| ຫວຽດນາມ ສືບຕໍ່ປະກອບສ່ວນຢ່າງມີປະສິດທິຜົນເຂົ້າໃນການປະຕິບັດບັນດາເປົ້າໝາຍ ແລະ ວິໄສທັດລວມ GMS | |
| ນັກທຸລະກິດໂຮນລັງ ແນະນຳພາບແຕ້ມຂອງບັນດານັກຈິດຕະກອນຫວຽດນາມ |
 | |
|
ທີ່ການຕ້ອນຮັບ, ທ່ານປະທານສະພາແຫ່ງຊາດຫວຽດນາມ ເວືອງດິ່ງເຫວ້ ສະເໜີໃຫ້ທ່ານນາງ Anna Kaisa Ikonen ຈົ່ງຊຸກຍູ້, ສົ່ງເສີມບັນດາວິສາຫະກິດຂະໜາດໃຫຍ່ໃນນະຄອນ ເພີ່ມທະວີການຮ່ວມມື, ລົງທຶນຢູ່ ຫວຽດນາມ, ພິເສດແມ່ນໃນບັນດາຂົງເຂດທີ່ນະຄອນມີຄວາມບົ່ມຊ້ອນ, ຍາດແຍ່ງຜົນປະໂຫຍດຢ່າງໃຫຍ່ຫຼວງ ເຊິ່ງສັນຍາ EVFTA ນຳມາໃຫ້. ພ້ອມທັງມີຄວາມປາດຖະໜາຢາກເພີ່ມທະວີການຮ່ວມມືກັບ ແຟງລັງ ໃນບັນດາຂົງເຂດທີ່ມີຄວາມບົ່ມຊ້ອນຄື ເຕັກໂນໂລຢີສູງ, ໂທລະຄົມມະນາຄົມ, ພະລັງງານຜະລິດຄືນໃໝ່, ສິ່ງແວດລ້ອມ, ບຳບັດນ້ຳ, ເຕັກໂນໂລຢີຂໍ້ມູນຂ່າວສານ, ການສ້າງ ແລະ ຄຸ້ມຄອງຕົວເມືອງອັດສະລິຍະ.
ເມື່ອແລກປ່ຽນກັບບັນດາວິສາຫະກິດຢູ່ Tempere, ທ່ານປະທານສະພາແຫ່ງຊາດ ເວືອງດິ່ງເຫວ້ ໃຫ້ຮູ້ວ່າ ຫວຽດນາມ ມີຄວາມສົນໃຈຕໍ່ການຊຸກຍູ້ການພັດທະນາລະບົບນິເວດ startup ແລະ ປ່ຽນແປງໃໝ່ປະດິດຄິດສ້າງ, ໄປຄຽງຄູ່ກັນນັ້ນ, ຫວຽດນາມ ກໍມີບັນດາກົນໄກ, ນະໂຍບາຍ ເພື່ອດຶງດູດແຫຼ່ງກຳລັງຕ່າງໆຈາກປະຊາຄົມວິສາຫະກິດພາຍໃນ, ສົ່ງເສີມບັນດາວິສາຫະກິດຕ່າງປະເທດເຂົ້າຮ່ວມອີກດ້ວຍ. ຫວຽດນາມ ພວມສືບຕໍ່ສ້າງກອບນິຕິກຳໃຫ້ສົມບູນແບບ ເພື່ອເອື້ອອຳນວນຄວາມສະດວກ, ສ້າງສະພາບແວດລ້ອມດຳເນີນທຸລະກິດຢ່າງມີສະຖຽນລະພາບ, ປອດໄພໃຫ້ແກ່ບັນດານັກລົງທຶນ, ວິສາຫະກິດຕ່າງປະເທດ ໃນນັ້ນມີບັນດາວິສາຫະກິດຂອງແຟງລັງ ມາລົງທຶນ, ດຳເນີນທຸລະກິດຢູ່ ຫວຽດນາມ ຢ່າງມີສະຖຽນລະພາບ.
ໃນວັນດຽວກັນ, ຢູ່ນະຄອນຫຼວງ Helsinki, ປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ໄດ້ໃຫ້ການຕ້ອນຮັບການນຳກຸ່ມບໍລິສັດ Sienmens Energy AG, ເຊິ່ງເປັນບໍລິສັດແຖວໜ້າໃນການຜະລິດພະລັງງານໄຟຟ້າໃນໂລກ.
vovworld.vn
