| ການແຂ່ງຂັນກອັຟ ຢູ່ແບນຊິກ ໜູນຊ່ວຍຜູ້ປະສົບເຄາະຮ້າຍຈາກທາດພິດສີສົ້ມ ຢູ່ຫວຽດນາມ | |
| ເບິ່ງແຍງດູແລ, ຫນູນຊ່ວຍຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ, ບໍ່ໃຫ້ຜູ້ໃດຖືກປະໄວ້ຢູ່ທາງຫລັງ |
ກອງປະຊຸມແມ່ນນອນໃນຂອບເຂດ ບັນດາການເຄື່ອນໄຫວສະເຫຼີມສະຫຼອງ 60 ປີແຫ່ງວັນວິນາດສະກຳທາດພິດສີສົ້ມຢູ່ຫວຽດນາມ, ຈັດຕັ້ງໂດຍ ສະມາຄົມຜູ້ປະສົບເຄາະຮ້າຍ ຈາກທາດພິດສີສົ້ມ/ດີໂອຊິນ ຫວຽດນາມ (VAVA) ສົມທົບກັບ ອົງການປະຈຳຄະນະຊີ້ນຳແຫ່ງຊາດ ແກ້ໄຂຜົນຮ້າຍທີ່ຕາມມາຈາກລູກລະເບີດຝັງດິນ ແລະ ສານເຄມີທາດພິດ ພາຍຫຼັງສົງຄາມຢູ່ຫວຽດນາມ (ຄະນະຊີ້ນໍາ 701) ແລະ ວິທະຍາຄານເສນາຮັກ, ກະຊວງປ້ອງກັນປະເທດ.
ກ່າວຄຳເຫັນທີ່ພິທີໄຂ, ທ່ານພົນໂທ ຫງວຽນວັນລິງ, ປະທານສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນຫວຽດນາມ ຖືວ່າ ກອງປະຊຸມໄດ້ຮັບການຈັດຕັ້ງ ເພື່ອປະເມີນສະພາບການອາການພະຍາດທີ່ກ່ຽວຂ້ອງເຖິງທາດພິດສີສົ້ມ/ດີໂອຊິນໃນປະຈຸບັນ ໂດຍທະຫານສະຫະລັດອາເມລິກາ ນຳໃຊ້ໃນສົງຄາມຫວຽດນາມ; ບົນພື້ນຖານນັ້ນ, ສະເໜີບັນດາມາດຕະການແກ້ໄຂ ແລະ ຫຼຸດຜ່ອນຜົນຮ້າຍຈາກທາດພິດສີສົ້ມ/ດີໂອຊິນ ຕໍ່ສຸຂະພາບຂອງມະນຸດ.
 |
| ຫວຽດນາມ ບັນລຸໄດ້ບັນດາຜົນງານຫຼາຍຢ່າງ ເພື່ອແກ້ໄຂຜົນຮ້າຍທີ່ຕາມມາຈາກທາດພິດສີສົ້ມ/ດີໂອຊິນ. (https://baoquankhu1.vn) |
ກອງປະຊຸມ ໄດ້ຮັບບົດອະພິປາຍ 40 ກວ່າບົດຂອງນັກວິທະຍາສາດ, ນັກຊ່ຽວຊານ, ທ່ານໝໍ 50 ກວ່າຄົນຢູ່ຫວຽດນາມ ແລະ ສາກົນ. ໂດຍສະເພາະ, ນັກວິທະຍາສາດຈາກຍີ່ປຸ່ນ, ຝຣັ່ງ ແລະ ສະຫະລັດອາເມລິກາ ໄດ້ສົ່ງເອກະສານການຄົ້ນຄວ້າ ແລະ ເຂົ້າຮ່ວມການສໍາມະນາທາງອອນໄລ. ບັນດາເອກະສານທີ່ສົ່ງໄປຍັງກອງປະຊຸມ ໄດ້ຢືນຢັນ ແລະ ຊີ້ແຈງເຖິງຜົນສະທ້ອນອັນຮ້າຍແຮງຂອງທາດພິດສີສົ້ມ/ດີໂອຊິນ; ຄວາມມານະພະຍາຍາມອັນໃຫຍ່ຫຼວງຂອງຫວຽດນາມ ແລະ ປະຊາຄົມສາກົນ ໃນການແກ້ໄຂຜົນຮ້າຍທີ່ຕາມມາເຖິງສິ່ງແວດລ້ອມ, ນິເວດວິທະຍາ ແລະ ການປິ່ນປົວພະຍາດໃຫ້ຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ ແລະ ສະເໜີຫຼາຍວິທີແກ້ ຄື: ເລັ່ງການລ້າງສານຕົກຄ້າງຂອງທາດພິດສີສົ້ມໃນສິ່ງແວດລ້ອມຢູ່ “ຈຸດຮ້ອນ”; ສຸມໃສ່ລົງທຶນເຂົ້າໃນການຄົ້ນຄ້ວາ ແລະ ຈັດຕັ້ງການປິ່ນປົວ ແລະ ປ້ອງກັນພະຍາດ, ພະຍາດທີ່ກ່ຽວຂ້ອງກັບທາດພິດສີສົ້ມ/ດີໂອຊິນ ເພື່ອຫຼຸດຜ່ອນອັດຕາການເສຍຊີວິດ; ເຜີຍແຜ່ບົດສະຫຼຸບວິທະຍາສາດ ກ່ຽວກັບຮູບແບບການປິ່ນປົວ ແລະ ປ້ອງກັນທີ່ໄດ້ຮັບການຄົ້ນຄວ້າ ແລະ ທົດລອງນຳໃຊ້ໃນພາກປະຕິບັດການປິ່ນປົວ ແລະ ປ້ອງກັນພະຍາດ ທີ່ກ່ຽວຂ້ອງກັບທາດພິດສີສົ້ມ/ດີໂອຊິນ; ເລັ່ງສຳຫຼວດ, ຄົ້ນຄວ້າ ແລະ ສ້າງລະບົບດິຈິຕອນ ເພື່ອຄວບຄຸມພະຍາດ ແລະ ການເຈັບປ່ວຍຂອງຜູ້ຕິດເຊື້ອ ແລະ ຕິດແປດສານພິດ.
ຄຳຮຸ່ງ
