| ໜັງສືພິມ ເຢຍລະມັນ ລົງບົດຂຽນກ່ຽວກັບຄວາມມານະພະຍາຍາມ ຕ້ານໂລກລະບາດໂຄວິດ - 19 ຂອງ ຫວຽດນາມ | |
| ເຮັດໃຫ້ການພົວພັນຄູ່ຮ່ວມມືຍຸດທະສາດ ຫວຽດນາມ - ເຢຍລະມັນ ເລິກເຊິ່ງຂຶ້ນຕື່ມ |
 |
| ສູນການຄ້າ ດົ່ງຊວັນ ມອບຂອງຂວັນເປັນຈຳນວນ 40.452,40 Euro ໃຫ້ແກ່ ນະຄອນ Mainz - ເມືອງຫຼວງຂອງ ລັດ Rheinland Pfalz |
ນີ້ແມ່ນຈຳນວນເງິນພາຍຫຼັງການຂົນຂວາຍອຸປະຖຳຈາກພໍ່ແມ່ປະຊາຊົນຊາວຫວຽດນາມ ພວມດຳເນີນທຸລະກິດ, ຄ້າຂ່າຍຢູ່ ສູນການຄ້າ ດົ່ງຊວັນ ມາເປັນເວລາ 2 ເດືອນ (ໃນນັ້ນຍັງມີຊາວຕ່າງປະເທດ), ຂອງບາງອົງການ, ສະຫະພັນ, ສະມາຄົມ ຂອງພໍ່ແມ່ປະຊາຄົມຊາວຫວຽດນາມ ທີ່ພວມດຳລົງຊີວິດຢູ່ ແບກລິນ ແລະ ເຂດຕ່າງໆຢູ່ປະເທດ ເຢຍລະມັນ.
ກ່າວຄຳເຫັນທີ່ການຕ້ອນຮັບ, ທ່ານ Randolf Stich ສະແດງຄວາມຕື້ນຕັນໃຈ ຍ້ອນໄດ້ຮັບຈຳນວນເງິນຂອງພໍ່ແມ່ປະຊາຄົມຊາວ ຫວຽດນາມ. ນີ້ແມ່ນສາຍໃຈແຫ່ງການແບ່ງປັນ, ຄວາມເຫັນດີເຫັນພ້ອມອັນລ້ຳຄ່າ, ແມ່ນຂອງຂວັນອັນແທດຈິງຕໍ່ອຳນາດການປົກຄອງ ແລະ ປະຊາຊົນທີ່ຫາກໍ່ຖືກເສຍຫາຍຍ້ອນນ້ຳຖ້ວມ. ທ່ານກໍ່ສະແດງຄວາມຕື້ນຕັນໃຈ ຍ້ອນຄະນະປະຕິບັດງານໄດ້ຜ່ານຜ່າເສັ້ນທາງທີ່ຍາວກ່ວາ 600 ກິໂລແມັດ ມາເຂດຖືກໄພນ້ຳຖ້ວມ ເພື່ອມອບຈຳນວນເງິນແຫ່ງຄວາມເມດຕາຂອງພໍ່ແມ່ປະຊາຊົນຄົມຊາວຫວຽດນາມ. “ພ້ອມກັບບັນດາການສະໜັບສະໜູນຂອງປະຊາຊົນທົ່ວປະເທດ ເຢຍລະມັນ ແລ້ວ, ຈຳນວນເງິນນີ້ ຈະຊ່ວຍພວກຂ້າພະເຈົ້າໄດ້ຫຼາຍທີ່ສຸດ, ພິເສດ ແມ່ນການລະດົມກຳລັງໃຈ ເພື່ອໃຫ້ອຳນາດການປົກຄອງ ແລະ ປະຊາຊົນຢູ່ແຫ່ງນີ້ ແກ້ໄຂຜົນຮ້າຍທີ່ຕາມມາຈາກໄພນ້ຳຖ້ວມ, ນຳຊີວິດການເປັນຢູ່ກັບຄືນສະພາບການປົກກະຕິໂດຍໄວ”, ທ່ານ Randolf Stich ໃຫ້ຮູ້.
ໂດຍຕາງໜ້າຄະນະປະຕິບັດງານ ທ່ານ ປ.ອ ຫງວຽນວຽດດຶກ, ປະທານສະມາຄົມຊາວຫວຽດນາມ ອາໄສຢູ່ Berlin-Brandenburg ແລະ ທ່ານດົ່ງແທງບິ່ງ, ສູນການຄ້າ ດົ່ງຊວັນ ກໍ່ສະແດງຄວາມເສຍໃຈຕໍ່ບັນດາຜົນເສຍຫາຍຢ່າງໜັກໜ່ວງທີ່ສຸດ ນັບທັງມະນຸດ ແລະ ວັດຖຸເຄື່ອງຂອງທີ່ໄພນ້ຳຖ້ວມໄດ້ກໍ່ຂຶ້ນໃຫ້ແກ່ພໍ່ແມ່ປະຊາຊົນທ້ອງຖິ່ນ. ພ້ອມທັງຕາງໜ້າໃຫ້ພໍ່ແມ່ປະຊາຊົນ ສະແດງຄວາມຂອບອົກຂອບໃຈຕໍ່ປະເທດ ເຢຍລະມັນ ແລະ ຊາວເຢຍລະມັນ ທີ່ຍາມໃດກໍ່ສະໜັບສະໜູນ ຫວຽດນາມ ແລະ ອຸ້ມຊູຊ່ວຍເຫຼືອ ພໍ່ແມ່ປະຊາຊົນ ຫວຽດນາມ ຄືພໍ່ແມ່ປະຊາຊົນຂອງປະເທດຕົນ.
ບຸນຄົງ
