| ຕະຫຼາດຫຼັກຊັບຫວຽດນາມ ຈະສືບຕໍ່ເຕີບໂຕຂຶ້ນໃນປີ 2022 | |
| ຊຸກຍູ້ຂົງເຂດຮ່ວມມືທີ່ມີຄວາມສາມາດບົ່ມຊ້ອນ ມຸ່ງໄປເຖິງການສະເຫຼີມສະຫຼອງ ວັນສ້າງຕັ້ງການພົວພັນລະຫວ່າງ ຫວຽດນາມ - ອູຣູກວາຍ ຄົບຮອບ 30 ປີ |
 |
| ພາບປະກອບ: TTXVN |
ໃນກອງປະຊຸມ, ບັນດານັກຊ່ຽວຊານໄດ້ສະເໜີທິດທາງການພັດທະນາແບບຍືນຍົງເສດຖະກິດທະເລສະອາດ ແນໃສ່ຄົ້ນຫາທ່າແຮງອັນຫຼວງຫຼາຍທາງດ້ານທີ່ຕັ້ງພູມສາດທີ່ສະດວກທາງທະເລ, ຊາຍຝັ່ງທະເລທີ່ຍາວກວ່າ 3.260 ກິໂລແມັດກວມເອົາ 28 ແຂວງ, ນະຄອນຕາມລວງຍາວຂອງປະເທດດ້ວຍເນື້ອທີ່ທຳມະຊາດ 126.747 ກິໂລຕາແມັດ, ອັດຕາສ່ວນທີ່ດິນເຊື່ອມຕໍ່ຊາຍຝັ່ງທະເລຂອງຫວຽດນາມນອນໃນປະເພດທີ່ສູງເມື່ອທຽບກັບທົ່ວໂລກ. ບັນດາແຂວງ, ນະຄອນແຄມທະເລປະກອບສ່ວນປະມານ 47-48% ຍອດຜະລິດຕະພັນພາຍໃນ (GDP) ຂອງທົ່ວປະເທດ, ໃນນັ້ນບັນດາຂະແໜງເສດຖະກິດທາງທະເລປະກອບສ່ວນປະມານ 20-22% GDP. ເຖິງຢ່າງໃດກໍຕາມ, ໃນຂະບວນການຂະຫຍາຍຕົວ, ຄຽງຄູ່ກັບບັນດາໝາກຜົນທີ່ບັນລຸໄດ້, ເສດຖະກິດທາງທະເລຂອງປະເທດເຮົາຍັງຕ້ອງປະເຊີນໜ້າກັບສິ່ງທ້າທາຍໃຫຍ່ຕ່າງໆທາງດ້ານສະພາບແວດລ້ອມ ແລະ ຊັບພະຍາກອນທາງທະເລ, ການປ່ຽນແປງສະພາບອາກາດ, ລະດັບນ້ຳທະເລ ແລະ ການດຳລົງຊີວິດຂອງປະຊາຊົນ.
ເພື່ອແກ້ໄຂບັນດາສິ່ງທ້າທາຍດັ່ງກ່າວນີ້ ບັນດານັກຊ່ຽວຊານໄດ້ເນັ້ນໜັກວ່າ ການທີ່ຫວຽດນາມຕ້ອງຄົ້ນຄວ້າສ້າງ ແລະ ປະກາດໃຊ້ກອບການຈັດການບໍລິຫານເພື່ອຮັບມືກັບໄພພິບັດທາງສິ່ງແວດລ້ອມ; ພ້ອມກັບປະກາດໃຊ້ບັນດາລະບຽບການສະເພາະ ເພື່ອເພີ່ມທະວີການຄວບຄຸມມົນລະພິດສິ່ງແວດລ້ອມທາງທະເລ ແລະ ໝູ່ເກາະຢູ່ເຂດແຄມຝັ່ງທະເລ; ກວດກາ, ຕິດຕາມ, ສະກັດກັ້ນຢ່າງທັນການ, ເປັນເຈົ້າການຮັບມືຜົນໄດ້ຮັບກັບບັນຫາສິ່ງແວດລ້ອມທີ່ບໍ່ຄາດຄິດ, ຮັກສາຄວາມສົມດູນລະຫວ່າງຂຸດຄົ້ນ ແລະ ປົກປັກຮັກສາຢ່າງແທ້ຈິງໃນຄຸນຄ່າຕ່າງໆທີ່ທະເລນຳຄືນມາໃຫ້, ແກ້ໄຂ ແລະ ສະກັດກັ້ນບັນຫາຕ່າງໆທາງດ້ານຄວາມໝັ້ນຄົງເປັນລະບຽບຮຽບຮ້ອຍທາງທະເລ.
ຕ້ອງໃຫ້ບຸລິມະສິດແກ່ການເປີດກວ້າງລະບົບເຂດອະນຸລັກທະເລ ແລະ ໝູ່ເກາະ ເພື່ອປະດິດສ້າງເປັນເຂດພື້ນທີ່ສຳຮອງໃນໄລຍະຍາວ; ພ້ອມກັນນັ້ນ, ກໍຊຸກຍູ້ການຮ່ວມມືສາກົນ ແລະ ພາກພື້ນ ແນໃສ່ເພື່ອແກ້ໄຂໂດຍສັນຕິຕໍ່ຄວາມສ່ຽງຕ່າງໆທີ່ຂັດແຍ້ງຜົນປະໂຫຍດມາຈາກທະເລ. ນອກຈາກນັ້ນ, ຫວຽດນາມ ຄວນມີການເຊື່ອນຕໍ່ປະສານສົມທົບຮ່ວມແຂວງ, ຮ່ວມເຂດ ແລະ ຮ່ວມຂະແໜງການຢ່າງແໜ້ນແຟ້ນ.
ໄຊພອນ
