ກ່າວຄຳເຫັນທີ່ພິທີ, ທ່ານນາງຮອງປະທານປະເທດ ຫວຽດນາມ ຫວໍທິແອັງຊວັນ ຊີ້ແຈ້ງວ່າ ການແກ້ໄຂຜົນຮ້າຍຢ້ອນຫຼັງຈາກທາດພິດເຄມີທີ່ອາເມລິກາ ໄດ້ນຳໃຊ້ ໃນປາງສົງຄາມຢູ່ຫວຽດນາມ ຕໍ່ສິ່ງແວດລ້ອມ ແລະ ສຸຂະພາບຂອງປະຊາຊົນ ແມ່ນບັນຫາທີ່ຮີບດ່ວນ, ທັງຍາວນານ, ທັງແມ່ນຄວາມຮັບຜິດຊອບຂອງ ທັງລະບົບການເມືອງ ແລະທົ່ວສັງຄົມ.
 |
| ທ່ານນາງຮອງປະທານປະເທດ ຫວໍທິແອັງຊວັນ ປະດັບຫຼຽນໄຊແຮງງານຊັ້ນ III ໃຫ້ແກ່ສະມາຄົມຜູ້ປະສົບເຄາະຮ້າຍຈາກທາດ ພິດສີສົ້ມ/ດີໂອຊິນ. ພາບ: TTXVN |
ສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ ຕ້ອງປ່ຽນແປງໃໝ່ວຽກງານໂຄສະນາສຶກສາ, ປຸກລະດົມຂົນຂວາຍເພື່ອໃຫ້ຫາງສຽງຢູ່ທັງພາຍໃນ ແລະຕ່າງປະເທດມີຄວາມເຂົ້າໃຈຢ່າງຈະແຈ້ງກວ່າກ່ຽວກັບໄພພິບັດທາດພິດສີສົ້ມຢູ່ຫວຽດນາມ, ຈາກນັ້ນ ຕັ້ງໜ້າເຂົ້າຮ່ວມຕອບສະໜອງຂະບວນການ “ເຄື່ອນ ໄຫວເພື່ອຜູ້ປະສົບເຄາະຮ້າຍຈາກທາດພິດສີສົ້ມ” ດ້ວຍການກະທຳທີ່ລະອຽດ, ບົນເນື້ອໃນຈິດໃຈ “ບໍ່ປະໃຫ້ຜູ້ປະສົບເຄາະຮ້າຍຄົນໃດຖືກປະຢູ່ເບື້ອງຫຼັງ”
ຕ້ອງມີການເຄື່ອນໄຫວທີ່ແທດຈິງກວ່າເພື່ອເບິ່ງແຍງດູແລສຸຂະພາບ, ຊີວິດການ ເປັນຢູ່ ແລະວຽກເຮັດງານທຳຂອງຜູ້ປະສົບເຄາະຮ້າຍ ແລະຄອບຄົວຜູ້ປະສົບ ເຄາະຮ້າຍຈາກທາດພິດສີສົ້ມ. ເພີ່ມທະວີວຽກງານກວດກາ, ຕິດຕາມກວດກາ ການປະຕິບັດລະບອບນະໂຍບາຍທີ່ມີຕໍ່ຜູ້ປະສົບເຄາະຮ້າຍຈາກທາດພິດສີສົ້ມ”.
ເນື່ອງໃນໂອກາດນີ້, ທ່ານນາງຮອງປະທານປະເທດ ຫວໍທິແອັງຊວັນ ໄດ້ປະດັບຫຼຽນໄຊແຮງງານຊັ້ນ III ໃຫ້ແກ່ສະມາຄົມຜູ້ປະສົບເຄາະຮ້າຍຈາກທາດ ພິດສີສົ້ມ/ດີໂອຊິນ.
ບູນມີ
