| ການໂອ້ລົມສົນທະນາກ່ຽວກັບວັນນະຄະດີ ໃຫ້ແກ່ຊາວໜຸ່ມ ລັດເຊຍ - ຫວຽດນາມ | |
| ນັກຊ່ຽວຊານ ລັດເຊຍ ຕີລາຄາວ່າ ຫວຽດນາມ ແມ່ນສະມາຊິກມີຄວາມຮັບຜິດຊອບຂອງ ສປຊ |
 |
| ທ່ານນາງ ເລທິທູຮັ່ງ, ຫົວໜ້າກົມຖະແຫຼງຂ່າວ ແລະ ສື່ມວນຊົນ, ກະຊວງການຕ່າງປະເທດ ຫວຽດນາມ (ພາບ: baoquocte.vn) |
ບົນພື້ນຖານບັນດາເນື້ອໃນທີ່ໄດ້ເຫັນດີເປັນເອກະພາບຢູ່ທີ່ການປຶກສາຫາລືລະຫວ່າງສອງກົມການຂ່າວ ແລະສື່ມວນຊົນຢູ່ຮ່າໂນ້ຍໃນເດືອນທັນວາປີ 2017, ສອງຝ່າຍໄດ້ສະແດງຄວາມປິຕິຊົມຊືນຕໍ່ບັນດາຜົນງານທີ່ບັນລຸໄດ້, ເປັນຕົ້ນແມ່ນການສ້າງເງື່ອນໄຂຢ່າງສະດວກໃຫ້ແກ່ຫ້ອງການປະຈຳຂອງບັນດາອົງການສື່ມວນຊົນຫວຽດນາມແລະລັດເຊຍທີ່ພວມເຄື່ອນໄຫວຢູ່ແຕ່ລະປະເທດ, ເພີ່ມຂໍ້ມູນຢ່າງຕັ້ງໜ້າ, ໂຄສະນາເຊິ່ງກັນແລະກັນ, ປະກອບສ່ວນສຳຄັນເຂົ້າໃນການຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຫວຽດນາມ - ສະຫະພັນລັດເຊຍ. ທີ່ການປຶກສາຫາລືທີ່ນອນໃນຂອບເຂດການຮ່ວມມືປະຈຳປີລະຫວ່າງ ກະຊວງການຕ່າງປະເທດຫວຽດນາມແລະກະຊວງການຕ່າງປະເທດສະຫະພັນລັດເຊຍ.
ເມື່ອແລກປ່ຽນກ່ຽວກັບບັນດາມາດຕະການ, ທິດທາງໃນການຊຸກຍູ້ການຮ່ວມມືລະຫວ່າງສອງອົງການກໍ່ຄືລະຫວ່າງສອງກະຊວງການຕ່າງປະເທດໃນຂົງເຂດສື່ມວນຊົນໃນໄລຍະຈະມາເຖິງ, ສອງຝ່າຍໄດ້ເຫັນດີເປັນເອກະພາບຮັກສາກົນໄກປຶກສາຫາລື, ແລກປ່ຽນຂໍ້ມູນຢ່າງເປັນປະຈຳ, ພ້ອມທັງເພີ່ມທະວີການສົມທົບແລະແບ່ງປັນທັດສະນະລະຫວ່າງສອງປະເທດກ່ຽວກັບບັນດາບັນຫາພາກພື້ນແລະສາກົນທີ່ຕ່າງຝ່າຍຕ່າງມີຄວາມສົນໃຈ.
ໂດຍຢັ້ງຢືນເຖິງຄວາມສຳຄັນຂອງບັນດາພາຫະນະສື່ມວນຊົນໃໝ່, ສອງຝ່າຍໄດ້ສະຫງວນເວລາແບ່ງປັນປະສົບການກ່ຽວກັບການນຳໃຊ້ສື່ສັງຄົມອອນລາຍ, ໃນວຽກງານສື່ມວນຊົນທາງການທູດ, ຜັນຂະຫຍາຍການທູດດີຈີຕອນ. ສອງຝ່າຍກໍ່ເຫັນດີເປັນເອກະພາບກ່ຽວກັບການສົມທົບກັນຈັດຕັ້ງການແລກປ່ຽນຄະນະຜູ້ແທນແລະບັນດາຊຸດບຳລຸງສ້າງໃຫ້ແກ່ນັກຂ່າວສອງປະເທດຫວຽດນາມແລະສະຫະພັນລັດເຊຍໃນໄລຍະທີ່ເໝາະສົມ.
ບຸນຄົງ
