| 11 ບັນຫາຈະໄດ້ຈັດຕັ້ງປະຕິບັດໃນຂໍ້ລິເລີ່ມລວມຂັ້ນຕອນທີ 8 ຂອງຍຫວຽດນາມ - ຍີ່ປຸ່ນ | |
| ການສົນທະນາທາງອອນລາຍ ລະຫວ່າງຮອງລັດຖະມົນຕີກະຊວງປ້ອງກັນປະເທດຫວຽດນາມ - ຍີ່ປຸ່ນ |
ການຢ້ຽມຢາມຍີ່ປຸ່ນຢ່າງເປັນທາງການ ຂອງທ່ານນາຍົກລັດຖະມົນຕີ ຟ້າມມິງຈິງ ແລະ ຄະນະຜູ້ແທນຂັ້ນສູງຫວຽດນາມ ໃນລະຫວ່າງວັນທີ 22 – 25 ພະຈິກ ຕາມຄໍາເຊີນຂອງທ່ານນາຍົກລັດຖະມົນຕີ ຍີ່ປຸ່ນ Kishida Fumio ໄດ້ປະສົບຜົນສຳເລັດຢ່າງຈົບງາມ. ໃນເວລາໃຫ້ສຳພາດຕໍ່ນັກຂ່າວ ກ່ຽວກັບໝາກຜົນຂອງການຢ້ຽມຢາມຄັ້ງນີ້, ທ່ານລັດຖະມົນຕີການຕ່າງປະເທດ ບຸ່ຍແທງເຊີນ ເນັ້ນໜັກວ່າ: ການຢ້ຽມຢາມສືບຕໍ່ເພີ່ມທະວີການພົວພັນຄູ່ຮ່ວມມືຍຸດທະສາດກັບ ຍີ່ປຸ່ນ ໃຫ້ເລິກເຊິ່ງກ່ວາອີກ, ເພີ່ມທະວີ ແລະ ຊຸກຍູ້ການພົວພັນຮ່ວມມືລະຫວ່າງ 2 ປະເທດນັບມື້ນັບແທດຈິງ, ສົມກັບເປັນການພົວພັນຄູ່ຮ່ວມມືຍຸດທະສາດໃນຂົງເຂດເສດຖະກິດ, ການຄ້າ, ການລົງທຶນ, ການເມືອງ, ການທູດ, ການປ້ອງກັນຄວາມສະຫງົບ...
 |
| ຂີດໝາຍອັນໃຫຍ່ຫຼວງ ໃນການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ຍີ່ປຸ່ນ. |
ການຢ້ຽມຢາມຍັງແມ່ນການສະແດງໃຫ້ເຫັນ ແນວທາງການຕ່າງປະເທດເອກະລາດ, ເປັນເຈົ້າຕົນເອງ, ຫັນເປັນຫຼາຍຝ່າຍ, ຫັນເປັນຫຼາຍຮູບຫຼາຍແບບ, ສັນຕິພາບ, ມິດຕະພາບ, ການຮ່ວມມື ແລະ ພັດທະນາຢ່າງມີຊີວິດຊີວາ, ເຊິ່ງຫວຽດນາມ ແມ່ນເພື່ອນມິດທີ່ໄວ້ເນື້ອເຊື່ອໃຈ ແລະ ມີຄວາມຮັບຜິດຊອບຂອງປະຊາຄົມສາກົນ.
ທ່ານລັດຖະມົນຕີ ບຸ່ຍແທງເຊີນ ຢືນຢັນວ່າ ການຢ້ຽມຢາມບັນລຸໄດ້ບັນດາໝາກຜົນຮອບດ້ານ, ທັງມີລັກສະນະແທດຈິງ ແລະ ຍຸດທະສາດ, ສ້າງຂີດໝາຍອັນໃຫຍ່ຫຼວງໃນການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ຍີ່ປຸ່ນ. ສອງຝ່າຍໄດ້ກຳນົດທິດທາງໃຫຍ່ ແລະ ມາດຕະການສະເພາະ ເພື່ອຮັດແໜ້ນສາຍພົວພັນມິດຕະພາບທີ່ເປັນມູນເຊື້ອ ແລະ ກວ້າງຂວາງລະຫວ່າງສອງປະເທດ. ສອງປະເທດຈະນຳເອົາການຮ່ວມມືດ້ານເສດຖະກິດ, ການຄ້າ ແລະ ການລົງທຶນຂຶ້ນສູ່ໄລຍະໃໝ່ແຫ່ງການພັດທະນາຢ່າງເລິກເຊິ່ງ, ມີປະສິດທິຜົນ ແລະ ແທດຈິງຫຼາຍກວ່າອີກ.
ຄຳຮຸ່ງ
