
| ການຮ່ວມມືພາກພື້ນເພື່ອໂຕ້ຕອບການປ່ຽນແປງຂອງສະພາບດິນຟ້າອາກາດຢູ່ ສປປ ລາວ, ສສ ຫວຽດນາມ, ຣາຊະອານາຈັກກຳປູເຈຍ ແລະ ສ ເກົາຫຼີ |
ເຫດການໄດ້ເຕົ້າໂຮມຊາວຫວຽດນາມນັບຮ້ອຍຄົນທີ່ພວມດຳລົງຊີວິດ, ເຮັດວຽກ ແລະ ຮ່ຳຮຽນຢູ່ເຂດດັ່ງກ່າວ, ສ້າງບັນຍາກາດແຫ່ງການແລກປ່ຽນວັດທະນະທຳອັນອົບອຸ່ນ ແລະ ສາມັກຄີ.
ກ່າວຄຳປາໄສທີ່ພິທີເປີດງານຂອງເຫດການ, ທ່ານ ອານວູບິ່ງ, ເລຂາໂທຂອງສະຖານທູດ ຫວຽດນາມ ປະຈຳ ສ.ເກົາຫຼີ ໄດ້ຢືນຢັນບົດບາດອັນຕັ້ງໜ້າຂອງສະມາຄົມຊາວຫວຽດນາມ ຢູ່ Gwangju – Jeonnam ໃນການເສີມຂະຫຍາຍນ້ຳໃຈສາມັກຄີ ແລະ ຍົກສູງຖານະຂອງຊາວຫວຽດນາມ ຢູ່ທ້ອງຖິ່ນ .
ທ່ານ ບິ່ງ ເນັ້ນໜັກວ່າ: “ສະມາຄົມຊາວຫວຽດນາມ ຢູ່ Gwangju-Jeonnam ບໍ່ພຽງແຕ່ແມ່ນຂົວເຊື່ອມຕໍ່ລະຫວ່າງບັນດາສະມາຊິກວົງຄະນະຍາດເທົ່ານັ້ນ ຫາກຍັງແມ່ນຫຼັກຖານໃຫ້ແກ່ການພັດທະນາ ແລະ ການເຊື່ອມໂຍງຂອງຊາວ ຫວຽດນາມ ຢູ່ ສ.ເກົາຫຼີ ຢ່າງສຳເລັດຜົນອີກດ້ວຍ”. ເຫດການພິເສດແມ່ນການມີໜ້າຂອງທ່ານ ນາງ ເລຫງວຽນມິງເຟືອງ, ປະທານສະມາຄົມຊາວຫວຽດນາມ ປະຈຳ ສ.ເກົາຫຼີ, ຍາມໃດກໍ່ຍົກສູງຄວາມສຳຄັນຂອງສະມາຄົມໃນການເຊື່ອມໂຍງ ແລະ ສ້າງປະຊາຄົມທີ່ເຂັ້ມແຂງ.
 |
| ທ່ານ ອານວູບິ່ງ, ເລຂາໂທຂອງສະຖານທູດ ຫວຽດນາມ ປະຈຳ ສ.ເກົ່າຫຼີ ກ່າວຄຳປາໄສ. |
ທ່ານ ນາງ ຫງວຽນທິເລຮວ່າ ປະທານສະມາຄົມຊາວຫວຽດນາມ ຢູ່ Gwangju – Jeonnam ໄດ້ສະເໜີບົດລາຍງານສະຫຼຸບບັນດາການເຄື່ອນໄຫວທີ່ພົ້ນເດັ່ນໃນປີ 2024, ລວມມີ ບັນດາລາຍການໜູນຊ່ວຍແຮງງານ ແລະ ນັກສຶກສາ ຫວຽດນາມ, ຈັດຕັ້ງບັນດາເຫດການວັດທະນະທໍາໃຫຍ່ ແລະ ເພີ່ມທະວີການຮ່ວມມືກັບບັນດາອົງການຈັດຕັ້ງທ້ອງຖິ່ນ .
ເນື່ອງໃນໂອກາດນີ້, ສະມາຄົມໄດ້ສົມທົບກັບສະຖານທູດ ຫວຽດນາມ ປະຈຳ ສ.ເກົາຫຼີ ແລະ ສະມາຄົມຊາວຫວຽດນາມ ປະຈຳ ສ.ເກົາຫຼີ ເພື່ອມອບລາງວັນໃຫ້ບັນດາບຸກຄົນດີເດັ່ນທີ່ມີປະກອບສ່ວນຫຼາຍຢ່າງໃນຊຸມປີຜ່ານມາ. ບັນດາລາງວັນແມ່ນເປັນການຮັບຮູ້ສຳລັບບັນດາບຸກຄົນຜູ້ທີ່ໄດ້ພະຍາຍາມຢ່າງບໍ່ຢຸດຢັ້ງເພື່ອການພັດທະນາຂອງວົງຄະນະຍາດ.
ໃນປີ 2025, ສະມາຄົມຊາວຫວຽດນາມ ຢູ່ Gwangju – Jeonnam ຈະສຸມໃສ່ເຖິງ 2 ເປົ້າໝາຍຕົ້ນຕໍ ເພື່ອຍົກສູງຖານະ ແລະ ພັດທະນາແບບຍືນຍົງຂອງວົງຄະນະຍາດ. ທີໜຶ່ງ, ສະມາຄົມຈະສຳເລັດການສ້າງນິຕິບຸກຄົນອົງການ, ເພື່ອນແນໃສ່ສ້າງພື້ນຖານນິຕິກຳຢ່າງໝັ້ນແກ່ນ ແລະ ເປີດກວ້າງຂອບເຂດການເຄື່ອນໄຫວ. ທີສອງ, ສະມາຄົມຈະຜັນຂະຫຍາຍ website ຢ່າງເປັນທາງດ້ວຍສອງພາສາ ເກົາຫຼີ ແລະ ຫວຽດນາມ, ສະໜອງຂໍ້ມູນຂ່າວສານກ່ຽວກັບບັນດາການເຄື່ອນໄຫວຂອງສະມາຄົມ, ວົງຄະນະຍາດ ແລະ ບັນດາເຫດການແລກປ່ຽນວັດທະນະທຳ.
 |
| ທ່ານນາງ ຫງວຽນທິເລຮວ່າ, ປະທານສະມາຄົມຊາວຫວຽດນາມ ຢູ່ Jeonnam Gwangju ກ່າວຄຳປາໄສທີ່ເຫດການ |
ທີ່ເຫດການ, ບັນດາສະມາຊິກໃນວົງຄະນະຍາດ ໄດ້ເຂົ້າຮ່ວມໃນຊຸດອາພອນເສື້ອຍາວທີ່ອ່ອນໂຍນ, ພ້ອມກັບເຊື່ອມຕົວເຂົ້າກັບບັນຍາກາດປີໃໝ່ທີ່ຟົດຟື້ນເຕັມໄປດ້ວຍສີສັນ.
ງານລ້ຽງເຫດການໄດ້ກະກຽມຢ່າງລະມັດລະວັງດ້ວຍເຍື່ອງອາຫານພື້ນເມືອງ ນຳມາເຊິ່ງລົດຊາດທີ່ຄຸ້ນເຄີຍຂອງບ້ານເກີດເມືອງນອນ. ພິເສດ, ບັນດາລາຍການສະແດງສິລະປະໃນລາຍການປີໃໝ່ວົງຄະນະຍາດປີນີ້ໄດ້ສົມທົບລະຫວ່າງແບບມູນເຊື້ອ ແລະ ທັນສະໄໝ, ໄດ້ນຳມາເຊິ່ງຄວາມຮູ້ສຶກທີ່ຕື້ນຕັນໃຈ ແລະ ມີຄວາມໝາຍ, ຊ່ວຍເຮັດໃຫ້ປະຊາຊົນທີ່ຢູ່ຫ່າງໄກຮູ້ສືກໄດ້ເຖິງຄວາມສະໜິດຕິດພັນ ແລະ ເອກອ້າງທະນົງໃຈຂອງຊາດ.
ເຫດການເປີດຫ້ອງການໃໝ່ ແລະ ລາຍການຕ້ອນຮັບປີໃໝ່ວົງຄະນະຍາດ ໄດ້ເປັນຂີດໝາຍບາດກ້າວພັດທະນາທີ່ສຳຄັນໃນການເຄື່ອນໄຫວຂອງສະມາຄົມຊາວຫວຽດນາມ ຢູ່ Gwangju – Jeonnam. ນີ້ກໍ່ແມ່ນສັນຍາລັກແຫ່ງຄວາມສາມັກຄີ, ຄວາມສະໜິດຕິດພັນຂອງວົງຄະນະຍາດຊາວຫວຽດນາມ ຢູ່ພາກພື້ນ.
 |
| ເຊັນ MOU ກັບຜູ້ອຸປະຖຳຫ້ອງການ - ສູນການຄ້າ Gwangju Outlet. |
ຊາວຫວຽດນາມ 20.000 ກວ່າຄົນຢູ່ Gwangju – Jeonnam ພວມນັບມື້ນັບຢືນຢັນຖານະຂອງຕົນຢູ່ໃນປະເທດ ສ.ເກົາຫຼີ ຜ່ານບັນດາການເຄື່ອນໄຫວວັດທະນະທຳ, ການສຶກສາ, ດຳເນີນທຸລະກິດ. ສະມາຄົມຊາວຫວຽດນາມ ຢູ່ Gwangju – Jeonnam ໃຫ້ຄຳໝັ້ນສັນຍາຈະສືບຕໍ່ຮ່ວມເດີນທາງກັບການໜູນຊ່ວຍວົງຄະນະຍາດ, ຍົກສູງຄຸນນະພາບຊີວິດການເປັນຢູ່ຢ່າງບໍ່ຢຸດຢັ້ງ ແລະ ສ້າງວົງຄະນະຍາດຊາວຫວຽດນາມ ສາມັກຄີ ແລະ ພັດທະນາ.
 |
| ຊາວຫວຽດນາມ ອາໄສຢູ່ຕ່າງປະເທດ ຖ່າຍຮູບລວມທີ່ເຫດການ. |
ພິທີເປີດຫ້ອງການໃໝ່ ແລະ ລາຍການຕ້ອນຮັບປີໃໝ່ວົງຄະນະຍາດ ໄດ້ດຳເນີນສຳເລັດຢ່າງຈົບງາມ. ສະມາຄົມຊາວ ຫວຽດນາມ ຢູ່ Gwangju-Jeonnam ຫວັງວ່າ ເຫດການນີ້ຈະສືບສົ່ງແຮງບັນດານໃຈ ແລະ ຄວາມສະໜິດຕິດພັນກັບປະຊາຄົມ, ມຸ່ງໄປເຖິງອະນາຄົດທີ່ສົດໃສ ແລະ ຍືນຍົງ.
 | ຫວຽດນາມ - ລາວ: ຮ່ວມແຮງຮ່ວມໃຈປົກປັກຮັກສາປ່າໄມ້, ອະນຸລັກຮັກສາຊັບພະຍາກອນທຳມະຊາດຢູ່ເຂດຊາຍແດນ ຍສໝ - ປ້ອງກັນ, ຕ້ານໄຟໄໝ້ປ່າ, ໜູນຊ່ວຍ, ຊ່ວຍເຫຼືອເຊິ່ງກັນ ແລະ ກັນ ພັດທະນາເສດຖະກິດ, ວັດທະນະທຳ, ສັງຄົມ; ເຂົ້າຮ່ວມການປົກປັກຮັກສາຄວາມເປັນລະບຽບຮຽບຮ້ອຍຄວາມປອດໄພ, ອະທິປະໄຕຄວາມໝັ້ນຄົງເຂດຊາຍແດນ, ຫຼັກໝາຍຂອງແຕ່ລະປະເທດ... ນີ້ແມ່ນບັນດາການເຄື່ອນໄຫວຮ່ວມແຮງຮ່ວມໃຈປົກປັກຮັກສາປ່າໄມ້, ອະນຸລັກຮັກສາຊັບພະຍາກອນທຳມະຊາດຢູ່ເຂດຊາຍແດນ ຫວຽດນາມ - ລາວ. |
 | ກໍາປັ່ນຕໍາຫຼວດທະເລ 8004 ສິ້ນສຸດການຢ້ຽມຢາມ ແລະພົບປະແລກປ່ຽນຢູ່ ສ.ເກົາຫຼີ ຕອນເຊົ້າວັນທີ 8 ພະຈິກ, ກໍາປັ່ນຕໍາຫຼວດທະເລ 8004 ພ້ອມດ້ວຍຄະນະປະຕິບັດງານຕໍາຫຼວດທະເລຫວຽດນາມ ໄດ້ອອກຈາກທ່າກໍາປັ່ນ Yeosu, ສິ້ນສຸດການຢ້ຽມຢາມ ແລະພົບປະແລກປ່ຽນກັບວິທະຍາຄານກໍາລັງປ້ອງກັນຝັ່ງທະເລ ສ.ເກົາຫຼີ ດ້ວຍຜົນສຳເລັດອັນຈົບງາມ. ທ່ານພົນຈັດຕະວາ Han Sang-Chul, ຫົວໜ້າວິທະຍາຄານກໍາລັງປ້ອງກັນຝັ່ງທະເລ ສ.ເກົາຫຼີ ເຂົ້າຮ່ວມພິທີສົ່ງກໍາປັ່ນ. |
ແທັງຮັ່ງ
