| ຫວຽດນາມ - IAEA ຮ່ວມມືໝູນໃຊ້ເຕັກໂນໂລຢີນິວເຄຼຍ ເພື່ອເປົ້າໝາຍສັນຕິພາບ | |
| ຕຳຫຼວດທະເລໂຄສະນາຕ້ານການຂຸດຄົ້ນສິນທະເລແບບຜິດກົດໝາຍ ໃຫ້ແກ່ຊາວປະມົງ ເກາະແບກລອງວີ |
 |
| ທ່ານ Ben Backwell ຜູ້ອຳນວຍການຝ່າຍບໍລິຫານຄະນະກຳມະການພະລັງງານແຮງລົມທົ່ວໂລກ .(ພາບ: hanoimoi.com.vn) |
ກອງປະຊຸມມີການໜູນຊ່ວຍຂອງໂຄງການໜູນຊ່ວຍພະລັງງານ ກະຊວງອຸດສາຫະກຳ ແລະ ການຄ້າ (GIZ) ເຢຍລະມັນ, ສະຖານທູດ ເດນມາກ, ສະຖານທູດລາຊະອານາຈັກອັງກິດ, ສະຖານທູດ ນອກແວ, ອົງການສົ່ງເສີມການຄ້າ - ການລົງທຶນນອກແວ (Innovation Norway).
ປັດຈຸບັນ, ອຸດສາຫະກຳ ພະລັງງານໄຟຟ້າແຮງລົມພວມມີຄວາມສາມາດບົ່ມຊ້ອນເຕີບໂຕຢ່າງແຮງ ຢູ່ ຫວຽດນາມ. ລັດຖະບານ ຫວຽດນາມ ພວມຊຸກຍູ້ບັນດາຍຸດທະສາດພັດທະນາແຫຼ່ງພະລັງງານສະອາດ, ພະລັງງານຜະລິດຄືນໃໝ່ແບບຍືນຍົງ ແລະ ຫຼຸດຜ່ອນການປ່ອຍອາຍພິດ, ພິເສດແມ່ນພາຍຫຼັງຫວຽດນາມ ລົງນາມ “ຖະແຫຼງການທົ່ວໂລກ ກ່ຽວກັບການຫັນປ່ຽນຈາກການນຳໃຊ້ຖ່ານຫີນໄປຍັງການນຳໃຊ້ພະລັງງານສະອາດ” ຢູ່ກອງປະຊຸມ ສປຊ ກ່ຽວກັບການປ່ຽນແປງຂອງດິນຟ້າອາກາດ (COP26) ຢູ່ Glasgow.
ຕາມທ່ານນາງ ເຈິ່ນທິຮົ່ງລວານ, ຮອງຫົວໜ້າກົມໝູນໃຊ້ ແລະ ພັດທະນາເຕັກໂນໂລຢີ (ກະຊວງວິທະຍາສາດ ແລະ ເຕັກໂນໂລຢີ ຫວຽດນາມ) ແລ້ວ, ການກຳນົດທິດຍຸດທະສາດພັດທະນາພະລັງງານແຫ່ງຊາດຂອງ ຫວຽດນາມ ຈົດຮອດປີ 2030, ວິໄສທັດຮອດປີ 2045 ໄດ້ຊີ້ແຈ້ງຄວາມສຳຄັນຂອງການຫັນແຫຼ່ງພະລັງງານເປັນຫຼາຍຮູບແບບ, ເອົາໃຈໃສ່ພັດທະນາບັນດດແຫຼ່ງພະລັງງານສະອາດ,ພະລັງງານຜະລິດຄືນໃໝ່, ດ້ວຍເປົ້າໝາຍຍົກສູງອັດຕາຖ່ວງໃນຍອດການສະໜອງພະລັງງານເບື້ອງຕົ້ນ ບັນລຸໄດ້ຢ່າງໜ້ອຍສຸດ 20% ໃນປີ 2030 ແລະ 30% ໃນປີ 2045. ກະຊວງວິທະຍາສາດ ແລະ ເຕັກໂນໂລຢີ ໄດ້ມອບໝາຍເປັນປະທານກວດກາກົນໄກ, ນະໂຍບາຍ, ແນວທາງນິຕິກຳ ເພື່ອແນໃສ່ສົ່ງເສີມ, ຊຸກຍູ້ການຄົ້ນຄ້ວາ, ຖ່າຍທອດ, ໝູນໃຊ້ຄວາມກ້າວໜ້າຂອງວິທະຍາສາດ ແລະ ເຕັກໂນໂລຢີ, ນຳໃຊ້ບັນດາມາດຕະການປ່ຽນແປງໃໝ່ເຕັກໂນໂລຢີ, ອຸປະກອນໃນຂະແໜງພະລັງງານ ແລະ ບັນດາຂະແໜງທີ່ນຳໃຊ້ພະລັງງານຫຼາຍ ເປັນເທື່ອລະກ້າວ, ບຳລຸງສ້າງແຫຼ່ງຊັບພະຍາກອນທີ່ມີຄຸນນະພາບສູງ ກໍ່ຄືບັນດາໜ້າທີ່ຕ່າງໆ ເພື່ອຫັນຂະແໜງພະລັງງານພາຍໃນປະເທດເປັນທັນສະໄໝ.
ທີ່ກອງປະຊຸມ, ຜູ້ຕາງໜ້າບັນດາລັດຖະບານນອກແວ, ອັງກິດ, ເດນມາກ… ບັນດານັກຊ່ຽວຊານທັງຢູ່ພາຍໃນ ປະເທດ ແລະສາກົນ, ບັນດາຫົວໜ່ວຍກຳມະສິດເຕັກໂນໂລຢີ, ປະຊາຄົມວິສາຫະກິດ ໄດ້ສະໜອງບັນດາຂໍ້ມູນຫຼ້າສຸດ ກ່ຽວກັບຮູບພາບພະລັງງານທົ່ວໂລກ, ຄວາມສຳຄັນຂອງການຫັນເປັນໂຄງປະກອບແຫຼ່ງພະລັງງານ, ກໍ່ຄືຄວາມສາມາດບົ່ມຊ້ອນ ແລະ ທ່າອ່ຽງພັດທະນາຂອງຂະແໜງພະລັງງານໄຟຟ້າແຮງລົມຢູ່ ຫວຽດນາມ ແລະ ອາຊີຕາເວັນອອກສ່ຽງໃຕ້ ໃນໄລຍະຈະມາເຖິງ, ປຶກສາຫາລືກ່ຽວກັບບັນດາກາລະໂອກາດ ແລະ ສິ່ງທ້າທາຍໃນວິວັດການຫັນປ່ຽນພະລັງງານຈາກ ຟອກຊິວ ກາຍເປັນພະລັງງານຜະລິດຄືນໃໝ່ - ພະລັງງານສະອາດ ເພື່ອຊຸກຍູ້ການພັດທະນາຂອງພະລັງງານແຮງລົມຢູ່ ຫວຽດນາມ, ປະກອບສ່ວນປະຕິບັດເປົ້າໝາຍພັດທະນາພະລັງງານຂຽວ, ພະລັງງານສະອາດຮັບມືກັບການປ່ຽນແປງຂອງດິນຟ້າອາກາດ ຂອງຫວຽດນາມ
ກອງປະຊຸມຈະດຳເນີນຈົນໝົດວັນທີ 2 ທັນວາ. ຕາມທ່ານນາງ ເຈິ່ນທິຮົ່ງລວານ ແລ້ວ, ໝາກຜົນຂອງກອງປະຊຸມແມ່ນພື້ນຖານເພື່ອໃຫ້ກະຊວງວິທະຍາສາດ ແລະ ເຕັກໂນໂລຢີຈັດຕັ້ງການຄົ້ນຄ້ວາ, ເປັນເສນາທິການດ້ານຍຸດທະສາດກັບ ພັກ, ລັດ ໃນການສ້າງນະໂຍບາຍ ແລະ ຈັດຕັ້ງປະຕິບັດບັນດາມາດຕະການຍົກສູງກຳລັງຄວາມສາມາດໃນການຄົ້ນຄ້ວາ, ໝູນໃຊ້ ແລະ ພັດທະນາເຕັກໂນໂລຢີ, ສົ່ງເສີມຊຸກຍູ້ການຫັນເປັນເຕັກໂນໂລຢີພະລັງງານໃໝ່ ຈາກບັນດາອົງການທັງຢູ່ ພາຍໃນ ແລະ ຕ່າງປະເທດ ໄດ້ເປັນເຈົ້າຂອງເຕັກໂນໂລຢີ, ຮັດແຄບໄລຍະຫ່າງກ່ຽວກັບລະດັບຄວາມຮູ້ເຕັກໂນໂລຢີກັບບັນດາປະເທດກ້າວໜ້າ ມຸ່ງໄປເຖິງເຕັກໂນໂລຢີຂຽວ, ພະລັງງານສະອາດຕາມມະຕິເລກທີ 140/NQ-CP ປະກາດໃຊ້ໂຄງການກະທຳຂອງລັດຖະບານໃນການປະຕິບັດມະຕິເລກທີ 55-NQ/TW ຂອງກົມການເມືອງ ກ່ຽວກັບການກຳນົດທິດຍຸດທະສາດພັດທະນາພະລັງງານແຫ່ງຊາດຂອງ ຫວຽດນາມ ຮອດປີ 2030, ວິໄສທັດຮອດປີ 2045.
ບຸນຄົງ
