 |
| ທ່ານນາງ ຫງວຽນເຟືອງງາ ປະທານສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ໄດ້ມອບຫຼຽນກາລະນຶກ “ເພື່ອສັນຕິພາບມິດຕະພາບລະຫ່ວາງບັນດາຊາດ” ໃຫ້ແກ່ທ່ານນາງ Sara Valdes Bolano ເອກອັກຄະລັດຖະທູດ ເມັກຊີໂກ ປະຈຳ ຫວຽດນາມ (ພາບ: TTXVN) |
ນີ້ແມ່ນຂອງຂວັນເພື່ອເປັນການຮັບຮູ້ ແລະ ເຊີດຊູບັນດາການປະກອບສ່ວນອັນລ້ຳຄ່າຂອງທ່ານນາງເອກອັກຄະລັດຖະທູດ ໃນການປັບປຸງ ແລະ ຊຸກຍູ້ຄວາມເຂົ້າໃຈເຊິ່ງກັນແລະກັນ, ການພົວພັນມິດຕະພາບ, ການຮ່ວມມື ແລະ ພົວພັນແລກປ່ຽນປະຊາຊົນລະຫ່ວາງ ສອງປະເທດ ຫວຽດນາມ - ເມັກຊີໂກ.
ນັບແຕ່ເວລາມາ ຫວຽດນາມ ດຳລົງຕຳແໜ່ງທີ່ສຳຄັນຍິ່ງນີ້, ທ່ານນາງ Sara Valdes Bolano ເອກອັກຄະລັດຖະທະທູດ ໄດ້ມານະພະຍາຍາມຮັກສາ ແລະ ຊຸກຍູ້ການພົວພັນຮ່ວມມືລະຫວ່າງ ຫວຽດນາມ ແລະ ເມັກຊີໂກ ໃນຫຼາຍຂົງເຂດນັບແຕ່ການເມືອງ - ການທູດ, ການຄ້າ, ເສດຖະກິດ, ການສຶກສາ, ວັດທະນະທຳ, ການຮ່ວມມືຂັ້ນທ້ອງຖິ່ນ ແລະ ການພົວພັນແລກປ່ຽນປະຊາຊົນຢ່າງບໍ່ຢຸດຢັ້ງ.
ທ່ານນາງ Sara Valdes Bolano ມີຄວາມສົນໃຈເປັນພິເສດເຖິງບັນດາການເຄື່ອນໄຫວພົວພັນແລກປ່ຽນ ແລະ ການຮ່ວມມືຂອງປະຊາຊົນ. ທ່ານນາງເອກອັກຄະລັດຖະທູດ ແລະ ສະຖານທູດ ເມັກຊີໂກ ປະຈຳ ຫວຽດນາມ ໄດ້ຕັ້ງໜ້າເຂົ້າຮ່ວມບັນດາການເຄື່ອນໄຫວພົວພັນແລກປ່ຽນປະຊາຊົນ ໂດຍສະຫະພັນບັນດາອົງການຈັດຕັ້ງມິດຕະພາບ ຫວຽດນາມ, ສະຫະພັນບັນດາອົງການຈັດຕັ້ງມິດຕະພາບ ນະຄອນຮ່າໂນ້ຍ ຈັດຕັ້ງ. ບັນດາການເຄື່ອນໄຫວພົວພັນແລກປ່ຽນວັດທະນະທຳ, ສິລະປະ, ສິລະປິນສອງປະເທດ ໂດຍ ສະຖານທູດ ເມັກຊີໂກ ຈັດຂຶ້ນ ອັນໄດ້ສ້າງຂີດໝາຍ ແລະ ການມີໜ້າຂອງວັດທະນະທຳ ເມັກຊີໂກ ຢູ່ ຫວຽດນາມ, ຊ່ວຍໃຫ້ປະຊາຊົນ ຫວຽດນາມ ເຂົ້າໃຈ, ຮູ້ສຶກສະໜິດສະໜົມກັບປະເທດຊາດ, ຊາວເມັກຊີໂກ, ຈາກນັ້ນ ເພີ່ມທະວີມິດຕະພາບ ແລະ ການຮ່ວມມືລະຫ່ວາງ ປະຊາຊົນສອງປະເທດໃນທຸກຂົງເຂດ. ພາບພົດຂອງເອກອັກຄະລັດຖະທູດທີ່ມີຄວາມເປັນມິດຢູ່ບັນດາການເຄື່ອນໄຫວນີ້ ໄດ້ສ້າງຄວາມປະທັບໃຈອັນດີງາມທີ່ສຸດ…
ທ່ານນາງ ຫງວຽນເຟືອງງາ ປະທານ ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ຫວັງວ່າ ຢູ່ບໍ່ວ່າຕຳແໜ່ງປະຕິບັດງານໃດ ທ່ານນາງ Sara Valdes Bolano ເອກອັກຄະລັດຖະທູດ ເມັກຊີໂກ ປະຈຳ ຫວຽດນາມ ກໍ່ຈະສືບຕໍ່ມີການປະກອບສ່ວນເພື່ອແນໃສ່ປັບປຸງ, ພັດທະນາການພົວພັນມິດຕະພາບທີ່ເປັນມູນເຊື້ອ, ການຮ່ວມມືລະຫວ່າງຫວຽດນາມ ແລະ ເມັກຊີໂກໃຫ້ຫຼາຍກວ່າອີກ.
ທ່ານນາງ Sara Valdes Bolano ເອກອັກຄະລັດຖະທູດ ຖືວ່າ ທ່ານນາງຮູ້ສຶກເປັນກຽດເມື່ອໄດ້ພົບປະກັບຊາວຫວຽດນາມ ທີ່ເປັນມິດຮັກແພງແຂກຄົນ, ໄດ້ດຳລົງຊີວິດ ແລະ ເຮັດວຽກຢູ່ ປະເທດ ຫວຽດນາມ ທີ່ສວຍງາມໃນໄລຍະ 6 ປີຜ່ານມາ.
ເມັກຊີໂກ ແລະ ຫວຽດນາມ ລ້ວນແຕ່ຖືເປັນສຳຄັນບັນດາການເຄື່ອນໄຫວຮ່ວມມືສາກົນ, ຊຸກຍູ້ ແລະ ລະດົມບັນດາການເຄື່ອນໄຫວພົວພັນແລກປ່ຽນປະຊາຊົນລະຫວ່າງສອງປະເທດ, ພິເສດແມ່ນບັນດາການເຄື່ອນໄຫວພົວພັນແລກປ່ຽນວັດທະນະທຳ, ສິລະປະ ລະຫວ່າງນັກຮຽນ, ນັກສຶກສາ, ນັກສິລະປິນ, ນັກວິທະຍາສາດສອງປະເທດ. ທຸກໆການເຄື່ອນໄຫວນີ້ ລ້ວນແຕ່ປະກອບສ່ວນເພີ່ມທະວີນ້ຳໃຈມິດຕະພາບລະຫວ່າງປະຊາຊົນສອງປະເທດໃຫ້ຫຼາຍກວ່າອີກ.
ທ່ານນາງ Sara Valdes Bolano ຢັ້ງຢືນວ່າ ຍາມໃດກໍ່ຈະສະຫງວນນ້ຳໃຈອັນດີງາມໃຫ້ແກ່ ຫວຽດນາມ, ເພີ່ມພູນຄູນສ້າງນ້ຳໃຈມິດຕະພາບ ລະຫວ່າງສອງຊາດ ຫວຽດນາມ - ເມັກຊີໂກ ໃຫ້ນັບມື້ນັບພັດທະນາ.
ບຸນຄົງ
