| ຫວຽດນາມ ແລະ ລາວ ສະໜັບສະໜູນເຊິ່ງກັນ ແລະກັນຢູ່ເວທີປາໄສຫຼາຍຝ່າຍ | |
| ຫວຽດນາມ ແລະ ລາວ ສະໜັບສະໜູນເຊິ່ງກັນແລະກັນຢູ່ເວທີປາໄສຫຼາຍຝ່າຍ |
ໃນປີ 2021, ຫວຽດນາມ ສືບຕໍ່ແມ່ນສະມາຊິກທີ່ຕັ້ງໜ້າ ແລະ ມີຄວາມຮັບຜິດຊອບ ໃນປະຊາຄົມສາກົນໃນຫຼາຍກົນໄກຮ່ວມມືຫຼາຍຝ່າຍ.
ນອກຈາກການປະກອບສ່ວນຢ່າງຕັ້ງໜ້າ ແລະ ມີຄວາມຮັບຜິດຊອບໃນຂອບຂອງອາຊຽນ, AIPA, ASEM, APEC, APPF..., ຫວຽດນາມ ຍັງປະຕິບັດສຳເລັດຢ່າງຈົບງາມ ໃນອາຍຸການເປັນກຳມະການບໍ່ຖາວອນຂອງສະພາຄວາມໝັ້ນຄົງສະຫະປະຊາຊາດ ອາຍຸການ 2020-2021; ໄດ້ຮັບການເລືອກຕັ້ງເປັນ ຄະນະກຳມະການກົດໝາຍສາກົນ ຂອງອົງການສະຫະປະຊາຊາດອາຍຸການ 2023-2027 ຄືນອີກ, ໄດ້ຮັບການເລືອກຕັ້ງເປັນ ສະມາຊິກສະພາບໍລິຫານງານອົງການ UNESCO ໄລຍະ 2021-2025; ໄດ້ຍົກອອກບັນດາຄຳໝັ້ນສັນຍາຢ່າງແຮງ ຢູ່ກອງປະຊຸມຂອງບັນດາຝ່າຍ ເຂົ້າຮ່ວມສົນທິສັນຍາຂອບ ຂອງສະຫະປະຊາຊາດ ກ່ຽວກັບທະເລ.
ພິເສດ, ຫວຽດນາມ ໄດ້ຮັບການເລືອກຕັ້ງເປັນສະມາຊິກຄະນະກຳມະການກົດໝາຍສາກົນຂອງສະຫະປະຊາຊາດໄລຍະ 2023-2027 ຄືນໃໝ່, ຖືກເລືອກຕັ້ງເປັນສະພາບໍລິຫານງານ UNESCO ໄລຍະ 2021-2025 ແລະ ໄດ້ຮັບເລືອກຕັ້ງເຂົ້າສະພາຜູ້ວ່າການ ອົງການພະລັງງານປະລະມານູສາກົນ (IAEA), ໄດ້ຮັບການເລືອກຕັ້ງເປັນ ສະມາຊິກສະພາປະຕິບັດງານໄປສະນີ ຂອງສະຫະພັນໄປສະນີສາກົນ.
 |
| ພາບປະກອບ: TTXVN |
ກໍໃນປີ 2021, ຫວຽດນາມ ໄດ້ຍົກອອກຄຳໝັ້ນສັນຍາທີ່ກອງປະຊຸມຄັ້ງທີ 26 ຂອງບັນດາຝ່າຍເຂົ້າຮ່ວມສົນທິສັນຍາຂອບ ວ່າດ້ວຍການປ່ຽນແປງຂອງດິນຟ້າອາກາດ ຂອງສະຫະປະຊາຊາດ (COP 26) ທີ່ດຳເນີນໄປໃນເດືອນພະຈິກ 2021: ຫຼຸດຜ່ອນການປ່ອຍອາຍພິດເຮືອນແກ້ວໃຫ້ເປັນ “ສູນ” ໃນປີ 2050, ຫຼຸດທາດມີເທນ ລົງ 30% ໃນປີ 2030 ເມື່ອທຽບກັບປີ 2020.
ເມື່ອເບິ່ງຄືນປີ 2021, ອາດຈະເວົ້າໄດ້ວ່າ ຂີດໝາຍພົ້ນເດັ່ນຂອງການຕ່າງປະເທດຫຼາຍຝ່າຍແມ່ນ ເລື່ອງຫວຽດນາມ ຮັບດຳລົງຕຳແໜ່ງເປັນສະມາຊິກບໍ່ຖາວອນ ສະພາຄວາມໝັ້ນຄົງສະຫະປະຊາຊາດ, ປະກອບສ່ວນຂໍ້ລິເລີ່ມ ແລະ ຂໍ້ສະເໜີຫຼາຍຢ່າງ ໃຫ້ກົນໄກຫຼາຍຝ່າຍນີ້.
ເປັນຄັ້ງທຳອິດ, ສະພາຄວາມໝັ້ນຄົງ ໄດ້ຍົກອອກຖະແຫຼງການປະທານ ກ່ຽວກັບກົດບັດສະຫະປະຊາຊາດ; ຖະແຫຼງການຮ່າໂນ້ຍ ເຊິ່ງໄດ້ຮັບການສະໜັບສະໜູນຈາກ 60 ກວ່າປະເທດ ທີ່ຕາງໜ້າໃຫ້ 5 ທະວີບ.
ຫວຽດນາມ ຍາມໃດກໍ່ກ່າວແຈ້ງຫຼັກໝັ້ນຫຼັກການຂອງຕົນ ໂດຍອີງໃສ່ກົດໝາຍສາກົນ ແລະ ກົດບັດສະຫະປະຊາຊາດ, ເອົາໃຈໃສ່ເຖິງຜົນປະໂຫຍດອັນຊອບທຳ ແລະ ສຽງເວົ້າຂອງບັນດາທີ່ກ່ຽວຂ້ອງ, ຜ່ານນັ້ນ ສ້າງຄວາມເຫັນດີເຫັນພ້ອມ. ເປັນຄັ້ງທຳອິດ ທີ່ອົງການຈັດຕັ້ງພາກພື້ນໜຶ່ງ ໄດ້ຮັບການຊຸກຍູ້, ມີບົດບາດ, ສຽງເວົ້າໃນອົງການສະຫະປະຊາຊາດ.
ທ່ານເອກອັກຄະລັດຖະທູດ ຫງວຽນຮົ່ງທາວ ຜູ້ທີ່ຫາກໍໄດ້ຮັບເລືອກຕັ້ງເປັນສະມາຊິກຄະນະກຳມະການກົດໝາຍສາກົນ ຂອງສະຫະປະຊາຊາດອາຍຸການ 2023-2027 ຄືນໃໝ່ ໃຫ້ຮູ້ວ່າ: ການປະກອບສ່ວນໃຫຍ່ທີ່ສຸດຂອງ ຫວຽດນາມ ເຂົ້າສະພາຄວາມໝັ້ນຄົງສະຫະປະຊາຊາດ ແມ່ນຊຸກຍູ້ຂະບວນການ ກໍ່ສ້າງກໍາລັງຮັກສາສັນຕິພາບຂອງສະຫະປະຊາຊາດ.
ຫວຽດນາມ ກໍ່ອອກສຽງເວົ້າຂອງບັນດາປະເທດທີ່ພວມພັດທະນາ ໃນການແກ້ໄຂບັນດາການປະທະກັນຢູ່ “ຈຸດຮ້ອນ” ຄື ຊູດານ, ເອທິໂອເປຍ ແລະ ປະເທດອື່ນໆ. ທັງນີ້ກໍ່ເປັນຄັ້ງທຳອິດ, ສະມັດຊາໃຫຍ່ສະຫະປະຊາຊາດ ໄດ້ກຳນົດເອົາວັນທີ 27 ທັນວາ ຂອງທຸກໆປີ ເປັນວັນປ້ອງກັນ ແລະ ຄວບຄຸມພະຍາດສາກົນ ຕາມຂໍ້ລິເລີ່ມຂອງຫວຽດນາມ. ຫວຽດນາມ ແລະ ເຢຍລະມັນ ກໍ່ໄດ້ສົມທົບກັນສ້າງຕັ້ງສະໂມສອນບັນດາປະເທດ ກ່ຽວກັບສົນທິສັນຍາສະຫະປະຊາຊາດ ກ່ຽວກັບກົດໝາຍວ່າດ້ວຍທະເລ ປີ 1982, ດ້ວຍການເຂົ້າຮ່ວມຂອງ 112 ປະເທດ.
ໃນຖານະເປັນສະມາຊິກບໍ່ຖາວອນ ສະພາຄວາມໝັ້ນຄົງສະຫະປະຊາຊາດ ສະໄໝທີ 2 ໄລຍະ 2020-2021, ຫວຽດນາມ ໄດ້ເຂົ້າຮ່ວມຢ່າງຕັ້ງໜ້າ ແລະ ແທດຈິງໃນບັນດາວຽກງານລວມຂອງສະພາຄວາມໝັ້ນຄົງ, ໂດຍສະຫະປະຊາຊາດ, ບັນດາປະເທດ ແລະ ຫາງສຽງຂອງປະຊາຄົມສາກົນ ແລະ ພາຍໃນປະເທດ ໄດ້ຕີລາຄາສູງ.
ຫວຽດນາມ ໄດ້ປະກອບສ່ວນຢ່າງຕັ້ງໜ້າ ເຂົ້າໃນຂະບວນການປຶກສາຫາລື ແລະ ຊອກຫາມາດຕະການສະກັດກັ້ນບັນດາການປະທະກັນ, ຮັກສາສັນຕິພາບ ແລະ ຄວາມໝັ້ນຄົງສາກົນ ບົນພື້ນຖານເຄົາລົບກົດບັດສະຫະປະຊາຊາດ ແລະ ການພົວພັນສາກົນ, ມີລັກສະນະຮອບດ້ານ ແລະ ມີຄວາມເປັນມະນຸດສະທຳ, ເຊິ່ງໄດ້ເຮັດໃຫ້ມີຂີດໝາຍຫຼາຍຢ່າງ ກ່ຽວກັບສີສັນ ແລະ ສິລະປະການທູດຫຼາຍຝ່າຍຂອງຫວຽດນາມ.
ຄຳຮຸ່ງ
