 |
| ການລ່ອງເຮືອສຳລານ ຢູ່ດ່ານັ້ງ (ພາບ: TTXVN) |
ໄປຄຽງຄູ່ກັບເສັ້ນທາງແຄມທະເລທີ່ມີລວງຍາວ 3.260 ກີໂລແມັດ, ຫວຽດນາມ ຍັງມີລະບົບແມ່ນ້ຳລຳເຊທີ່ອຸດົມສົບບູນ, ຕິດພັນກັບການດຳລົງຊີວິດ, ວັດທະນະທຳຂອງປະຊາຊົນ. ມີຫຼາຍແຫ່ງໄດ້ນຳເຂົ້າຂຸດຄົ້ນການທ່ອງທ່ຽວ, ສ້າງເປັນຜະລິດຕະພັນການທ່ອງທ່ຽວທີ່ດຶງດູດແຂກທ່ອງທ່ຽວທັງຢູ່ພາຍໃນ ແລະ ຕ່າງປະເທດ.
ໃນນັ້ນ ຕ້ອງເວົ້າເຖິງເຂດແມ່ນ້ຳດິນແດນທີ່ອຸດົມສົມບູນຢູ່ທົ່ງພຽງແມ່ນ້ຳຂອງທາງພາກໃຕ້ຫວຽດນາມ, ດ້ວຍວັດທະນະທຳທີ່ເປັນເອກະລັກສະເພາະແມ່ນຕະຫຼາດບົນແມ່ນ້ຳ. ແຂກທ່ອງທ່ຽວກໍ່ສາມາດແວ່ຢາມແມ່ນ້ຳເກິ່ນເທີ. ພິເສດແມ່ນບໍ່ອາດພາດຕະຫຼາດນ້ຳກ໊າຍຮັງ, ຟອງດຽນ ເພື່ອຊອກຮູ້ການດຳລົງຊີວິດ, ພົວພັນການຄ້າຂອງປະຊາຊົນ, ຊີມບັນດາເຍື່ອງອາຫານທີ່ຂາຍຢູ່ນຳເຮືອ.
ດ່ານັ້ງກໍ່ມີຜະລິດຕະພັນທີ່ຄ້າຍຄືກັນນັ້ນຍ້ອນມີທ່າໄດ້ປຽບກ່ຽວກັບສາຍນຳ້ໄຫຼອ້ອມນະຄອນ, ມີປະຕູແມ່ນ້ຳຮ່ານອອກສູ່ທະເລ ແລະ ບັນດາໝູ່ເກາະຢູ່ອ່າວດ່ານັ້ງ. ແຂກທ່ອງທ່ຽວອາດຈະລ່ອງເຮືອສຳລານ, ຊົມວິວນະຄອນ ກັບບັນດາກິດຈະກຳທີ່ເປັນສັນຍາລັກຄື ຂົວແມ່ນ້ຳຮ່ານ, ຂົວຮົ່ງ…ເມື່ອລ່ອງເຮືອສຳລານ ກໍຍັງໄດ້ຮັບຊົມການສະແດງສິລະປະຟ້ອນຈຳ ທີ່ເປັນມູນເຊື້ອນຳອີກ.
ລາງວັນ World Travel Awards ແມ່ນລາງວັນທ່ອງທ່ຽວທີ່ມີອິດທິພົນຊື່ສຽງ, ໄດ້ສ້າງຂຶ້ນໃນປີ 1993 ເພື່ອເຊີດຊູ, ຮັບຮູ້ບັນດາເຄື່ອງໝາຍການທ່ອງທ່ຽວ, ບໍລິສັດທ່ອງທ່ຽວ, ໂຮງແຮມແຖວໜ້າຂອງໂລກ ແລະ ໃນພາກພື້ນ. ໃນປີນີ້, ຫວຽດນາມ ໄດ້ຮັບຫຼາຍລາງວັນຄື: ສະຖານທີ່ນັດພົບແຖວໜ້າອາຊີ, ນະຄອນວັດທະນະທຳແຖວໜ້າອາຊີ (ໂຮ້ຍອານ, ກວາງນາມ), ປ່າສະຫງວນແຫ່ງຊາດແຖວໜ້າອາຊີ (ກຸກເຟຶອງ)…
ບຸນຄົງ
