| ມອບຫຼຽນກາລະນຶກ “ເພື່ອສັນຕິພາບມິດຕະພາບລະຫ່ວາງບັນດາຊາດ” ໃຫ້ທ່ານເອກອັກຄະລັດຖະທູດ ເມັກຊີໂກ ປະຈຳ ຫວຽດນາມ | |
| ຢັ້ງຢືນສີສັນວັດທະນະທຳ ຫວຽດນາມ ໃນວິວັດການເຊື່ອມໂຍງ |
 |
| ພາບປະກອບ |
ພື້ນທີ່ຈັດສະແດງ “ມໍລະດົກທາງວັດທະນະທຳທີ່ເປັນນາມມະທຳຂອງຫວຽດນາມ” ຂອງງານວາງສະແດງໄດ້ນຳສະເໜີຮູບພາບເກືອບ 100 ພາບທີ່ກ່ຽວກັບວັດທະນະທຳທີ່ເປັນນາມມະທຳຊຶ່ງເປັນຕົວແບບພົ້ນເດັ່ນ, ໃນນັ້ນ ມີ ມໍຣະດົກ 13 ສິ່ງທີ່ອົງການການສຶກສາ, ວິທະຍາສາດ ແລະ ວັດທະນະທຳ ຂອງສະຫະປະຊາຊາດ (UNESCO) ໃຫ້ກຽດນິຍົມ. ພ້ອມກັນນັ້ນ ຍັງມີເອກະສານ, ວັດຖຸ, ເຄື່ອງນຸ່ງຫົ່ມ, ເຄື່ອງດົນຕີ ແລະ ເອກະສານວິທະຍາສາດທີ່ເປັນຕົວແບບພົ້ນເດັ່ນເກືອບ 200 ຢ່າງ ຂອງມໍລະດົກນາມມະທຳ 6 ສິ່ງ ທີ່ຖືກ UNESCO ຈົດທະບຽນໄວ້ຄື: ທຳນອງດົນດີພະລາດຊະວັງເຫວ້, ເຂດວັດທະນະທຳສຽງຄ້ອງເຕີຍງວຽນ, ຂັບລຳ, ດົນຕຼີພື້ນບ້ານກວ່ານເຫາະບັກນິ່ງ, ພິທີກາບໄຫວ້ເທບຂອງຊົນເຜົ່າໄຕ, ນູງ, ໄທ ຢູ່ຫວຽດນາມ, ສິນລະປະດົນຕຼີພື້ນບ້ານປະສານລຳລ່ອງຂອງນາມໂບະ.
ຈາກນັ້ນແມ່ນການວາງສະແດງຮູບພາບ “ການແຂ່ງຂັນມໍລະດົກທາງວັດທະນະທຳທົ່ວປະເທດຄັ້ງທີໜຶ່ງ ປີ 2021”. ພື້ນທີ່ຈັດສະແດງຜົນງານຕົວແທນພົ້ນເດັ່ນກວ່າ 80 ຜົນງານຂອງການແຂ່ງຂັນ ໂດຍກົມມໍລະດົກວັດທະນະທຳຈັດຕັ້ງຂຶ້ນເພື່ອເປັນການໂຄສະນາເຖິງຄຸນຄ່າທາງວັດທະນະທຳ, ວິທະຍາສາດ, ປະຫວັດສາດ ແລະ ຄວາມງົດງາມຂອງມໍລະດົກວັດທະນະທຳໃຫ້ແກ່ຄົນຫວຽດນາມ, ເພື່ອນມິດສາກົນ; ປຸກລະດົມຄວາມພາກພູມໃຈ, ຄວາມຮັກບ້ານເກີດ, ປະເທດຊາດ, ຊົນຊາດ ແລະ ມໍລະດົກວັດທະນະທຳຂອງຫວຽດນາມ.
ນອກຈາກນັ້ນ, ພື້ນທີ່ຈັດສະແດງດ້ານນອກຂອງງານວາງສະແດງ ເປັນບັນດາແຜງໂຕະນຳສະເໜີຜະລິດຕະພັນຝືມືຫັດຖະກຳພື້ນບ້ານ, ອາຫານເອກະລັກຂອງໝູ່ບ້ານຫັດຖະກຳໃນຫວຽດນາມ.
ໄຊພອນ
