| ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງສະມາຄົມນັກຂ່າວ ຫວຽດນາມ ຈະດຳເນີນໃນວັນທີ 29 - 31 ທັນວາ | |
| ແຄ໊ງຮ່ວາ ຈະຕ້ອນຮັບແຂກທ່ອງທ່ຽວລັດເຊຍ 8.000 ຄົນ ທີ່ມີໜັງສືຜ່ານແດນວັກຊິນ |
ທີ່ກອງປະຊຸມຂ່າວກ່ຽວກັບກອງປະຊຸມສໍາມະນາການທ່ອງທ່ຽວ 2021 ດ້ວຍຫົວຂໍ້ “ທ່ອງທ່ຽວຫວຽດນາມ - ຟື້ນຟູ ແລະພັດທະນາ” ໄດ້ດຳເນີນໄປໃນຕອນເຊົ້າວັນທີ 24 ທັນວາ, ທ່ານ ຫງວຽນຈຸ່ງແຄ໊ງ, ຫົວໜ້າກົມໃຫຍ່ທ່ອງທ່ຽວແຫ່ງຊາດ ຫວຽດນາມ ໃຫ້ຮູ້ວ່າ: ນັກທ່ອງທ່ຽວສາກົນທີ່ມາທ່ຽວຢູ່ຫວຽດນາມ ບໍ່ຕ້ອງຈຳກັດບໍລິເວນ ແລະເຂົ້າຮ່ວມໂຄງການທ່ອງທ່ຽວແບບຄົບວົງຈອນ, ໄປຍັງສະຖານທີ່ທ່ອງທ່ຽວຕາມການກຳນົດຢູ່ 5 ທ້ອງຖິ່ນທີ່ໄດ້ຮັບອະນຸຍາດໃຫ້ປະຕິບັດການທົດລອງ.
 |
| ພາບປະກອບ: TTXVN |
ສຳລັບແຂກສາກົນທີ່ມາທ່ຽວຢູ່ຫວຽດນາມ, ພຽງແຕ່ໃສ່ຜ້າອັດປາກອັດດັງແມ່ນຂໍ້ບັງຄັບ, ຖ້າຫາກບໍ່ປະຕິບັດຕາມກໍຈະຢຸດຕິການໃຫ້ບໍລິການ ເພື່ອຮັບປະກັນບັນດາລະບຽບການໃນການປ້ອງກັນ, ຕ້ານໂລກລະບາດໃນປະຈຸບັນ.
ກອງປະຊຸມສຳມະນາໂດຍກຳມາທິການວັດທະນະທຳ ແລະການສຶກສາສະພາແຫ່ງຊາດສົມທົບກັບກະຊວງວັດທະນະທຳ, ກິລາ ແລະທ່ອງທ່ຽວ, ແຂວງເງະອານ ໄດ້ດຳເນີນໃນຕອນເຊົ້າວັນທີ 25 ທັນວາ. ກອງປະຊຸມ ສຳມະນາຄາດວ່າຈະດຶງດູດການເຂົ້າຮ່ວມໂດຍກົງຂອງຜູ້ແທນ 150 ຄົນ ຢູ່ແຂວງເງະອານ ແລະປະມານ 3.000 ຄົນທີ່ເຂົ້າຮ່ວມທາງອອນລາຍຜ່ານ 19 ຈຸດເຊື່ອມຕໍ່ອອນລາຍໃນທົ່ວປະເທດ.
ກອງປະຊຸມສຳມະນາແນໃສ່ປະເມີນຜົນກະທົບຂອງໂລກລະບາດໂຄວິດ-19 ຕໍ່ຂະແໜງການທ່ອງທ່ຽວ, ກາລະໂອກາດ ແລະສິ່ງທ້າທາຍສຳລັບການທ່ອງທ່ຽວຫວຽດນາມ; ປຶກສາຫາລືບັນດາທິດທາງ, ມາດຕະການຟື້ນຟູ ແລະພັດທະນາການທ່ອງທ່ຽວຫວຽດນາມ ຢ່າງວ່ອງໄວ ແລະຍືນຍົງ; ສະເໜີໃຫ້ ສະພາແຫ່ງຊາດ ແລະລັດຖະບານມີມາດຕະການແກ້ໄຂຄວາມຫຍຸ້ງຍາກ, ໜູນຊ່ວຍວິສາຫະກິດ ແລະປະຊາຊົນ; ສະໜອງຂໍ້ມູນໃຫ້ບັນດາຜູ້ແທນສະພາແຫ່ງຊາດກຳນົດບັນດານະໂຍບາຍເພື່ອຟື້ນຟູ ແລະພັດທະນາການທ່ອງທ່ຽວໃນສະພາບ “ປົກກະຕິໃໝ່”.
ບູນມີ
