ສູນກາງສະມາຄົມຜູ້ເຄາະຮ້າຍຈາກທາດພິດທາດສີສົ້ມ/Dioxin ຫວຽດນາມ ໄດ້ຈັດຕັ້ງພິທີມອບຫຼຽນທີ່ລະນຶກຜູ້ເຄາະຮ້າຍຈາກທາດພິດສີສົ້ມແກ່ນາງ Tran To Nga ເພື່ອຈົດຈຳຄຸນງາມຄວາມດີຂອງຜູ້ກ່ຽວໃນການຕໍ່ສູ້ຮຽກຮ້ອງຄວາມຍຸຕິທຳແກ່ຜູ້ເຄາະຮ້າຍຈາກທາດສີສົ້ມ ແລະ ມີຫຼາຍການເຄື່ອນໄຫວຊ່ວຍຜູ້ເຄາະຮ້າຍຈາກທາດພິດສີສົ້ມຫວຽດນາມ.
ທ່ານນາງ Tran To Nga ໄດ້ປະກອບສ່ວນຫຼາຍຢ່າງໃຫ້ແກ່ຂະບວນການສະໜັບສະໜູນ, ຊ່ວຍເຫຼືອຜູ້ເຄາະຮ້າຍຈາກທາດພິດສີສົ້ມ. ທ່ານຍັງດຳເນີນການຮ້ອງຟ້ອງຮຽກຮ້ອງຕໍ່ບັນດາບໍລິສັດເຄມີຂອງອາເມລິກາໃຫ້ຕ້ອງຊົດແທນຄວາມເສັຍຫາຍຕ່າງໆທີ່ບັນດາບໍລິສັດເຫຼົ່ານີ້ທີ່ກະທົບຕໍ່ຜູ້ກ່ຽວ ແລະ ຄອບຄົວ ແຕ່ຍາມທີ່ຍັງເປັນນັກຂ່າວສົງຄາມຢູ່ຫວຽດນາມ.
 |
| ມອບຫຼຽນທີ່ລະນຶກຜູ້ປະສົບເຄາະຮ້າຍຈາກທາດພິດສີສົ້ມແກ່ທ່ານນາງ Tran To Nga |
ທ່ານນາງ Tran To Nga ສະແດງຄວາມຊາບຊື້ງໃຈຕໍ່ການເອົາໃຈໃສ່ ແລະ ສະໜັບສະໜູນຂອງ VAVA ໃນຕະຫຼອດຂະບວນການຄວາມຄືບໜ້າຂອງຄະດີ, ຜູ້ກ່ຽວເນັ້ນວ່າການຮ່ວມມື, ຊ່ວຍເຫຼືອຂອງ VAVA ເປັນກຳລັງແຮງທີ່ໃຫຍ່ຫຼວງເພື່ອໃຫ້ມີຄວາມອົດທົນ ແລະ ພະຍາມຍາມຕິດຕາມຄະດີມາຕະຫຼອດເກືອບໜຶ່ງທົດສັດຕະວັດ.ໃນພິທີມອບຮັບ, ທ່ານ Nguyen Van Rinh ປະທານສະມາຄົມຜູ້ເຄາະຮ້າຍຈາກທາດພິດສີສົ້ມ/Dioxin ຫວຽດນາມ (VAVA) ໃຫ້ຊາບວ່າ, VAVA ຍາມໃດກໍເອົາໃຈໃສ່ຕິດຕາມໃກ້ຊິດ ແລະ ສະໜັບສະໜູນຄະດີຮ້ອງຟ້ອງຂອງທ່ານນາງ Nga ດ້ວຍທັງດ້ານວັດຖຸ ແລະ ທັງຈິດໃຈ ພ້ອມທັງຈະສືບຕໍ່ຮ່ວມມືຢ່າງແໜ້ນແຟ້ນ ແລະ ຮ່ວມກັນຜູ້ກ່ຽວຕິດຕາມຄວາມຄືບນ້າຂອງຄະດີໃນໄລຍະເວລາຕໍ່ໄປ ພ້ອມທັງສະໜັບສະໜູນທ່ານນາງ Nga ຊ່ວຍໃນທາງການທູດປະຊາຊົນ.
ໃນວາລະການເຮັດວຽກ, ທ່ານນາງ Nga ກໍຂໍແລກປ່ຽນແບ່ງປັນບັນດາຄວາມສະດວກ ແລະ ຂໍ້ຫຍຸ້ງຍາກ ທີ່ສ່ວນຕົວເອງ ແລະ ທະນາຍຄວາມຂອງຕົນໄດ້ພົບພໍ້ໃນຕະຫຼອດຄະດີ.
ທ່ານນາງ Nga ຍັງໃຫ້ຮູ້ວ່າ, ວັນທີ 10 ພຶດສະພາ 2021 ສານ Evry ຂອງ ຝຣັ່ງ ໄດ້ຊັດມ້ຽນຄະດີແລ້ວ ແຕ່ຕົນເອງ ແລະ ທະນາຍຄວາມຂອງຕົນ ຍັງຄົງສືບຕໍ່ຂໍອຸທອນ. ທ່ານນາງເອງຢືນຢັນວ່າ: “ບັນຫາບໍ່ແມ່ນທີ່ຄຳຕັດສິນຂອງສານ, ແຕ່ສິ່ງທີ່ຂ້ອຍປາດຖະໜານັ້ນແມ່ນ ໂດຍຜ່ານຄະດີຂອງຕົນຈະເຮັດໃຫ້ເຜີຍແຜ່ແກ່ໂລກຮັບຮູ້ກ່ຽວກັບຜົນຮ້າຍຂອງທາດພິດສີສົ້ມຢູ່ຫວຽດນາມ… ເພື່ອໃຫ້ຄະດີນີ້ ກາຍເປັນພື້ນຖານໃຫ້ແກ່ການຕໍ່ສູ້ຕ້ານການທຳລາຍສິ່ງແວດລ້ອມ”…
ວິລະຊົນ
