| ງານມະຫະກຳ Karate ຫວຽດນາມ ຢູ່ ຍີ່ປຸ່ນ | |
| ຂີດໝາຍອັນໃຫຍ່ຫຼວງ ໃນການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ຍີ່ປຸ່ນ |
ນັ້ນແມ່ນຄຳຢືນຢັນຂອງທ່ານ Mitsuru Mitani, ປະທານສະມາຄົມວິສາຫະກິດສົ່ງເສີມການລົງທຶນລະຫວ່າງ Hokuriku ແລະ ຫວຽດນາມ ທີ່ກອງປະຊຸມສະຫຼຸບວຽກງານຂອງສະມາຄົມໃນປີ 2021.
 |
| ບັນດາວິສາຫະກິດ ເຂດ Hokuriku (ຍີ່ປຸ່ນ) ຕີລາຄາສູງສະພາບແວດລ້ອມແຫ່ງການລົງທຶນຢູ່ ຫວຽດນາມ. (ພາບ: TTXVN) |
ກ່າວຄຳເຫັນຕໍ່ໜ້າ ບັນດາການນຳວິສາຫະກິດສະມາຊິກເກືອບ 30 ທ່ານ, ພ້ອມກັບຜູ້ຕາງໜ້າສະຫະພັນເສດຖະກິດ ເຂດ Hokuriku ແລະ ອົງການຮ່ວມມືສາກົນຍີ່ປຸ່ນ (JICA) ຢູ່ເຂດ Hokuriku, ທ່ານ Mitsuru Mitani, ປະທານສະມາຄົມວິສາຫະກິດສົ່ງເສີມການລົງທຶນລະຫວ່າງ Hokuriku ແລະ ຫວຽດນາມ ກ່າວວ່າ ທ່ານປາດຖະຫນາຢາກຈັດຖ້ຽວໄປຢ້ຽມຢາມ ຫວຽດນາມ ເພື່ອແນໃສ່ຊອກຫາກາລະໂອກາດດຳເນີນທຸລະກິດ, ແລະ ພ້ອມກັນນັ້ນ ກໍພ້ອມແລ້ວທີ່ຈະຕ້ອນຮັບວິສາຫະກິດຫວຽດນາມ ມາຢ້ຽມຢາມຊອກຫາຄູ່ຮ່ວມມື ຫຼື ດຳເນີນທຸລະກິດຢູ່ຍີ່ປຸ່ນ.
ທ່ານກົງສຸນໃຫຍ່ຫວຽດນາມ ປະຈຳ Osaka ຫງວຽນຮົ່ງຮ່າ ໄດ້ຕີລາຄາສູງ ບັນດາຄວາມມານະພະຍາຍາມຂອງສະມາຄົມວິສາຫະກິດສົ່ງເສີມການລົງທຶນລະຫວ່າງພາກພື້ນ Hokuriku ແລະ ຫວຽດນາມ ໃນການຮັກສາ ແລະ ຊຸກຍູ້ການພົວພັນລະຫວ່າງພາກພື້ນ Hokuriku ແລະ ຫວຽດນາມ. ທ່ານກົງສຸນໃຫຍ່ຫວຽດນາມ ປະຈຳ Osaka ຫງວຽນຮົ່ງຮ່າ ໃຫ້ຮູ້ວ່າ: ລັດຖະບານ ຫວຽດນາມ ພວມຍູ້ແຮງການຈັດຕັ້ງປະຕິບັດນະໂຍບາຍ ດຳລົງຊີວິດຢູ່ຮ່ວມກັບໂລກລະບາດ, ປະຕິບັດເປົ້າໝາຍຄວບຄູ່ “ທັງຕ້ານພະຍາດໂຄວິດ-19, ທັງຮັກສາການພັດທະນາເສດຖະກິດ - ສັງຄົມຢ່າງໝັ້ນຄົງ”. ໃນໄລຍະຜ່ານມາ, ມີສັນຍານດີຫຼາຍຢ່າງ ທີ່ສະແດງໃຫ້ເຫັນວ່າ ຫວຽດນາມ ຍັງຄົງແມ່ນຈຸດໝາຍທີ່ດຶງດູດ, ປອດໄພ ແລະ ພວມໄດ້ຮັບຄວາມສົນໃຈຈາກບັນດານັກລົງທຶນຕ່າງປະເທດ ນັບມື້ນັບຫຼາຍຂຶ້ນ.
ຄຳຮຸ່ງ
