ລາຍການປະສານດົນຕີແສງສີ - ຕ້ອນຮັບປີໃໝ່ 2025 ແມ່ນເຫດການເປີດສາກໃຫ້ງານບຸນແສງສີສາກົນ ຮ່າໂນ້ຍ 2025. ລາຍການຈະມີການສະແດງແສງສະຫວ່າງຈາກ drone 2.025 ໜ່ວຍ (ເຄື່ອງຈັກບິນບໍ່ມີຄົນຂັບ) ສົມທົບກັບດົນຕີຂອງວົງດົນຕີປະສານສຽງຕາມມາດຕະຖານສາກົນ.
 |
| ຮ່າໂນ້ຍໄດ້ວາງສະແດງ drone 2.024 ໜ່ວຍເພື່ອສະເຫຼີມສະຫຼອງບຸນປີໃໝ່ປະຈຳຊາດ ປີມະໂລງ 2024. |
ຕາມຄະນະຈັດຕັ້ງແລ້ວ, ນີ້ແມ່ນຄັ້ງທຳອິດຢູ່ຫວຽດນາມ ທີ່ເຕັກໂນໂລຊີ drone ແສງສີໄດ້ຮັບການນຳໃຊ້ໃນຂອບຂະໜາດໃຫຍ່ ດ້ວຍການເປີດສາກການສະແດງທຳອິດຂອງ drone ມັງກອນລຸ້ນໃໝ່, ເຊິ່ງໃຫ້ຄຳໝັ້ນສັນຍາຈະສ້າງປະສົບການຕົວຈິງທີ່ໜ້າຕື່ນເຕັ້ນຢູ່ທ້ອງຟ້າໜອງ ໄຕ. ຕາມຄະນະຈັດຕັ້ງແລ້ວ, ຈຳນວນ drone ແລະ drone ມັງກອນ 2.025 ເຄື່ອງ ບໍ່ພຽງແຕ່ເປັນຂີດໝາຍປີທີ່ດຳເນີນເຫດການເທົ່ານັ້ນ, ຫາກຍັງເປັນສັນຍາລັກໃຫ້ແກ່ຄວາມໃໝ່, ທັນສະໄໝ ແລະ ຂອບຂະໜາດຂອງລາຍການ.
ໂດຍຈະຈັດຂຶ້ນຢູ່ສີ່ແຍກ ຫງວຽນຮ່ວາງຕົ່ນ - ລາກລອງກວນ (ໄຕໂຮ່, ຮ່າໂນ້ຍ) ດ້ວຍພາບພື້ນຫຼັງແມ່ນໜອງ ໄຕ, ການສະແດງ drone ແສງສີ ຈະເນັ້ນໃຫ້ເຫັນຈຸດພົ້ນເດັ່ນຂອງການປະສົມປະສານລະຫວ່າງມໍລະດົກວັດທະນະທຳບູຮານ ແລະ ກຳລັງຄວາມຄິດສ້າງສັນທັນສະໄໝຂອງຮ່າໂນ້ຍ. ພື້ນທີ່ຂະຫນາດໃຫຍ່ນີ້ ຈະເຮັດໃຫ້ຜູ້ຊົມຫລາຍສິບພັນຄົນສາມາດຮັບຊົມໂດຍກົງ ແລະ ຮູ້ສຶກເຖິງຄວາມງາມທີ່ສະຫວ່າງຈາກຂ້າງເທິງ. ນີ້ແມ່ນວິທີເພື່ອໃຫ້ຮ່າໂນ້ຍ ເລົ່າເລື່ອງລາວໃນອະດີດ ແລະ ປະຈຸບັນ, ກ່ຽວກັບນະຄອນທີ່ມານະພະຍາຍາມປົກປັກຮັກສາ ແລະ ເຊີດຊູຄຸນຄ່າມໍລະດົກ, ທັງມີການປ່ຽນແປງໃໝ່ ແລະ ບືນຕົວອອກສູ່ໂລກຢ່າງບໍ່ຢຸດຢັ້ງ.
ຄະນະຈັດຕັ້ງລາຍການໃຫ້ຮູ້ວ່າ ນີ້ບໍ່ພຽງແຕ່ແມ່ນບາດກ້າວທຳອິດຂອງງານບຸນແສງສີສາກົນ ຮ່າໂນ້ຍ 2025 ເທົ່ານັ້ນ, ຫາກຍັງແມ່ນໂອກາດເພື່ອໃຫ້ນະຄອນຫຼວງຢັ້ງຢືນທີ່ຕັ້ງຂອງຕົນແມ່ນນະຄອນປະດິດຄິດສ້າງ, ເປັນສະຖານທີ່ມໍລະດົກ ແລະ ທັນສະໄໝສົມທົບກັນມຸ່ງໄປເຖິງຄວາມສະຫງ່າງາມໃນອະນາຄົດ.
ກ່ອນໜ້ານັ້ນ, ໃນໂອກາດບຸນປີໃໝ່ປະຈຳຊາດ 2024, ຮ່າໂນ້ຍ ກໍ່ໄດ້ດຳເນີນການສະແດງ drone 2.024 ເຄື່ອງສົມທົບກັບການຈູດບັ້ງໄຟດອກໃນວັນບຸນປີໃໝ່ ເຊິ່ງໄດ້ດຶງດູດປະຊາຊົນນັບໝື່ນຄົນມາຊົມ.
 | ຍສໝ - ງານວາງສະແດງພາບຖ່າຍ “ສີສັນບັນດາເຜົ່າຂອງຊາດຫວຽດນາມ” ຖືກໄຂຂຶ້ນຢູ່ຮ່າໂນ້ຍ. |
 | ໄຂງານວາງສະແດງ “ຮອຍຕີນ ໂຮ່ຈີມິນ ຢູ່ຈີນ” ຍສໝ - ງານວາງສະແດງ “ຮອຍຕີນ ໂຮ່ຈີມິນ ຢູ່ຈີນ” ໄດ້ໄຂຂຶ້ນໃນຕອນບ່າຍວັນທີ 11 ພະຈິກ ຢູ່ຫໍພິພິທະພັນ ໂຮ່ຈີມິນ, ເຮືອນເລກທີ 19 ຖະໜົນງອກຮ່າ, ຮ່າໂນ້ຍ. |
ມີງດຶກ
