| ຕະຫຼາດການຄ້າເອເລັກໂຕນິກຂອງ ຫວຽດນາມ ໃຫ້ຄຳໝັ້ນສັນຍາຈະເຕີບໂຕຢ່າງໜ້າປະທັບໃຈ | |
| ສະວິດ ປາດຖະໜາຢາກບັນລຸໄດ້ ສັນຍາການຄ້າເສລີ FTA ກັບ ຫວຽດນາມ |
 |
| ຮ້ານວາງສະແດງສິນຄ້າຂອງ ຫວຽດນາມ ຢູ່ຈີນ (ພາບ: vneconomy.vn) |
ໂດຍເລີ່ມຕົ້ນແຕ່ປີ 2019, ໂຄງການ “ຮ້ານວາງຂາຍສິນຄ້າທາງອອນໄລແຫ່ງຊາດ” ບົນບັນດາຕະຫຼາດການຄ້າເອເລັກໂຕນິກ ພາຍໃນປະເທດ ເຊິ່ງກົມການຄ້າເອເລັກໂຕນິກ ແລະ ເສດຖະກິດດີຈີຕອນ (ກະຊວງອຸດສາຫະກຳ ແລະ ການຄ້າ) ເປັນເຈົ້າພາບຈັດຕັ້ງ ພວມຜັນຂະຫຍາຍ ໄດ້ຮັບການຕີລາຄາວ່າແມ່ນມາດຕະການທີ່ມີປະສິດທິຜົນຊ່ວຍໃຫ້ບັນດາວິສາຫະກິດ ຫວຽດນາມ ເປີດກວ້າງ, ສຳຜັດກັບຕະຫຼາດຜ່ານຮູບແບບຈຳໜ່າຍທີ່ທັນສະໄໝ.
“ຮ້ານວາງຂາຍສິນຄ້າແຫ່ງຊາດ” ແມ່ນສະຖານທີ່ເຕົ້າໂຮມບັນດາເຄື່ອງໝາຍການຄ້າທີ່ມີອິດທິພົນຊື່ສຽງ, ຜະລິດຕະພັນທີ່ມີຄຸນນະພາບຂອງບັນດາວິສາຫະກິດ ຫວຽດນາມ ເພື່ອຊຸກຍູ້ການແຈກຢາຍຕະຫຼາດພາຍໃນປະເທດຜ່ານການຄ້າເອເລັກໂຕນິກ. ພ້ອມທັງ, “ຮ້ານຊັບພະສິນຄ້າ ຫວຽດນາມ” ນີ້ຈະຊ່ວຍໃຫ້ຜູ້ບໍລິໂພກຊື້ສິນຄ້າ ຫວຽດນາມ ຜ່ານຊ່ອງການຄ້າເອເລັກໂຕນິກທີ່ມີຄຸນນະພາບດີ ດ້ວຍລາຄາຕ່ຳກວ່າ.
ພາຍຫຼັງຜັນຂະຫຍາຍຢ່າງຟົດຟື້ນ, ດຶງດູດໄດ້ຄວາມສົນໃຈຈາກຜູ້ບໍລິໂພກຫວຽດນາມ, ຮອດທ້າຍປີ 2020, ກົມການຄ້າເອເລັກໂຕນິກ ແລະ ເສດຖະກິດດີຈີຕອນ ສືບຕໍ່ຍູ້ແຮງການຜັນຂະຫຍາຍ “ຮ້ານວາງຂາຍສິນຄ້າ ຫວຽດນາມ ແບບທາງໄກແຫ່ງຊາດ” ໃນຕະຫຼາດການຄ້າເອເລັກໂຕນິກພາຍໃນ ລວມມີ Sendo, Voso (Viettel Post) ແລະ Tiki.
ປີນີ້, ເປັນຄັ້ງທຳອິດທີ່ຮ້ານວາງຂາຍສິນຄ້າແຫ່ງຊາດ ຫວຽດນາມ ຈະນຳມາຂາຍຢູ່ ຕະຫຼາດເອເລັກໂຕນິກ JD.com ຂອງ ຈີນ, ນີ້ຈະແມ່ນເຂດວາງສະແດງສິນຄ້າ ຫວຽດນາມ ທຳອິດບົນພື້ນຖານການຄ້າເອເລັກໂຕນິກສາກົນ ດ້ວຍບັນດາຜະລິດຕະພັນຫວຽດນາມ ຂອງບັນດາວິສາຫະກິດ ຫວຽດນາມ ໄດ້ຈຳໜ່າຍເຖິງມືຂອງຜູ້ບໍລິໂພກຢູ່ຕະຫຼາດປະເທດນຳເຂົ້າໂດຍກົງ ເຊິ່ງຜັນຂະຫຍາຍຜ່ານວິທີການການຄ້າເອເລັກໂຕນິກຂ້າມຊາຍແດນ.
ການຮ່ວມມືລະຫວ່າງ ກົມການຄ້າເອເລັກໂຕນິກ ແລະ ເສດຖະກິດດີຈີຕອນ, ກະຊວງອຸດສາຫະກຳ ແລະ ການຄ້າ ພ້ອມກັບບັນດາໜ່ວຍງານ, ຄູ່ຮ່ວມມືຄື Vinanutrifood, Viettel Post, VPBank… ໃນວຽກງານເຄື່ອນໄຫວ “ຮ້ານວາງຂາຍສິນຄ້າແຫ່ງຊາດ ຫວຽດນາມ” ໃນຕະຫຼາດການຄ້າເອກເລັກໂຕນິກ JD.com ຈະສ້າງຮ້ານຈຳໜ່າຍໃໝ່ ໃຫ້ແກ່ບັນດາວິສາຫະກິດສົ່ງອອກສິນຄ້າໄປຍັງຕະຫຼາດ ຈີນ ຕື່ມອີກ, ຊຸກຍູ້ການພົວພັນການຄ້າ, ນຳບັນດາຜະລິດຕະພັນທີ່ມີຄຸນນະພາບສູງຂອງ ຫວຽດນາມ ໄປຍັງຕະຫຼາດ ຈີນ ຢ່າງສະດວກ ແລະ ມີປະສິດທິຜົນ.
ທ່ານ ດັ່ງຮ່ວາງຫ໋າຍ, ຫົວໜ້າກົມການຄ້າເອເລັກໂຕນິກ ແລະ ເສດຖະກິດດີຈີຕອນ, ກະຊວງອຸດສາຫະກຳ ແລະ ການຄ້າ ໃຫ້ຮູ້ວ່າ ນີ້ແມ່ນສິ່ງທ້າທາຍໃຫຍ່, ວິສາຫະກິດດຳເນີນການຄ້າເອເລັກໂຕນິກຂ້າມຊາຍແດນ ຕ້ອງມີເວລາ ແລະ ມີຄວາມຕັດສິນໃຈ. ເຖິງຢ່າງໃດກໍຕາມ, ດ້ວຍການຮ່ວມແຮງຮ່ວມໃຈ ໜູນຊ່ວຍຢ່າງຕັ້ງໜ້າຂອງບັນດາກະຊວງ, ຂະແໜງການຂັ້ນສູງກາງ, ທ້ອງຖິ່ນ, ຫວັງວ່າ “ຮ້ານວາງຂາຍສິນຄ້າແຫ່ງຊາດ ຫວຽດນາມ ໃນຕະຫຼາດການຄ້າເອເລັກໂຕນິກ JD.com ຈະສ້າງຊ່ອງຈຳໜ່າຍສິນຄ້າ ໃຫ້ແກ່ບັນດາວິສາຫະກິດສົ່ງອອກ ຫວຽດນາມ ຕື່ມອີກ.
ບຸນຄົງ
