 |
| ບໍລິສັດ SAM SUNG (ພາບ: Vietnamnet) |
ຕົວເລກຂອງກະຊວງແຜນການແລະການລົງທຶນສະແດງໃຫ້ເຫັນວ່າໃນ 9 ເດືອນຕົ້ນປີ 2021 ຈຳນວນໂຄງການລົງທຶນຈາກຕ່າງປະເທດໄດ້ຮັບໃບຢັ້ງຢືນຈົດທະບຽນລົງທຶນຫຼຸດລົງ 37,8% ດ້ວຍ 1.212 ໂຄງການໃໝ່ທີ່ໄດ້ຮັບໃບອະນຸຍາດ.
ແຕ່ວ່າ, ຍອດທຶນຈົດທະບຽນຂອງບັນດາໂຄງການດັ່ງກ່າວບັນລຸໄດ້ເກືອບ 12,5 ຕື້ USD, ເພີ່ມຂຶ້ນ 20,6% ເມື່ອທຽບໃສ່ກັບໄລຍະດຽວກັນຂອງປີ 2020, ເຊິ່ງສະແດງໃຫ້ເຫັນຂອບຂະໜາດຂອງໂຄງການ FDI ໄດ້ເພີ່ມຂຶ້ນ.
ທຶນຈົດທະບຽນໃໝ່ຫຼຸດລົງແຕ່ຍອດທຶນຈົດທະບຽນເພີ່ມຂຶ້ນບັນລຸກ່ວາ 6,4 ຕື້ USD, ເພີ່ມຂຶ້ນ 25,6% ເມື່ອທຽບໃສ່ກັບໄລຍະດຽວກັນຂອງປີ 2020, ໂດຍສະແດງໃຫ້ເຫັນວ່າບັນດານັກລົງທຶນທີ່ມີໜ້າຢູ່ຫວຽດນາມແລ້ວສືບຕໍ່ສ້າງຄວາມໄວ້ເນື້ອເຊື່ອໃຈເຂົ້າແຜນການຜະລິດດຳເນີນທຸລກິດຢູ່ຫວຽດນາມ.
ໄລ່ຮອດວັນທີ 20 ກັນຍາປີ 2021, ຍອດເງິນລົງທຶນຈົດທະບຽນໃໝ່ ໄດ້ຮັບການດັດປັບແລະປະກອບທຶນ, ຊື້ຫຸ້ນ, ຊື້ການປະກອບທຶນຂອງນັກລົງທຶນຕ່າງປະເທດບັນລຸ 22,15ຕື້ USD, ເພີ່ມຂຶ້ນ 4,4% ເມື່ອທຽບໃສ່ກັບໄລຍະດຽວກັນຂອງປີ 2020.
ຕາມການນຳກະຊວງແຜນການແລະການລົງທຶນແລ້ວ, ປະຊາຄົມວິສາຫະກິດທີ່ມີເງິນລົງທຶນຈາກຕ່າງປະເທດໄດ້ຕີລາຄາສູງຄວາມມານະພະຍາຍາມຂອງລັດຖະບານໃນການຮັບມືກັບໂລກລະບາດແລະສະແດງຄວາມປະເອີບໃຈຕໍ່ຄວາມສາມາດໃນການຟື້ນຟູເສດຖະກິດຂອງຫວຽດນາມແລະໃຫ້ຄຳໝັ້ນສັນຍາຈະສືບຕໍ່ລົງທຶນ, ດຳເນີນທຸລະກິດຍາວນານ, ເປັນຕົ້ນແມ່ນເມື່ອນາຍົກລັດຖະມົນຕີຊີ້ນຳສ້າງແຜນຂັ້ນຕອນການປັບຕົວຢ່າງປອດໄພ, ກຳນົດທັດສະນະໃໝ່ກ່ຽວກັບການຕ້ານໂລກລະບາດ.
ບຸນຄົງ
