ປະຊາຊົນທຸກຍາກນັບລ້ານຄົນ ໄດ້ຮັບການໜູນຊ່ວຍຈາກຂະບວນການ “ເຕັດເພື່ອຜູ້ຄົນທຸກຍາກ ແລະ ຜູ້ປະສົບເຄາະຮ້າຍຈາກທາດພິດສີສົ້ມ”

12:33 | 25/03/2022

ຍສໝ - ຫວ່າງແລ້ວນີ້, ຄະນະກຳມະການອົງການກາແດງສູນກາງຫວຽດນາມ ໃຫ້ຮູ້ວ່າ ພາຍຫຼັງ 23 ປີແຫ່ງການປະຕິບັດຂະບວນການ “ເຕັດເພື່ອຜູ້ທຸກຍາກ ແລະ ຜູ້ປະສົບເຄາະຮ້າຍຈາກທາດພິດສີສົ້ມ”, ສະມາຄົມທັງໄດ້ມອບຂອງຂວັນກວ່າ 28,9 ລ້ານອັນໃຫ້ບັນດາຄອບຄົວທຸກຍາກ ແລະ ຜູ້ຖືກເຄາະຮ້າຍທາດພິດສີສົ້ມ, ຜູ້ປະສົບເຄາະຮ້າຍ, ປະຊາຊົນທີ່ໄດ້ຮັບຜົນກະທົບຈາກໄພທຳມະຊາດ, ໄພພິບັດ, ໂລກລະບາດ ແລະ ຄົນດ້ອຍໂອກາດໃນທົ່ວປະເທດ ດ້ວຍຍອດມູນຄ່າເກືອບ 10.000 ຕື້ດົ່ງ.

	ງານວາງສະແດງວັດທະນະທຳເຕັດຫວຽດນາມທີ່ພົ້ນເດັ່ນ ຢູ່ ອົດສະຕາລີ
	ວັດເຟິດຕິກຢູ່ ລາວ ຈັດຕັ້ງພິທີສວດມົນພາວະນາຂໍໃຫ້ຊາວຫວຽດນາມ ອາໄສຢູ່ລາວມີຄວາມຢູ່ເຢັນເປັນສຸກ

ພິເສດໃນຂະບວນການ “ເຕັດໃຫ້ຜູ້ທຸກຍາກ ແລະ ຜູ້ປະສົບເຄາະຮ້າຍຈາກທາດພິດສີສົ້ມ” ລະດູບານໃໝ່ປີເສືອ 2022, ສະມາຄົມທຸກຂັ້ນໃນທົ່ວປະເທດ ໄດ້ລະດົມ ແລະ ມອບຂອງຂວັນ 2,5 ລ້ານອັນ ໃຫ້ຜູ້ທຸກຍາກ ແລະ ຜູ້ປະສົບເຄາະຮ້າຍຈາກທາດພິດສີສົ້ມ ແລະ ການເຄື່ອນໄຫວໜູນຊ່ວຍອື່ນໆ ດ້ວຍຍອດມູນຄ່າກວ່າ 1,100 ຕື້ດົ່ງ.

ປະຊາຊົນທຸກຍາກນັບລ້ານຄົນ ໄດ້ຮັບການໜູນຊ່ວຍຈາກຂະບວນການ “ເຕັດເພື່ອຜູ້ຄົນທຸກຍາກ ແລະ ຜູ້ປະສົບເຄາະຮ້າຍຈາກທາດພິດສີສົ້ມ”. (ພາບ: baohoabinh)

ບັນດາຮູບແບບການໜູນຊ່ວຍໂດຍສະມາຄົມທຸກຂັ້ນໄດ້ຜັນຂະຫຍາຍປະກອບມີ: ການມອບຂອງຂວັນໂດຍກົງ (ຂອງຂວັນປະກອບມີເງິນສົດ ແລະ ເຄືື່ອງຂອງຕ່າງໆ) ແລະ ຮູບແບບການໜູນຊ່ວຍອື່ນໆ (ສະໜັບສະໜູນການກໍ່ສ້າງເຮືອນຂອງອົງການກາແດງ; ການສ້ອມແປງ ແລະ ດັດແປງເຮືອນຢູ່; ການສະໜອງບັດປະກັນສຸຂະພາບ, ກວດ ແລະ ປິ່ນປົວພະຍາດມະນຸດສະທຳ; ໃຫ້ທຶນການສຶກສາແກ່ນັກຮຽນທຸກຍາກທີ່ຜ່ານຜ່າຄວາມຫຍຸ້ງຍາກ; ລ້ຽງດູຜູ້ດ້ອຍໂອກາດທີ່ໄດ້ຮັບຜົນກະທົບຈາກພະຍາດໂຄວິດ-19;...). ພິເສດແມ່ນ ບັນດາຮູບແບບຕະຫຼາດເຕັດ ເພື່ອມະນຸດສະທຳ ສືບຕໍ່ໄດ້ຮັບການຈັດຕັ້ງໂດຍສະມາຄົມທຸກຂັ້ນ ດ້ວຍຫຼາຍຮູບຫຼາຍແບບ, ແທດເໝາະກັບສະພາບການແຜ່ລະບາດຂອງພະຍາດ ຄື: ງານຕະຫຼາດນັດປີໃໝ່ມະນຸດສະທຳ, ຕະຫຼາດສູນດົງ, ຕະຫຼາດເຕັດມະນຸດສະທຳເຄື່ອນທີ່, ຖົງເຄື່ອງຄອບຄົວ...

ຄຳຮຸ່ງ