ຍົກສູງກຳລັງຄວາມສາມາດໃນການຄົ້ນຄ້ວາ, ໝູນໃຊ້ ແລະ ພັດທະນາເຕັກໂນໂລຢີໃນຂົງເຂດພະລັງງານແຮງລົມ | |
ຫວຽດນາມ - IAEA ຮ່ວມມືໝູນໃຊ້ເຕັກໂນໂລຢີນິວເຄຼຍ ເພື່ອເປົ້າໝາຍສັນຕິພາບ |
![]() |
ພາບປະກອບ: dangcongsan.vn |
ທີ່ກອງປະຊຸມການປ່ຽນແປງໃໝ່ປະດິດຄິດສ້າງ ຕ້ານໂລກລະບາດໂຄວິດ - 19 ລະຫວ່າງຜູ້ຕາງໜ້າອົງການອະນາໄມໂລກ (WHO) ແລະ ຜູ້ຕາງໜ້າ ຫວຽດນາມ ຫວ່າງມໍ່ໆມານີ້, WHO ໄດ້ຕີລາຄາສູງຈິດໃຈປ່ຽນແປງໃໝ່ປະດິດຄິດສ້າງ ແລະ ພ້ອມແລ້ວທີ່ຈະແບ່ງປັນເຕັກໂນໂລຢີໃນການປ້ອງກັນຕ້ານໂລກລະບາດໂຄວິດ - 19 ຂອງ ຫວຽດນາມ.
ກອງປະຊຸມໄດ້ດຳເນີນພາຍຫຼັງການຢ້ຽມຢາມ WHO ຂອງ ທ່ານປະທານປະເທດ ຫວຽດນາມ ຫງວຽນຊວັນຟຸກ. ທ່ານ ປ.ອ Simao ຕາງໜ້າຜູ້ອຳນວຍການໃຫຍ່ ອົງການ WHO ໄດ້ກ່າວຄຳເຫັນຕ້ອນຮັບຄະນະຜູ້ແທນ ຫວຽດນາມ ມາເຮັດວຽກ ຢູ່ສຳນັກງານ ໃຫຍ່ WHO ແລະ ຊີ້ແຈ້ງວ່າ WHO ຕີລາຄາສູງການຮ່ວມມືຂອງ ຫວຽດນາມ ໃນຂົງເຂດສາທາລະນະສຸກ ແລະ ຊຸກຍູ້ການປ່ຽນແປງໃໝ່ປະດິດຄິດສ້າງ, ເປັນຕົ້ນແມ່ນໄວໜຸ່ມຈາກບັນດາຜູ້ປະດິດສ້າງ ໝວກ Vihelm, ໃນການຊອກຫາມາດຕະການເພື່ອແນໃສ່ປົກປ້ອງສຸຂະພາບໃຫ້ແກ່ທຸກຄົນ, ພິເສດແມ່ນໃນສະພາບການເກີດໂລກລະບາດໂຄວິດ - 19.
WHO ສະແດງຄວາມຊົມເຊີຍຕໍ່ແນວຄິດຂອງກຸ່ມປະດິດສ້າງໝວກ Vihelm ຈົດທະບຽນເຂົ້າຮ່ວມ C-TAP - ປະດິດຄິດສ້າງໂດຍ Costa Rica ແລະ WHO ໄດ້ສະເໜີ ແລະ ປັດຈຸບັນໂດຍອົງການນີ້ປະສານງານ.
ເປົ້າໝາຍຂອງ C-TAP ແມ່ນຮັບຮອງການແບ່ງປັນເຄັດລັບເຕັກໂນໂລຢີ ແລະ ໃບຢັ້ງຢືນກ່ຽວກັບການຄົ້ນຄິດປະດິດສ້າງເປີດເພື່ອແນໃສ່ຮັບປະກັນການສຳຜັດກັບບັນດາຜະລິດຕະພັນ ແລະ ເຄື່ອງມືປ້ອງກັນຕ້ານໂລກລະບາດໂຄວິດ - 19 ຢ່າງທັນການ ແລະ ມີຄວາມສະເໝີພາບ.
ທ່ານຮອງລັດຖະມົນຕີ ກະຊວງສາທາລະນະສຸກ ໂດຊວັນຕວຽນ ໃຫ້ຮູ້ວ່າ ໃນໄລຍະຜ່ານມາ ໄດ້ມີຄວາມປະດິດສ້າງຫຼາຍຢ່າງທີ່ໄດ້ຮັບການພັດທະນາ ແລະ ນຳໃຊ້ຢູ່ ຫວຽດນາມ, ໃນນັ້ນມີ ການປະດິດສ້າງໝວກ Vihelm ຂອງບັນດານັກປະດິດສ້າງໜຸ່ມ ຫວຽດນາມ. ໝວກ Vihelm ແມ່ນອຸປະກອນກອງອາກາດ ປົກປ້ອງລະບົບຫາຍໃຈແບບເຄື່ອນທີ່.
ການປະກອບສ່ວນນີ້ຂອງກຸ່ມປະດິດສ້າງສຳລັບ C- TAP ສະແດງໃຫ້ເຫັນການເຂົ້າຮ່ວມຄວາມສາມັກຄີສາກົນໃນການຕ້ານໂຄວິດ - 19, ໂດຍໄດ້ຮັບການຊົມເຊີຍຈາກ WHO ແລະ ກະຊວງສາທາລະນະສຸກ ຫວຽດນາມ.
ທ່ານຮອງລັດຖະມົນຕີ ໂດຊວັນຕວຽນ ໃຫ້ຮູ້ວ່າ ຫວຽດນາມ ພ້ອມແລ້ວທີ່ຈະເຂົ້າຮ່ວມ C-TAP ເພື່ອແນໃສ່ແບ່ງປັນການປະດິດສ້າງ ແລະ ຖ່າຍທອດເຕັກໂນໂລຢີກັບໂລກ ເພື່ອຮັບມືກັບໂລກລະບາດໂຄວິດ - 19 ແລະ ພະຍາດຕ່າງໆ.
ຫຼັງຈາກກອງປະຊຸມນີ້, ບັນດານັກຊ່ຽວຊານ ຂອງ WHO ໄດ້ເຮັດວຽກກັບ ກຸ່ມປະດິດສ້າງໝວກ Vihelm ແລະ ບໍລິສັດ Vihelm ຢ່າງລະອຽດ ເພື່ອແນໃສ່ນຳໝວກ Vihelm ເຂົ້າບັນຊີລາຍຊື່ບັນດາຜະລິດຕະພັນແບ່ງປັນການປະດິດສ້າງໃນກົນໄກ C-TAP ຂອງ WHO ແລະ ອາດຈະຖ່າຍທອດເຕັກໂນໂລຢີຜະລິດໝວກ Vihelm ຢູ່ປະເທດອື່ນໆ, ປະກອບສ່ວນຮ່ວມແຮງຮ່ວມໃຈເຂົ້າຮ່ວມຄວາມສາມັກຄີສາກົນ ພ້ອມກັນຮັບມືກັບໂລກລະບາດໂຄວິດ - 19.
ບຸນຄົງ