 |
| ພາບປະກອບ: TTXVN |
ບັນດາກຸ່ມນາຍທະຫານຮ່ວມສູ້ຮົບ ອຸດເບກິດສະຖານ, ປາກິດສະຖານ ແລະ ສີລັງກາ ເຂົ້າຮ່ວມໃນພາກສ່ວນກອງບັນຊາການການຊ້ອນຮົບຮ່ວມ, ໃນຂະນະທີ່ຜູ້ຕາງໜ້າກອງທັບຫວຽດນາມ, ຈີນ ແລະ ມຽນມາເຂົ້າຮ່ວມໃນຖານະເປັນຜູ້ສັງເກດການ.
ມີທີ່ປຶກສາຝ່າຍການທະຫານປະມານ 120 ທ່ານ ຂອງບັນດາປະເທດຂຶ້ນກັບປະຊາຄົມບັນດາປະເທດເອກະລາດ (CIS), ເອີລົບ, ອາຊີ, ອາບຟຼິກກາ ແລະ ອາເມລິກາລາຕິນ ໄດ້ເຂົ້າຮ່ວມຕິດຕາມການຊ້ອນຮົບຮ່ວມ. ທ່ານປະທານາທິບໍດີ ລັດເຊຍ Vladimir Putin ພ້ອມກັບທ່ານລັດຖະມົນຕີກະຊວງປ້ອງກັນປະເທດ Sergei Shoigu ແລະ ທ່ານ Valery Gerasimov ເສນາທິການໃຫຍ່ ບັນດາກຳລັງປະກອບອາວຸດ ລັດເຊຍ ກໍ່ມາເຂົ້າຊົມເຫດການນີ້.
ການຊ້ອນຮົບຮ່ວມຍຸດທະສາດ Zapad-2021 ໄດ້ແບ່ງເປັນ 3 ໄລຍະ. ຢູ່ໄລຍະທຳອິດ, ທະຫານປະສົມຮ່ວມສູ້ຮົບເພື່ອສະກັດກັ້ນການບຸກໂຈມຕີ ທາງອາກາດຂອງສັດຕູ, ຮັກສາແນວປ້ອງກັນຫຼັກຂອງຕົນຢ່າງໝັ້ນແກ່ນ.
ບຸນຄົງ
