| ທ່ານ ຫງວຽນຊວນຟຸກ ປະທານປະເທດຫວຽດນາມ ໄດ້ໄປຢ້ຽມຢາມ ແລະ ມອບຂອງຂັວນໃຫ້ແກ່ຄອບຄົວເປົ້າໝາຍນະໂຍບາຍ ທີ່ເຂົ້າຮ່ວມບັ້ນຮົບ ໂຮ່ຈີມິນ | |
| ບັນດາທູຕານຸທູດອາຊຽນ ປະຈຳ ລາວ ເຄື່ອນໄຫວຢ້ຽມຢາມ ແລະ ເຮັດວຽກ ຢູ່ແຂວງສະຫວັນນະເຂດ |
 |
| ປະທານປະເທດຫວຽດນາມ ຢ້ຽມຢາມ ແລະ ເຮັດວຽກ ຢຸ່ ແຂວງລ້າງເຊີນ. ພາບ: TTXVN |
ກ່າວຄຳເຫັນທີ່ການເຮັດວຽກ, ທ່ານປະທານປະເທດ ຫງວຽນຊວນຟຸກ ຕີລາຄາວ່າ: ແຂວງ ລ້າງເຊີນ ມີທີ່ຕັ້ງສະດວກໃຫ້ແກ່ການເຄື່ອນໄຫວດ້ານການຄ້າ ແລະ ການລົງທຶນ, ທ່າແຮງແມ່ນເສດຖະກິດດ່ານຊາຍແດນ, ດັ່ງນັ້ນແຂວງຕ້ອງສຸມໃສ່ຂຸດຄົ້ນທ່າແຮງນີ້. ທ່ານປະທານປະເທດ ໄດ້ຮຽກຮ້ອງໃຫ້ແຂວງ ສືບຕໍ່ເອົາໃຈໃສ່ດ້ານການປ້ອງກັນຄວາມສະຫງົບ, ປ້ອງກັນຊາດ, ສະກັດກັ້ນບັນດາອາດຊະຍາກຳ, ການຄ້າເຖື່ອນ, ການລັກລອບຄ້າຂາຍຜິດກົດໝາຍ ຕັ້ງແຕ່ຫົວທີ, ພິເສດແມ່ນໃນທ້າຍປີ. ທ້ອງຖິ່ນຕ້ອງມີບັນດາມາດຕະການອັນເປັນເຈົ້າການ ແລະ ເໝາະສົມກວ່າໃນການຈໍລະຈອນສິນຄ້ານຳເຂົ້າ ແລະ ສົ່ງອອກ.
ທີ່ການເຮັດວຽກ, ທ່ານປະທານປະເທດ ກໍ່ໄດ້ຍົກອອກຢ່າງຈະແຈ້ງວ່າ: ຈີນ ແມ່ນຄູ່ຮ່ວມມືຍຸດທະສາດຮອບດ້ານກັບ ຫວຽດນາມ, ມີການພົວພັນທາງປະຫວັດສາດ, ຍາວນານ, ດັ່ງນັ້ນການກໍ່ສ້າງເສັ້ນຊາຍແດນແຫ່ງຄວາມສັນຕິພາບ, ລຸລ່ວງ, ສະຖຽນລະພາບ ແລະ ພັດທະນາລະຫວ່າງສອງປະເທດແມ່ນສຳຄັນທີ່ສຸດ.
ທ່ານປະທານປະເທດ ສະເໜີໃຫ້ບັນດາຄະນະ, ຂະແໜງການທີ່ມີໜ້າທີ່ ແລະ ແຂວງ ລ້າງເຊີນ ສືບຕໍ່ຍົກສູງຄວາມຮັບຜິດຊອບໃນການສ້າງຕັ້ງ, ປົກປັກຮັກສາ ແລະ ເສີມຂະຫຍາຍການພົວພັນມິດຕະພາບ, ຕ່າງຝ່າຍຕ່າງມີຜົນປະໂຫຍດກັບກວາງຊີ ແລະ ບັນດາກຳລັງທີ່ມີໜ້າທີ່ຂອງຈີນ; ເພີ່ມທະວີການເຄື່ອນໄຫວແລກປ່ຽນລະຫວ່າງບັນດາຂະແໜງການ, ຂົງເຂດ; ເພີ່ມທະວີການປະສານສົມທົບເພື່ອຮັບປະກັນຄວາມລຸລ່ວງຢຸ່ເຂດດ່ານຊາຍແດນ, ຮັບໃຊ້ປະຊາຊົນ ແລະ ວິສາຫະກິດໃຫ້ເປັນຢ່າງດີທີ່ສຸດ.
ໄຊພອນ
