 |
| ທ່ານ ນາງ ເລທິທູຮັ່ງ ໂຄສົກກະຊວງການຕ່າງປະເທດ ຫວຽດນາມ (ພາບ: vov.vn) |
ວັນທີ 18 ພະຈິກ, ໂດຍຕອບຄຳຖາມຢູ່ການຖະແຫຼງຂ່າວນັດສາມັນຂອງກະຊວງການຕ່າງປະເທດກ່ຽວກັບປະຕິກິລິຍາຂອງ ຫວຽດນາມ ຕໍ່ເລື່ອງ ໄທເປ - ຈີນ ດຳເນີນການຊ້ອມຮົບທະຫານເຮືອຢູ່ເກາະ ບາບີ່ງ, ຂຶ້ນກັບໝູ່ເກາະ ເຈື່ອງຊາ ຂອງຫວຽດນາມ, ທ່ານ ນາງ ເລທິທູຮັ່ງ ຊີ້ແຈ້ງວ່າ:
“ຫວຽດນາມ ມີພະຍານຫລັກຖານດ້ານນິຕິກຳ ແລະ ປະຫວັດສາດຢ່າງຄົບຖ້ວນ ເພື່ອຢັ້ງຢືນອະທິປະໄຕສຳລັບ ໝູ່ເກາະ ຮ່ວາງຊາ ແລະ ເຈື່ອງຊາ ແມ່ນສອດຄ່ອງກັບກົດໝາຍສາກົນ. ທຸກການເຄື່ອນໄຫວລາດຕະເວນ ແລະ ການຊ້ອມຮົບການທະຫານຂອງ ໄຕ້ຫວັນ ຢູ່ເຂດທະເລອ້ອມແອ້ມເກາະ ບາບີ່ງ ຂຶ້ນກັບໝູ່ເກາະ ເຈື່ອງຊາ ແມ່ນລ່ວງລ້ຳອະທິປະໄຕຂອງຫວຽດນາມ ສຳລັບໝູ່ເກາະນີ້, ນາບຂູ່ເຖິງສັນຕິພາບ,ສະຖຽນລະພາບ, ຄວາມປອດໄພ, ຄວາມໝັ້ນຄົງໃນການເດີນເຮືອ, ກໍ່ຄວາມເຄັ່ງຕຶງ ແລະ ເຮັດໃຫ້ສະພາບການຢູ່ທະເລຕາເວັນອອກສັບສົນຂຶ້ນຕື່ມ. ຫວຽດນາມເດັດດ່ຽວຄັດຄ້ານ ແລະ ຮຽກຮ້ອງໃຫ້ ໄຕ້ຫວັນ ຢຸດຕິການເຄື່ອນໄຫວທີ່ຜິດກົດໝາຍດັ່ງກ່າວ ແລະ ບໍ່ໃຫ້ເກີດມີການກະທຳທີ່ຄ້າຍຄືກັນນີ້ໃນອະນາຄົດ”.
ບຸນຄົງ
