| ປີ 2022, ຫວຽດນາມ ແມ່ນຕະຫຼາດສຳຄັນຂອງບັນດາກຸ່ມວິສາຫະກິດຂາຍຍ່ອຍຍີ່ປຸ່ນ | |
| ການແຂ່ງຂັນບານເຕະ FAVIJA Kanto Cup 2021: ເຊື່ອມຕໍ່ປະຊາຄົມຊາວຫວຽດນາມ ຢູ່ຍີ່ປຸ່ນ |
ງານແຂ່ງຂັນ ໄດ້ນຳເອົາສະໜາມກິລາເພື່ອສຸຂະພາບມາໃຫ້ປະຊາຄົມຊາວຫວຽດນາມ, ພ້ອມກັນນັ້ນ ກໍໄດ້ປະກອບສ່ວນຊຸກຍູ້ການແລກປ່ຽນວັດທະນະທຳ ລະຫວ່າງ ຫວຽດນາມ ແລະ ຍີ່ປຸ່ນ.
ງານແຂ່ງຂັນຄັ້ງນີ້ໄດ້ຈັດຕັ້ງ ໂດຍສະມາຄົມແລກປ່ຽນວັດທະນະທຳກິລາ ຫວຽດນາມ - ຍີ່ປຸ່ນ (FAVIJA) ສົມທົບກັບສະມາຄົມ Karate ຫວຽດນາມ ຢູ່ພາກພື້ນ Kansai. ຫວ່າງແລ້ວນີ້, ຢູ່ສະໜາມກິລາ Ouji ຢູ່ນະຄອນ Kobe, ຈຳນວນນັກກິລາເກືອບ 80 ຄົນ ຖືກຄັດເລືອກຈາກບັນດາສະໂມສອນ Karate ຫວຽດນາມ ໄດ້ພະຍາຍາມແຂ່ງຂັນຈົນສຸດຄວາມສາມາດຂອງຕົນ.
 |
| ງານມະຫະກຳ Karate ຫວຽດນາມ ຢູ່ ຍີ່ປຸ່ນ. (ພາບ: thoidai) |
ທ່ານຝ່ານວູແທັງຮ້ຽບ, ປະທານສະມາຄົມ Karate ຫວຽດນາມ, ຫົວໜ້າຄະນະຈັດຕັ້ງການແຂ່ງຂັນ ໃຫ້ຮູ້ວ່າ: ເພື່ອຈັດຕັ້ງການແຂ່ງຂັນໃນໄລຍະທີ່ເກີດໂລກລະບາດໂຄວິດ-19, ຄະນະຈັດຕັ້ງ ໄດ້ຮຽກຮ້ອງໃຫ້ນັກກິລາທຸກຄົນທີ່ເຂົ້າຮ່ວມການແຂ່ງຂັນ ແລະ ກອງເຊຍ ຕ້ອງປະຕິບັດລະບຽບການປ້ອງກັນພະຍາດຢ່າງເຂັ້ມງວດ. ການແຂ່ງຂັນ ໄດ້ສ້າງສະໜາມຫຼິ້ນເພື່ອສຸຂະພາບທີ່ເຂັ້ມແຂງ, ເປັນປະໂຫຍດ, ທັງຝຶກຊ້ອມ ແລະ ບຳລຸງສ້າງຍົກສູງສຸຂະພາບ ເພື່ອຮັບໃຊ້ໃຫ້ແກ່ການເຮັດວຽກ ແລະ ການຮ່ຳຮຽນ, ເປັນບ່ອນໃຫ້ຊາວຫວຽດນາມ ອາໄສຢູ່ຕ່າງປະເທດ ແລກປ່ຽນຄວາມສາມັກຄີ, ຊ່ວຍເຫຼືອເຊິ່ງກັນ ແລະ ກັນ.
ກິລາ Karate ແມ່ນກິລາພື້ນເມືອງຂອງຍີ່ປຸ່ນ, ສະນັ້ນ, ການຈັດການແຂ່ງຂັນ ກໍ່ແມ່ນໂອກາດເພື່ອແລກປ່ຽນ, ຮຽນຮູ້ ແລະ ຊຸກຍູ້ການພົບປະແລກປ່ຽນວັດທະນະທຳລະຫວ່າງສອງປະເທດ. ທ່ານ Michigami Fumie, ຜູ້ຊົມທ້ອງຖິ່ນ, ໃຫ້ຮູ້ວ່າ: “ຂ້າພະເຈົ້າ ມີຄວາມແປກໃຈທີ່ໄດ້ເຫັນຊາວຫວຽດນາມ ຢູ່ ຍີ່ປຸ່ນ ສາມາດຈັດຕັ້ງການແຂ່ງຂັນໃຫຍ່ດັ່ງກ່າວ, ສິ່ງທີ່ແປກໃຈກວ່ານັ້ນແມ່ນ ກິລານີ້ແມ່ນກິລາພື້ນເມືອງຂອງຍີ່ປຸ່ນ. ຂ້າພະເຈົ້າ ຄິດວ່າ ປະຊາຊົນຍີ່ປຸ່ນດີໃຈທີ່ໄດ້ເຫັນເຫດການນີ້.”
ໃນຕອນທ້າຍຂອງການແຂ່ງຂັນ, ຄະນະຈັດຕັ້ງໄດ້ມອບລາງວັນທີ 1 ໃຫ້ສະໂມສອນ Kobe Karate, ລາງວັນທີ 2 ໃຫ້ສະໂມສອນ Osaka Karate ແລະ ລາງວັນທີ 3 ໃຫ້ສະໂມສອນ Nagoya Karate, ພ້ອມດ້ວຍລາງວັນປະເພດທີມ ແລະ ບຸກຄົນອີກຫຼາຍລາງວັນ.
ຄຳຮຸ່ງ
