 |
| ພາບປະກອບ:hcmcpv.org.vn |
ໃນຂອບເຂດໂຄງການ “ຄົນລຸ້ນຂຽວ - ຊຸກຍູ້ຄົນລຸ້ນໜຸ່ມ ມີການກະທຳ ເພື່ອດິນຟ້າອາກາດ ແລະ ພະລັງງານແບບຍືນຍົງ” ໂດຍສະຖານທູດ ແດນມາກ ອຸປະຖຳ, ຕອນຄ່ຳວັນທີ 29 ທັນວາ, ສູນດຳລົງຊີວິດ ແລະ ຮ່ຳຮຽນ ເພື່ອສິ່ງແວດລ້ອມ ແລະ ປະຊາຄົມ (Live and Learn) ຂຶ້ນກັບ ສະຫະພັນ ບັນດາສະມາຄົມວິທະຍາສາດ ແລະ ເຕັກນິກ ຫວຽດນາມ ໄດ້ຈັດ ການໂອ້ລົມສົນທະນາທາງໄກ: ລຸ້ນຄົນຕ່າງໆແຕ່ປີ 1980 ມາຮອດປັດຈຸບັນ ປົກປັກຮັກສາສິ່ງແວດລ້ອມ ຄືແນວໃດ?
ທ່ານນາງ ໂດເວິນງວຽດ ຜູ້ອຳນວຍການສູນ Live and Learn ທັງເປັນ ປະທານການໂອ້ລົມສົນທະນາ ຖືວ່າ ປັດຈຸບັນເລື່ອງເພີ່ມທະວີການເຂົ້າຮ່ວມຂອງຄົນລຸ້ນໜຸ່ມ ເຂົ້າໃນບັນດາການຕັດສິນນະໂຍບາຍທີ່ກ່ຽວຂ້ອງເຖິງການປ່ຽນແປງຂອງດິນຟ້າອາກາດ ແລະ ການກະທຳເຄື່ອນໄຫວນະໂຍບາຍ ຜ່ານ ບັນດາການໂອ້ລົມສົນທະນາຢ່າງເປັນປະຈຳ, ເໝາະສົມກັບຊາວໜຸ່ມ ພ້ອມກັບບັນດາຝ່າຍທີ່ກ່ຽວຂ້ອງ, ນຳໃຊ້ພື້ນຖານດີຈີຕອນ ເພື່ອ ດຶງດູດຊາວໜຸ່ມ ເຂົ້າຮ່ວມການກະທຳເພື່ອດິນຟ້າອາກາດ, ສົ່ງເສີມບັນດາຂໍ້ລິເລີ່ມ ແລະ ແຜນການຕົວຈິງດີທີ່ສຸດ ກ່ຽວກັບການກະທຳເພື່ອດິນຟ້າອາກາດ ແລະ ການມອບສິດໃຫ້ຊາວໜຸ່ມນຳພາການເຄື່ອນໄຫວທີ່ຊາວໜຸ່ມ ຫວຽດນາມ ຮຽກຮ້ອງຢ່າງຮີບດ່ວນ. ເພື່ອມຸ່ງໄປເຖິງການດຳລົງຊີວິດທີ່ເປັນມິດກັບສິ່ງແວດລ້ອມ, ຊາວໜຸ່ມແຕ່ລະລຸ້ນ ມີບັນດາກາລະໂອກາດ, ສິ່ງທ້າທາຍຕ່າງໆ ແລະ ປະຕິບັດບັນດາການເຄື່ອນໄຫວຕາມວິທີສະເພາະຂອງຕົນ. ດັ່ງນັ້ນ, ການໂອ້ລົມສົນທະນາຄັ້ງນີ້ ໄດ້ສ້າງກາລະໂອກາດໃຫ້ແກ່ເພື່ອນໜຸ່ມປຶກສາຫາລື ກ່ຽວກັບບົດບາດ ແລະ ກາລະໂອກາດຂອງ ຊາວໜຸ່ມ, ພ້ອມທັງເຂົ້າໃຈຢ່າງຈະແຈ້ງກວ່າອີກ ກ່ຽວກັບການປົກປັກຮັກສາສິ່ງແວດລ້ອມຂອງຊາວໜຸ່ມລຸ້ນຕ່າງໆ ໃນຊຸມປີ 1980 ມາຮອດປັດຈຸບັນ.
vovworld.vn
