| ຫວຽດນາມ ສະໜັບສະໜູນຍຸດທະສາດໜູນຊ່ວຍພາກພື້ນທີ່ມີບັນດາໜອງໃຫຍ່ອາຟຼິກກາ | |
| ທ່ານຮອງນາຍົກລັດຖະມົນຕີຟ້າມບິ່ງມິນເຂົ້າຮ່ວມວາລະປຶກສາຫາລືຂັ້ນສູງຂອງສະພາຄວາມໝັ້ນຄົງສະຫະປະຊາຊາດ |
 |
| ທ່ານເອກອັກຄະລັດຖະທູດ ດັ້ງດິງກູຍ, ຫົວໜ້າຄະນະຜູ້ແທນຫວຽດນາມ ປະຈຳສະຫະປະຊາຊາດ. (ພາບ: TTXVN) |
ກ່າວຄຳເຫັນທີ່ການກອງປະຊຸມ, ທ່ານເອກອັກຄະລັດຖະທູດ ດັ້ງດິງກູຍ, ຫົວໜ້າຄະນະຜູ້ແທນຫວຽດນາມ ປະຈຳ ສະຫະປະຊາຊາດ ໃຫ້ຮູ້ວ່າ: ການເຄື່ອນໄຫວຮັກສາສັນຕິພາບ ສືບຕໍ່ແມ່ນເຄື່ອງມືສຳຄັນໃນການຮັກສາສັນຕິພາບ ແລະ ຄວາມໝັ້ນຄົງສາກົນ ແລະ ຢືນຢັນການສະໜັບສະໜູນວຽກງານຮັກສາສັນຕິພາບຂອງຫວຽດນາມ ເວົ້າລວມ ແລະ ຂອງຕຳຫຼວດສະຫະປະຊາຊາດ ເວົ້າສະເພາະ. ທ່ານເອກອັກຄະລັດຖະທູດ ດັ້ງດິງກູຍ ກໍ່ຮັບຮູ້ການປະກອບສ່ວນຂອງບັນດາເຈົ້າໜ້າທີ່ຕຳຫຼວດສະຫະປະຊາຊາດເພດຍິງ ກໍ່ຄື ກຳລັງຮັກສາສັນຕິພາບເພດຍິງ, ປະກອບສ່ວນເພີ່ມທະວີປະສິດທິຜົນ ແລະ ການເຄື່ອນໄຫວຂອງບັນດາຝ່າຍ, ຄວາມເຊື່ອຖື ແລະ ຄວາມສາມາດຮ່ວມມືກັບບັນດາທ້ອງຖິ່ນ, ເພີ່ມທະວີຄວາມສາມາດປ້ອງກັນຄວາມສະຫງົບ, ຍ້ອນແນວນັ້ນ ຄວນເພີ່ມທະວີຄວາມເອົາໃຈໃສ່ ແລະ ແຫຼ່ງກຳລັງ ເພື່ອສົ່ງເສີມການມີສ່ວນຮ່ວມຂອງແມ່ຍິງ ໃນການປະຕິບັດງານຮັກສາສັນຕິພາບ.
ນອກຈາກນັ້ນ, ທ່ານເອກອັກຄະລັດຖະທູດ ດັ້ງດິງກູຍ ກໍ່ໄດ້ແຈ້ງໃຫ້ປະຊາຄົມສາກົນຊາບກ່ຽວກັບຄຳໝັ້ນສັນຍາຂອງຫວຽດນາມ ໃນການປະຕິບັດຂໍ້ລິເລີ່ມ A4P, A4P+, ໂຄງການຂອງແມ່ຍິງ, ສັນຕິພາບ, ສະຖຽນລະພາບ, ໃນນັ້ນຖືເປັນສຳຄັນການເຂົ້າຮ່ວມຂອງແມ່ຍິງ ແລະ ຢືນຢັນວ່າ ຈະສືບຕໍ່ຮ່ວມມືກັບປະຊາຄົມສາກົນ ໃນການປະກອບສ່ວນເຂົ້າໃນການເຄື່ອນໄຫວຮັກສາສັນຕິພາບ, ຮັບປະກັນການເຂົ້າຮ່ວມຂອງແມ່ຍິງໃນການຮັກສາ ແລະ ສ້າງຄວາມສັນຕິພາບ.
ຄຳຮຸ່ງ
