 |
| ພາບປະກອບ: Be |
Grab ໃຫ້ຮູ້ວ່າ ຕາມເອກະສານເລກທີ 4601 ລົງວັນທີ 13 ຕຸລາ ຂອງພະແນກຄົມມະນາຄົມຂົນສົ່ງ ຮ່າໂນ້ຍ ແລ້ວ, Grab ຫວຽດນາມ ຈະເປີດການເຄື່ອນໄຫວ Grabcar ເພື່ອຕອບສະໜອງບັນດາປັດໄຈປອດໄພ ສຳລັບການເຄື່ອນໄຫວຄົມມະນາຄົມຂົນສົ່ງໃນວຽກງານປ້ອງກັນ, ຕ້ານໂລກລະບາດໃນບໍລິເວນນະຄອນຮ່າໂນ້ຍ. ຜູ້ຂັບລົດແທັກຊີທຸກໆຄົນ ລ້ວນແຕ່ໄດ້ຮັບການສັກວັກຊິນກັນໂຄວິດ - 19 1 ເຂັມແລ້ວ.
ຜູ້ຂັບລົດກໍ່ໄດ້ຮັບການຮຽກຮ້ອງປະຕິບັດຕາມ 5 ປະການ ແລະ ຮັບປະກັນການປະຕິບັດວິໄຈຫາເຊື້ອ SARS-CoV- 2 (ດ້ວຍ PCR ) 7ວັນ/ຄັ້ງ. ໃນລົດມີນ້ຳຢາລ້າງມືຂ້າເຊື້ອ (ມີລະດັບແອນກໍຮໍຢ່າງໜ້ອຍສຸດ 70%) ໃຫ້ແກ່ຜູ້ໂດຍສານ.
Be Group ໃຫ້ຮູ້ວ່າ ນັບແຕ່ວັນທີ 14 ຕຸລາ ໄດ້ເປີດການບໍລິການ beCar ແລະ beTaxi ຢູ່ຮ່າໂນ້ຍ ຄືນໃໝ່. Be ໃຫ້ຄຳໝັ້ນສັນຍາວ່າ ທຸກຖ້ຽວລົດຂອງ BeCar ລ້ວນແຕ່ໄດ້ຮັບໃຊ້ໂດຍບັນດາຜູ້ຂັບລົດທີ່ປະຕິບັດຕາມຫຼັກການ 5K ແລະ ໄດ້ຮັບການສັກວິກຊິນຢ່າງຄົບຖວ້ນ.
ຕອນບ່າຍວັນທີ 13 ຕຸລາ, ປະທານປະທານຄະນະກຳມະການປະຊາຊົນ ນະຄອນຮ່າໂນ້ຍ ໄດ້ລົງນາມປະກາດໃຊ້ ໂທລະເລກທາງການສະບັບ ເລກທີ 21 ກ່ຽວກັບການຜັນຂະຫຍາຍບັນດາມາດຕະການປ້ອງກັນ, ຕ້ານໂລກລະບາດໂຄວິດ - 19 ໃນບໍລິເວນນະຄອນໃນສະພາບການໃໝ່, ນຳໃຊ້ນັບແຕ່ເວລາ 6 ໂມງຂອງວັນທີ 14 ຕຸລາເປັນຕົ້ນໄປ.
ຕາມນັ້ນແລ້ວ, ນະຄອນຈະອະນຸດຍາດໃຫ້ລົດເມ, ລົດແທັກຊີ ໄດ້ຮັບການເຄື່ອນໄຫວຕາມສະມັດຕະພາບ ແລະ ການແນະນຳສາຍລົດ ໂດຍພະແນກຄົມມະນາຄົມ ແລະ ຂົນສົ່ງແນະນຳ, ຮັບປະກັນບັນດາຂໍ້ກຳນົດຂອງ ກະຊວງຄົມມະນາຄົມ ແລະ ຂົນສົ່ງ ແລະ ບັນດາຂໍ້ກຳນົດໃນການປ້ອງກັນ, ຕ້ານໂລກລະບາດ.
ແລະກໍ່ໃນວັນທີ 13 ຕຸລາ, ພະແນກຄົມມະນາຄົມ ແລະ ຂົນສົ່ງ ຮ່າໂນ້ຍ ໄດ້ສົ່ງເອກະສານແນະນຳບັນດາວິສາຫະກິດຂົນສົ່ງ. ໃນເອກະສານໄດ້ຊີ້ແຈ້ງວ່າ ບັນດາໜ່ວຍງານຂົນສົ່ງ, ລົດເຕັກໂນໂລຢີທີ່ມີທີ່ນັ່ງໜ້ອຍກ່ວາ 9 ບ່ອນ ໄດ້ຮັບການເຄື່ອນໄຫວ ບໍ່ເກີນ 50% ກໍ່ຄືຮັບຜິດຊອບການຕິດຕາມ, ກວດກາ, ຕິດຕາມບັນດາການເຄື່ອນໄຫວຂອງພາຫະນະຢ່າງເຄັ່ງຄັດ.
ບຸນຄົງ
