| ມີເງິນລົງທຶນນັບຕື້ USD ເຂົ້າມາຫວຽດນາມໂດຍບໍ່ຫົວຊາຕໍ່ໂລກລະບາດໂຄວິດ - 19 | |
| ໜູນຊ່ວຍການທໍາມາຫາກິນໃຫ້ແກ່ຜູ້ປະສົບເຄາະຮ້າຍຈາກລູກລະເບີດຍັງບໍ່ທັນແຕກພາຍຫຼັງສົງຄາມ ຢູ່ ຫວຽດນາມ |
 |
| ພິທີ ລົງນາມກ່ຽວກັບການຮ່ວມມືໃນການກໍ່ສ້າງ ແລະ ຍົກສູງກຳລັງຄວາມສາມາດໃນການແກ້ໄຂຜົນຮ້າຍຢ້ອນຫຼັງຈາກລູກລະເບີດ, ວັດຖຸລະເບີດພາຍຫຼັງສົງຄາມຢູ່ ຫວຽດນາມ (ພາບ: tuoitre.vn) |
ບົດບັນທຶກຊ່ວຍຈຳແມ່ນພື້ນຖານເພື່ອ MAG ແບ່ງປັນວິຊາການເຕັກນິກກັບ VNMAC ຜ່ານວຽກງານບຳລຸງສ້າງ, ສ້າງລະບົບຄຸ້ມຄອງທີ່ມີຄຸນນະພາບ, ປະສິດທິຜົນ, ຈັດຕັ້ງການລົງພື້ນທີ່ຕົວຈິງ ເພື່ອພ້ອມກັນເຄື່ອນໄຫວ ແລະ ຮ່ວມມືເພື່ອສະສົມບົດຮຽນ, ສ້າງກາລະໂອກາດຊ່ວຍໃຫ້ທັງສອງຝ່າຍພັດທະນາຢ່າງແຮງກ່ວາອີກ.
ກ່າວຄຳເຫັນທີ່ພິທີ, ທ່ານນາງ Helene Kuperman ຜູ້ອຳນວຍການແຫ່ງຊາດ MAG ຫວຽດາມ ໃຫ້ຮູ້ວ່າ: ບັນດາໝາກຜົນ MAG ບັນລຸໄດ້ໃນການເຄື່ອນໄຫວເກັບກູ້ທຳລາຍລະເບີດທີ່ບໍ່ທັນແຕກ ແບບມະນຸດສະທຳ ຢູ່ ຫວຽດນາມ ມີການໜູນຊ່ວຍ ແລະ ຮ່ວມມືທີ່ສຳຄັນຂອງ VNMAC, ກະຊວງປ້ອງກັນປະເທດ (ຜ່ານການເຂົ້າຮ່ວມຂອງ ກອງບັນຊາການທະຫານ ບັນດາແຂວງ, ນະຄອນ) ແລະ ບັນດາອົງການອຳນາດການປົກຄອງຢູ່ຂັ້ນສູນກາງ ແລະ ທ້ອງຖິ່ນ ເຊິ່ງແມ່ນ MAG ພວມເຄື່ອນໄຫວ.
ການຮ່ວມມືໜູນຊ່ວຍນັ້ນແມ່ນພື້ນຖານໃຫ້ແກ່ການເຄື່ອນໄຫວຂອງ MAG ໃນວິກິດການແກ້ໄຂຜົນຮ້າຍຢ້ອນຫຼັງຈາກລະເບີດທີ່ຍັງບໍ່ທັນແຕກພາຍຫຼັງສົງຄາມຢູ່ ຫວຽດນາມ.
ທ່ານ ຜູ້ອຳນວຍການແຫ່ງຊາດ MAG ຫວຽດນາມ ເຈິ່ນຈຸງຮ່ວາ ໄດ້ສະແດງຄວາມເຊື່ອໝັ້ນການລົງນາມບົດບັນທຶກຊ່ວຍຈຳຈະສ້າງກາລະໂອກາດເພື່ອໃຫ້ສອງຝ່າຍມານະພະຍາຍາມຮ່ວມແຮງຮ່ວມໃຈແກ້ໄຂຜົນຮ້າຍຢ້ອນຫຼັງຈາກລູກລະເບີດທີ່ຍັງບໍ່ທັນແຕກບົນຜືນແຜ່ນດິນ ຫວຽດນາມ, ແມ່ນປະຖົມປັດໄຈສຳຄັນເພື່ອໃຫ້ສອງຝ່າຍເຂົ້າສູ່ບັນດາເນື້ອໃນຮ່ວມມືລະອຽດ.
ທ່ານ ຮ່ວາ ໄດ້ສະແດງຄວາມຂອບອົກຂອບໃຈຕໍ່ການປະກອບສ່ວນຢ່າງຕັ້ງໜ້າຂອງລັດຖະບານບັນດາປະເທດ, ບັນດາອົງການຈັດຕັ້ງສາກົນ, ບັນດາອົງການບໍ່ຂຶ້ນກັບລັດຖະບານ, ສ່ວນບຸກຄົນ ແລະ ປະຊາຄົມພາຍໃນປະເທດ, ສາກົນຕໍ່ບັນດາການເຄື່ອນໄຫວແກ້ໄຂຜົນຮ້າຍຢ້ອນຫຼັງຈາກລູກລະເບີດທີ່ບໍ່ທັນແຕກພາຍຫຼັງສົງຄາມຢູ່ ຫວຽດນາມ ໃນໄລຍະທີ່ຜ່ານມາ, ພ້ອມທັງມີຄວາມປາດຖະໜາວ່າ ຈະສືບຕໍ່ໄດ້ຮັບການສະໜັບສະໜູນ, ໜູນຊ່ວຍຈາກບັນດາອົງການຈັດຕັ້ງ, ສ່ວນບຸກຄົນ ໃນໄລຍະຈະມາເຖິງ.
ບຸນຄົງ
