ຢັ້ງ​ຢືນ​ສີ​ສັນ​ວັດ​ທະ​ນະ​ທຳ ຫວຽດ​ນາມ ໃນ​ວິ​ວັດ​ການ​ເຊື່ອມ​ໂຍງ

06:30 | 26/11/2021

ຍ​ສ​ໝ - ສີ​ສັນ​ວັດ​ທະ​ນະ​ທຳ​ແມ່ນ​ປັດ​ໄຈຫຼັກ​ແຫຼ່ງ​ສ້າງເປັນ​​ວັດ​ທະ​ນະ​ທຳ​ຊາດ, ມັນ​ປຽບ​ເໝືອນ ຊຸດ​ແຢນ ດ້ວຍບັນດາ​ຄຸນ​ຄ່າ​ນາມ​ມະ​ທຳ​ທີ່​ເປັນ​ເອ​ກະ​ລັກ​ສະ​ເພາະ ແລະ ມີ​ລັກ​ສະ​ນະ​ແບບ​ຍືນ​ຍົງ​ທີ່​ສຸດ ເພື່ອ​ກຳ​ນົດ ຫຼື​ ຈຳ​ແນກ​ປະ​ເທດ ແລະ ຊົນ​ຊາດ.

ເສີມ​ຂະ​ຫ​ຍາຍ​ຄຸນ​ຄ່າ​ວັດ​ທະ​ນະ​ທຳ​ເພື່ອ​ພັດ​ທະ​ນາ​ແບບ​ຍືນ​ຍົງ ເສີມ​ຂະ​ຫ​ຍາຍ​ຄຸນ​ຄ່າ​ວັດ​ທະ​ນະ​ທຳ​ເພື່ອ​ພັດ​ທະ​ນາ​ແບບ​ຍືນ​ຍົງ
ຫວຽດ​ນາມ ຈັດ​ສົ່ງ​ນາຍ​ທະ​ຫານ​ຮັກ​ສາ​ສັນ​ຕິ​ພາບ ສ​ປ​ຊ ຕື່ມ​ອີກ 12 ຄົນ​ຢູ່ ຊູ​ດັງ​ໃຕ້ ແລະ ອາບ​ຟຼີ​ກາກ​າງ ຫວຽດ​ນາມ ຈັດ​ສົ່ງ​ນາຍ​ທະ​ຫານ​ຮັກ​ສາ​ສັນ​ຕິ​ພາບ ສ​ປ​ຊ ຕື່ມ​ອີກ 12 ຄົນ​ຢູ່ ຊູ​ດັງ​ໃຕ້ ແລະ ອາບ​ຟຼີ​ກາກ​າງ
ຢັ້ງ​ຢືນ​ສີ​ສັນ​ວັດ​ທະ​ນະ​ທຳ ຫວຽດ​ນາມ ໃນ​ວິ​ວັດ​ການ​ເຊື່ອມ​ໂຍງ
ພາບ​ປ​ະ​ກອບ: Baothanhhoa

ວັດ​ທະ​ນະ​ທຳ - ແກ່ນ​ສານ​ປະ​ດິດ​ຄິດ​ສ້າງ​ຂອງ​ຈິດ​ໃຈ​ຊາດ

ເມື່ອເນັ້ນ​ໜັກ​ເຖິງ​ສີ​ສັນ​ວັດ​ທະ​ນະ​ທຳ​ຂອງ​ຊາດ ຫວຽດ​ນາມ, ທ່ານ​ຮສ. ປອ. ບຸຍ​ຮ່​ວາຍ​ເຊີນ ກຳ​ມະ​ການ​ປະ​ຈຳ​ການ​ຄ​ະ​ນະ​ກຳມາທິ​ການ​ວັດ​ທະ​ນະ​ທຳ, ການ​ສຶກ​ສາ ຂອງສະ​ພາ​ແຫ່ງ​ຊາດ ເນັ້ນ​ໜັກ​ວ່າ ນີ້ແມ່ນ​ເວົ້າ​ເຖິງ​ຄຸນ​ຄ່າ​ອັນ​ຍອດ​ຍິ່ງ​ທີ່​ສຸດ, ບັນ​ດາຄຸນ​ຄ່າກົກເຄົ້າ ແລະ ສະ​ເພາະ​ຂອງພື້ນ​ຖານ​ວັດ​ທະ​ນະ​ທຳ​ຊາດ ເຊິ່ງ​ບໍ່​ສາ​ມາດ​ປົນ​ກັບ​ພື້ນ​ຖານ​ວັດ​ທະ​ນະ​ທຳ​ອື່ນໄດ້. ນັ້ນ​ແມ່ນ​ແກ່ນ​ສານປະ​ດິດ​ຄິດ​ສ້າງຂອງ​ຈິດ​ໃຈ​ຊົນ​ຊາດ, ເພື່ອ​ເກັບ​ຮັກ​ສາ ແລະ ຖ່າຍ​ທອດ​ໃຫ້​ແກ່​ລຸ້ນ​ຄົນ​ຕໍ່​ໄປ, ຮັບ​ປະ​ກັນ​ຄວາມເປັນອະ​ມະ​ຕະຂອງ​ຊາດ. “ອາດ​ເຫັນ​ໄດ້​ວ່າ ສີ​ສັນ​ວັດ​ທະ​ນະ​ທຳ ຫວຽດ​ນາມ ແມ່ນ​ການ​ເຕົ້າ​ໂຮມ​ຂອງ​ການ​ພົວ​ພັນ​ລວມ​ທີ່​ມີ​ຄ​ວາມ​ກົມ​ກຽວ ແລະ ປະ​ສົມ​ປະ​ສານ​ກັບ​ສິ່ງ​ແວດ​ລ້ອມ - ມະ​ນຸດ - ວັດ​ທະ​ນະ​ທຳ, ແມ່ນ​ທຸກ​ຜະ​ລິດ​ຕະ​ພັນ, ບັນ​ດາ​ຄຸນ​ຄ່າ​ດ້ານ​ວັດ​ຖຸ ແລະ ຈິດ​ໃຈ​ຂອງຊາດ, ໄດ້ຮັບການປະ​ດິດ​ຄິດ​ສ້າງ​ໃນ​ວິ​ວັດ​ການ​ເຄື່ອນ​ໄຫວ​ຂອງ ຊາວ​ຫວຽດ​ນາມ ເພື່ອ​ແນ​ໃສ່​ບືນ​ຕົວ​ຂຶ້ນ​ຄຸນ​ຄ່າ​ສຸດຍອດ ຍຸ​ຕິ​ທຳ - ສຸຈະລິດ- ງົດ​ງາມ” ທ່ານ ຮສ. ປອ. ບຸຍ​ຮ​່ວາຍ​ເຊີນ​ ໃຫ້​ຮູ້.

ເຖິງ​ຢ່າງ​ໃດ​ກໍ​ຕາມ, ສີ​ສັນ​ວັດ​ທະ​ນະ​ທຳ​ຊາດ ພວມ​ຢືນ​ຢູ່​ຕໍ່​ໜ້າ​ສິ່ງ​ທ້າ​ທາຍ​ໃໝ່​ຈາກ​ສະ​ພາບ​ການ​ເຊື່ອມ​ໂຍງ. ຕາມ​ທ່ານ ຮສ. ປອ. ບຸຍ​ຮ​ວ່າຍ​ເຊີນ ແລ້ວ, ວິ​ວັດ​ການ​ເຊື່ອມ​ໂຍງ​ເຂົ້າ​ກັບ​ສາ​ກົນ ຂອງ​ປະ​ເທດ​ໜຶ່ງ ໄດ້​ປະ​ກົດ​ມີທ່າ​ອ່ຽງ​ສ້າງ​ບັນ​ດາ​ຄຸນ​ຄ່າ​ລວມ​ຂອງ​ທົ່ວ​ມວນມະ​ນຸດ, ເຮັດ​ໃຫ້ເສັ້ນແດນ​ລະ​ຫວ່າງ​ບັນ​ດາ​ປະ​ເທດ, ພູ​ມີ​ປະ​ເທດຈາງລົງ ແລະ ມີ​ຜົນ​ສະ​ທ້ອນ​ຢ່າງ​ແຮງ​ຕໍ່​ວັດ​ທະ​ນະ​ທຳ​ສະ​ເພາະ​ຂອງ​ບັນ​ດາ​ຊົນ​ຊາດ​ໃນ​ໂລກ, ກໍ່​ຜົກະ​ທົບ​ຢ່າງ​ຮ້າຍ​ແຮງ​ຕໍ່​ຄວາມ​ໝັ້ນ​ຄົງ, ຄວາມ​ຍືນ​ຍົງ​ຄົງ​ຕົວ ແລະ ການ​ພັດ​ທະ​ນາ​ຂອງ​ແຕ່​ລະ​ປະ​ເທດ, ຊົນ​ຊາດ ແລະ ຂອງ​ແຕ່​ລະ​ພາກ​ພື້ນ​ໃນ​ໂລກ. ໃນ​ສະ​ພາບ​ການ​ນັ້ນ, ສີ​ສັນ​ວັດ​ທະ​ນະ​ທຳ​ທີ່​ເປັນ​ເອ​ກະ​ລັກ​ສະ​ເພາະ​ຂອງ​ຊາດ​ແມ່ນການ​ຢັ້ງ​ຢືນຕົນເອງ​ຕໍ່​ໜ້າ​ປະ​ຊາ​ຄົມ​ມວນມະ​ນຸດ.

ທ່ານ​ກໍ່​ຢັ້ງ​ຢືນ​ວ່າ ຫວຽດ​ນາມ ເຂົ້າ​ຮ່ວມ​ວິ​ວັດ​ການ​ເຊື່ອມ​ໂຍງ​ເຂົ້າ​ກັບ​ໂລກ​ແມ່ນ​ເງື່ອນ​ໄຂ​ທີ່​ຈຳ​ເປັນ​ເພື່ອ​ພັດ​ທະ​ນາ​ທຸກ​ຂົງ​ເຂດ, ໃນ​ນັ້ນ​ມີ​ວັດ​ທະ​ນະ​ທຳ. ແຕ່​ວ່າ​ທ່ານ​ ຮສ. ປອ. ບຸຍ​ຮ​ວາຍ​ເຊີນ ຖື​ວ່າ ນີ້​ແມ່​ວິ​ວັດ​ການ​ທີ່​ສັບ​ສົ​ນ, ບໍ່​ພຽງ​ແຕ່​ມີ​ຄວາມ​ເຫັນ​ດີ​ເຫັນ​ພ້ອມ​ເທົ່າ​ນັ້ນ ​ຍາກ​ຍັງ​ມີ​ຄວາມ​ຂັດ​ແຍ້ງ​ກັນ, ປະ​ທະ​ກັນ​ໃນຫຼາຍ​ແງ່​ມູມ ແລະ ​ລະ​ດັບ​ທີ່​ແຕກ​ຕ່າງ​ກັນ. “ເພາະ​ສະ​ນັ້ນ ການວາ​ງ​ອອກ​ຄຳ​ຮຽກ​ຮ້ອງ​ຕ້ອງ​ການ ​ຕ້ອງ​ແກ້​ໄຂ​ຢ່າງ​ຖືກ​ຕ້ອງ​ການ​ພົ​ວພັນ​ລະ​ຫວ່ງ​ການ​ພັດ​ທະ​ນາ​ເສດ​ຖະ​ກິດ ກັ​ບ ການ​ພັດ​ທະ​ນາ​ວັດ​ທະ​ນະ​ທຳ, ລະ​ຫວ່າງ​ແບບດັ້ງເດີມ ແລະ ທັນ​ສະ​ໄໝ, ຊົນ​ຊາດ ແລະ ສາ​ກົນ ລະ​ຫວ່າງ​ການ​ປົກ​ປັກ​ຮັກ​ສາ​ສີ​ສັນ​ວັດ​ທະ​ນະ​ທຳ ກັບ​ການ​ຮັບເອົາຢ່າງມີການຄັດກອງບັນດາ​ສິ່ງຍອດ​ຢ້ຽມ​ດ້ານ​ວັດ​ທະ​ນະ​ທຳ​ຂອງ​ມວນ​ມະ​ນຸດ”. ທ່ານ ຮສ. ປອ. ບຸຍ​ຮວ່າຍ​ເຊີນ​ ໃຫ້​ຮູ້.

ສ້າງ​ຍຸດ​ທະ​ສາດ​ພັດ​ທະ​ນາ​ພື້ນ​ຖານ​ວັດ​ທະ​ນະ​ທຳ​ຢ່າງ​ຮອບ​ດ້ານ, ມີ​ການ​ເຊື່ອມ​ໂຍງ​ເຂົ້າ​ກັບ​ສາ​ກົນ, ແຕ່​ຍັງ​ເຂັ້ມ​ຂົ້ນ​ໄປ​ດ້ວຍ​ສີ​ວັດ​ຊາດ, ໃນ​ນັ້ນ​ຍົກ​ສູງ​ການ​ແກ້​ໄຂ​ບັນ​ດາ​ການ​ປະ​ທະ​ກັນ​ທີ່​ເກີດ​ຂຶ້ນ​ເປັນ​ຢ່າງ​ດີ ດ້ວຍສ້າງ​ເງື່ອນ​ໄຂເພື່ອ​ເຮັດໃຫ້​ປຸ​ກ​ລຸ​ກ​ທຸກ​ກຳ​ລັງ​ບົ່ມຊ້ອນ​ດ້ານ​ວັດ​ທະ​ນະ​ທຳ​ຄື​ກຳ​ລັງບົ່ມຊ້ອນ​ແຮງ​ພາຍ​ໃນ​ທີ່​ເຂັ້​ມ​ແຂງ, ຊຸກ​ຍູ້​ການ​ເຕີບ​ໂຕ​ເສດ​ຖະ​ກິດ ແລະ ຄວາມ​ກ້າວ​ໜ້າ​ທາງ​ສັງ​ຄົມ. ທັດ​ສະ​ນະ​ນີ້ ​ພັກ ແລະ ລັດ ໄດ້ເຊື່ອມ​ຊືມ​ນັ​ບ​ແຕ່​ວັນ​ທຳ​ອິດທີ່​ຫວຽດ​ນາມ ເຂົ້າ​ຮ່ວມ​ວິ​ວັດ​ການ​ເຊື່ອມ​ໂຍງ​ເຂົ້າ​ກັບ​ສາ​ກົນ​ມາ​ຮອດ​ປັດ​ຈຸ​ບັນ.

ສ້າງ​ບັນ​ດາ​ນະ​ໂຍ​ບາຍ​ວັດ​ທະ​ນະ​ທຳ​ທີ່​ຄົບ​ຊຸດ

ໃນ​ຊຸມ​ປີ​ຜ່ານ​ມາ, ເພື່​ອ​ປະ​ຕິ​ບັດ​ແຜນ​ນະ​ໂຍ​ບາຍ​ຂອງ​ພັກ ແລະ ລັດ, ພ້ອມ​ກັບ​ວິ​ວັດ​ການ​ເຊື່ອມ​ໂຍງ​ເຂົ້າ​ກັບ​ສາ​ກົນ ດ້ວຍ​ການ​ຍົກ​ສູງ​ກຳ​ລັງ​ແຮງ​ພາຍ​ໃນ​ວັດ​ທະ​ນະ​ທຳ, ພວ​ກ​ເຮົາ​ບັນ​ລຸ​ໄດ້​ຜົນ​ສຳ​ເລັດ​ສຳ​ຄັນຫຼາຍ​ຢ່າງ​ໃນ​ວຽກ​ງານ​ອະ​ນຸ​ລັກ ແລະ ເສີມ​ຂະ​ຫຍາຍ​ສີ​ສັນ​ວັດ​ທະ​ນະ​ທຳ​ຊົນ​ຊາດ ດ້ວຍ​ບັນ​ດາ​ຂອບ​ຂະ​ໜາດ​ທີ່​ແຕກ​ຕ່າງ​ກັນ. “ບັນ​ດາ​ຜົນ​ງານນີ້ ໄດ້ຢັ້ງ​ຢືນ​ລັກສະ​ນະ​ຖືກ​ຕ້ອງ ໃນ​ທິດ​ທາງ​ພັດ​ທະ​ນາ​ວັດ​ທະ​ນະ​ທຳ​ຂອງພັກ​ເຮົາ ​ກໍ່​ຄື​ກຳ​ລັງ​ແຮງ​ຂອງ​ລັດ, ຂອງ​ທົ່ວ​ປວງ​ຊົນ​ໃນ​ວຽກ​ງານ​ອະ​ນຸ​ລັກຮັກ​ສາ, ເສີມ​ຂະ​ຫຍາຍ​ມໍ​ລະ​ດົກ​ວັດ​ທະ​ນະ​ທຳ​ໃນ​ການ​ເຊື່ອມ​ໂຍງ​ເຂົ້າ​ກັບ​ສາ​ກົນ ແລະ ເພື່ອ​ສ້າງ​ພື້ນ​ຖານ​ວັດ​ທະ​ນະ​ທຳ​ໃໝ່” ທ່ານ ຮສ. ປອ. ບຸຍ​ຮວ່າຍ​ເຊີນ ຊີ້​ແຈ້ງ.

ເຖິງ​ຢ່າງ​ໃດ​ກໍ່​ຕາມ, ທ່ານ ຮສ. ປອ. ບຸຍ​ຮ​ວ່າຍ​ເຊີນ ໃຫ້ຂໍ້ສັງເກດ​ວ່າ ພຶດ​ຕິ​ກຳ​ຕົວ​ຈິງໃນ​ການ​ເຄື່ອນ​ໄຫວ​ວັດ​ທະ​ນະ​ທຳ​ສະ​ແດງ​ໃຫ້​ເຫັນ​ວ່າ ໄປ​ຄຽງ​ຄູ່​ກັບ​ບັນ​ດາ​ຜົນ​ງານ​ໃຫຍ່ ກໍ່​ຍັງມີຂໍ້​ຄົງ​ຄ້າງ​ບໍ່​ໜ້ອຍ​ກ່ຽວ​ກັບ​ທັດ​ສະ​ນະ, ວິ​ທີ​ການ​ປະ​ຕິ​ບັດ ແລະ ທັງ​ການ​ເຄື່ອນ​ໄຫວ​ລະ​ອຽດ​ໃນວຽກງານ​ຮັກ​ສາ, ອະ​ນຸ​ລັກ ແລະ ເສີມ​ຂະ​ຫຍາຍ​ສີ​ວັດ​ທະ​ນະ​ທຳຊາດ​ໃນ​ສະ​ພາບ​ການ​ໃໝ່. ເຖິງວ່າ ມີ​ການ​ກະ​ກຽມ​ແລ້ວ​ກໍ່​ຕາ​ມ, ແຕ່​ພວກ​ເຮົາ​ຍັງ​ບໍ່​ທັນ​ສາ​ມາດ​ຄາດ​ຄະ​ເນ​ໄດ້​ກຳ​ລັງ​ກົດດັນ, ບັນ​ດາ​ສິ່​ງ​ທ້າ​ທາຍ​ທີ່​ຮ້າຍ​ແຮງ ແລະ ບັນ​ດາ​ຜົນ​ກະ​ທົບ​ທີ່​ສັບ​ສົນຂອງ​ໂລ​ກາ​ພິ​ວັດ ແລະ ເຊື່ອມ​ໂຍງ​ເຂົ້າ​ກັບ​ສ​າ​ກົນ, ເຊິ່ງ​ແມ່ນ​ພາ​ຍຸ​ລົມ​ແຮງກວາດ​ລ້າງ​ສິ່ງ​ທີ່​ອ່ອນ​ແອ, ຂາດ​ຄວາມ​ໝັ້ນ​ຄົງ​.

ເພາະ​ສ​ະ​ນັ້ນ, ​ເພື່ອ​ຕ້ານ​ພະ​ຍຸ​ລົມ​ແຮງ​ດັ່ງ​ກ່າວ, ທ່ານ ຮສ. ປອ. ບຸຍ​ຮວ່າຍ​ເຊີນ ຖື​ວ່າ ຕ້ອງ​ມີ​ບັນ​ດາ​ມາດ​ຕະ​ການ​ສຳ​ລັບ​ບັນ​ດາ​ບັນ​ຫາ​ຄື: ຄວາມ​ສ່ຽງ​ເພີ່ມ​ຂຶ້ນຂອງ​ການ​ປະ​ທະ​ກັນ​ດ້ານ​ວັດ​ທະ​ນະ​ທຳ, ກ​ານບຸກລຸກ​ວັດ​ທະ​ນະ​ທຳ, ຫັນ​ວັດ​ທະ​ນະ​ທຳ​ທົ່ວ​ໂລກ​ເປັນ​ເອ​ກະ​ພາບ, ການ​ຕາວ​ປິ້ນ​ບັນ​ດາ​ຄຸນ​ຄ່າ​ດ້ານ​ວັດ​ທະ​ນະ​ທຳ​ນັບ​ມື້​ນັບ​ມີ​ທ່າ​ອ່ຽງ​ເພີ່ມ​ຂຶ້ນ, ນັ້ນ​ແມ່ນ​ການ​ຍົກ​ສູງ​ບັນ​ດາ​ຄຸນ​ຄ່າ​ດ້ານ​ວັດ​ຖຸ ແລະ ຖື​ບັນ​ດາ​ຄຸ​ນ​ຄ່າ​ວັດ​ທະ​ນະ​ທຳ​ພາຍນອກ​ທີ່​ບໍ່​ດີ ຕາມ​ທິດ​ທາງ ສັງ​ຄົມ​ອຸດ​ສາ​ຫະ​ກຳ​ທັນ​ສະ​ໄໝ ແລະ ດ້ານ​ລົບ​ຂອງ​ເສດ​ຖະ​ກິດ​ການ​ຕະຫຼາດ​ກໍ່​ຄື​ຈິດ​ໃຈ​ຊົມ​ໃຊ້, ການ​ດຳ​ລົງ​ຊີ​ວິດ​ເພື່ອ​ເງິນ, ເອົາ​ໃຈ​ໃສ່​ຜົນ​ປະ​ໂຫຍດ​ດ້ານ​ວັດ​ຖຸ, ສາງ​ມໍ​ລະ​ດົກ​ວັດ​ທະ​ນະ​ທຳ​ຂອງ​ຊາດ​ໃນ​ສະ​ພາບ​ທີ່​ຖືກຈາງຫາຍ, ມີ​ຫຼາຍມໍ​ລະ​ດົກ​ວັດ​ທະ​ນະ​ທຳ​ທີ່ຍາກ ຫຼື ​ບໍ່​ສາ​ມາດ​ຮັກ​ສາ, ເສີມ​ຂະ​ຫຍ​າຍ​ຄຸນຄ່າ​​ໄດ້ ຍ້ອນບໍ່ໄດ້ຮັບການ​ສືບ​ທອດ ແລະ ມອບ​ສິດ...

ໃນໄລ​ຍະ​ປັດ​ຈຸ​ບັນ, ທ່ານ ຮສ. ປອ. ບຸຍ​ຮວ່າຍ​ເຊີນ ສະ​ເໜີ​ວ່າ ເພື່ອ​ພັດ​ທະ​ນາ​ຂະ​ແໜງ​ອຸດ​ສາ​ຫະ​ກຳ​ວັດ​ທະ​ນະ​ທຳ​ ຕ້ອງ​ມີ​ນະ​ໂຍ​ບາຍ​ດຶງ​ດູ​ດ​ເງິນ​ລົງ​ທຶນ​ເຂົ້າ​ບັນ​ດາ​ຂົງ​ເຂດນີ້, ເປັນ​ຕົ້ນ​ແມ່​ນ​ຕ້ອງ​ເສີມ​ຂະ​ຫຍາຍ​ການ​ເຂົ້າ​ຮ່ວມ​ຂອງ​ທົ່ວ​ສັງ​ຄົມ, ພິ​ເສດ​ແມ່ນ​ບັນ​ດາ​ວິ​ສາ​ຫະ​ກິດ. “ພວກ​ເຮົາ​ໄດ້​ມີ​ບັນດາຄວາມ​ຕັດ​ສິນ​ໃຈກ່ຽວກັບ​ການ​ເມືອງ, ມີ​ຄວາມຂະຫຍັນຂັນເຄື່ອນ​ໃນ​ພຶດ​ຕິ​ກຳ​ຕົວ​ຈິງກ່ຽວ​ກັບ​ບັນ​ດາ​ຜະ​ລິດ​ຕະ​ພັນ​ດ້ານ​ວັດ​ທະ​ນະ​ທຳ ທີ່​ສາ​ມາດ​ຂຸດ​ຄົ້ນຄຸນ​ຄ່າ​ວັດ​ທະ​ນະ​ທຳ​ຂອງ​ຊາດ... ຖ້າ​ຫາກວ່າ ພວກ​ເຮົາ​ສວຍ​ໃຊ້​ບັນ​ດາ​ຄຸນ​ຄ່າ​ນັ້ນ​ດ້ວຍ​ກຳ​ລັງ​ຄວາມ​ສາ​ມາດ​ຂອງ ຫວຽດ​ນາມ ຈະ​ຊ່ວຍ​ປະ​ເທດ​ພັດ​ທະ​ນາ​ແບບ​ຍືນ​ຍົງ, ຊ່ວຍ​ຢັ້ງ​ຢືນ​ຄຸນ​ນະ​ທາດ​ຄຸນ​ຄ່າ ຫວຽດ​ນາມ ບົນ​ເວ​ທີ​ສາ​ກົນ” ທ່ານ ຮສ. ປອ. ບຸຍ​ຮວ່າຍ​ເຊີນ ເນັ້ນ​ໜັກ.

ນັບ​ແຕ່​ວັນ​ທີ 24 ພ​ະ​ຈິກ ໄດ້​ດຳ​ເນີນກອງ​ປະ​ຊຸມ​ວັ​ດ​ທະ​ນະ​ທຳ​ທົ່ວ​ໂລກ ປີ 2021 ຕາມ​ຄຳ​ຊີ້​ນຳ​ຂອງ​ຄະ​ນະ​ເລ​ຂາ​ສູນ​ກາງ​ພັກ ເພື່ອ​ແນ​ໃສ່​ຜັນ​ຂະ​ຫຍາຍ​ມະ​ຕິ​ກອງ​ປະ​ຊຸມ​ໃຫຍ່​ຄັ້ງ​ທີ 13 ຂອງ​ພັກ ກ່ຽວ​ກັບ​ວັດ​ທະ​ນະ​ທຳ. ທ່ານ ຮສ. ປອ. ບຸຍ​ຮວ່າຍ​ເຊີນ ໃຫ້​ຮູ້​ວ່າ ນີ້​ແມ່ນ​ເຫດ​ການ​ທີ່ໄດ້​ຮັບ​ຖື​ວ່າ ແມ່ນກອງ​ປະ​ຊຸມ ​ຢຽນ​ຮົ່ງ ກ່ຽວ​ກັບ​ວັດ​ທະ​ນະ​ທຳ”. ຫວັງ​ວ່າ, ການ​ສົ່ງແຫຼ່ງ​ບັນ​ດານ​ໃຈ ຈາກກອງ​ປະ​ຊຸມ​ຈະມີ​ຜົນ​ກະ​ທົບ​ຕໍ່​ທຸກ​ຂັ້ນ, ທຸກ​ຂະ​ແໜງ​ການ​ຢູ່​ທ້ອງ​ຖິ່ນ ຕໍ່​ການ​​ດູ​ແລ ພັດ​ທະ​ນາ​ວັດ​ທະ​ນະ​ທຳ, ຜ່ານ​ນັ້ນ ວັດ​ທະ​ນະ​ທຳ ຈະ​ມີ​ກາ​ລ​ະ​ໂອ​ກາດ​ປະ​ກອບ​ສ່ວນ​ເຂົ້າ​ໃນ​ການ​ພັດ​ທະ​ນາ​ປະ​ເທດ​ຊ​າດ.

ບຸນ​ຄົງ

ເບິ່ງເພີ່ມເຕີມໃນ: ຫວຽດນາມປະຈຸບັນ

ເບິ່ງເພີ່ມເຕີມ
ເຫດການ