| ກວາງນິງ ເຊື່ອມຕໍ່ຖ້ຽວບິນການຄ້າ ກັບນະຄອນໂຮ່ຈິມິນ ຄືນໃໝ່ ແຕ່ວັນທີ 27 ຕຸລາ | |
| ແຂວງ ກວາງນິງ ໃຫ້ບຸລິມະສິດການທ່ອງທ່ຽວຄົບວົງຈອນຮັບປະກັນຄວາມປອດໄພໃນການປ້ອງກັນ, ຕ້ານໂລກລະບາດ |
ກວາງນິງ ໄດ້ຄັດເລືອກທົດລອງຮູບແບບການທ່ອງທ່ຽວແບບຄົບວົງຈອນ ເພື່ອຕ້ອນຮັບນັກທ່ອງທ່ຽວສາກົນ. ນັ້ນແມ່ນຮູບແບບການລ່ອງເຮືອ ແລະ ພັກຕອນຄ່ຳຢູ່ເຮືອ ໃນອ່າວຮ່າລອງ ແລະ ຮູບແບບຕ້ອນຮັບແຂກມາທ່ອງທ່ຽວລະຫຼິ້ນ ແລະ ພັກຜ່ອນບຳລຸງສຸຂະພາບ ຢູ່ເຂດທ່ອງທ່ຽວສາກົນຕວນເຈົາ (ຮ່າລອງ), ເຂດທ່ອງທ່ຽວອຽນຕື (ນະຄອນ ອວາງບີ໋) ແລະ ເຂດທ່ອງທ່ຽວມ້ອງກ້າຍ (ນະຄອນມ້ອງກ້າຍ).
ແຂວງກວາງນິງ ໄດ້ກໍ່ສ້າງ ແລະ ວາງອອກບັນດາແຜນການ ແລະ ລະບຽບການແນະນຳເພື່ອຕ້ອນຮັບ ແລະ ຮັບໃຊ້ນັກທ່ອງທ່ຽວ ເພື່ອຮັບປະກັນຄວາມປອດໄພ. ສະເພາະແຂວງ ກວາງນິງ ໄດ້ປະກາດໃຊ້ແລະ ໂຄສະນາໃຫ້ບັນດາວິສາຫະກິດບໍລິການທ່ອງທ່ຽວຢູ່ໃນບໍລິເວນ “ກຳນົດມາດຕະການຊົ່ວຄາວ ເພື່ອຕີລາຄາລະດັບຄວາມປອດໄພໃນການປ້ອງກັນ ແລະ ຕ້ານໂລກລະບາດ Covid – 19” ໃຫ້ແກ່ການເຄື່ອນໄຫວທ່ອງທ່ຽວ. ກຳນົດມາດຖານຄວາມປອດໄພລວມມີ 24 ມາດຖານບັງຄັບ, 11 ມາດຖານແນະນຳສົ່ງເສີມໃຫ້ບັນດາວິສາຫະກິດປະຕິບັດຢ່າງເຂັ້ມງວດ.
 |
| ກວາງນິງ ຈະເປີດປະຕູຮັບນັກທ່ອງທ່ຽວສາກົນຄັ້ງທຳອິດ ໃນວັນທີ 7 ມັງກອນ 2022. (ພາບ: baotintuc) |
ພາຍຫຼັງການນຳໃຊ້ມາດຕະການທີ່ໜັກແໜ້ນເປັນເວລາຍາວນານ, ໃນນັ້ນມີການຕັດສິນໃຈໂຈະການເຄື່ອນໄຫວທ່ອງທ່ຽວ ແລະ ການບໍລິການ ເພື່ອຮັບໃຊ້ການປ້ອງກັນ ແລະ ຄວບຄຸມພະຍາດໂຄວິດ-19, ແຕ່ເດືອນ ຕຸລາ ປີ 2021, ແຂວງ ກວາງນິງ ໄດ້ເປີດຄືນບັນດາການເຄື່ອນໄຫວທ່ອງທ່ຽວພາຍໃນແຂວງ, ພ້ອມກັບຂະບວນການປ້ອງກັນ ແລະ ຄວບຄຸມການແຜ່ລະບາດຢ່າງເຄັ່ງຄັດ. ຮອດເດືອນພະຈິກ 2021, ແຂວງກວາງນິງ ໄດ້ທົດລອງການຕ້ອນຮັບນັກທ່ອງທ່ຽວຈາກຕ່າງປະເທດ, ສຸມໃສ່ເປີດການທ່ອງທ່ຽວ ແລະ ເສັ້ນທາງທ່ອງທ່ຽວ ເພື່ອຮັບປະກັນຄວາມປອດໄພຂອງພະຍາດ.
ຕາມແຜນການທີ່ຜ່ານມາ, ແຂວງກວາງນິງ ຈະຕ້ອນຮັບຄະນະນັກທ່ອງທ່ຽວ ສ.ເກົາຫຼີ ຄັ້ງທຳອິດຕາມໂຄງການທົດລອງ, ໂດຍຜ່ານສະໜາມບິນສາກົນ ເວີນດົນ ໃນວັນທີ 7 ມັງກອນ 2022. ເຖິງແນວໃດກໍ່ຕາມ, ເນື່ອງຈາກປະກົດມີໄວຣັດສາຍພັນໃໝ່ Omicron, ແຜນການດັ່ງກ່າວ ຈຶ່ງຖືກເລື່ອນໄປເປັນວັນທີ 27 ມັງກອນ 2022.
ຄາດວ່າຈະມີນັກທ່ອງທ່ຽວ ສ.ເກົາຫຼີ ປະມານ 3.000 ຄົນ ເລີ່ມເດີນທາງຈາກ Incheon ໄປຍັງກວາງນິງ, ດ້ວຍ 16 ຖ້ຽວບິນ ແລະ ເຂົ້າເມືອງຜ່ານສະໜາມບິນສາກົນ ເວີນດົນ. ບັນດານັກທ່ອງທ່ຽວເຫຼົ່ານີ້ ຈະພຽງແຕ່ຢູ່ກວາງນິງ, ທ່ອງທ່ຽວແບບຄົບວົງຈອນ ເພື່ອຄວບຄຸມໄດ້ດີກວ່າເກົ່າ ໃນສະພາບການທີ່ສັບສົນຂອງພະຍາດໂຄວິດ-19.
ຄຳຮຸ່ງ
