| ຮັບຮູ້ບົດບາດຂອງບັນດາການນຳໜຸ່ມໃນການຊຸກຍູ້ການພົວພັນລະຫວ່າງ ຫວຽດນາມ - ສິງກະໂປ | |
| ຫວຽດນາມ ຟື້ນຟູການເຄື່ອນໄຫວຜະລິດ, ດຳເນີນທຸລະກິດ ເທື່ອລະກ້າວ |
 |
| ທ່ານ ຟ້າມວຽດແອັງ ເອກອັກຄະລັດດຖະທູດ ຫວຽດນາມ ປະຈຳ ໂຮນລັງ ມາເຂົ້າຮ່ວມງານວາງສະແດງ |
ງານວາງສະແດງລວມມີ 3 ພາກ: ພາກສີສັນຫວຽດນາມ, ແມ່ຍິງ ຫວຽດນາມ ແລະ ສະຫວັນໃນໜ່ວຍໂລກ. ງານວາງສະແດງໄດ້ແນະນຳບັນດາພາບແຕ້ມສີຂັດມັນທີ່ມີຂະໜາດໃຫຍ່ ດ້ວຍຮູບພາບໝູ່ບ້ານ, ຕະຫຼາດບ້ານ, ງານບຸນ… ສີສັນມູນເຊື້ອຂອງຄວາມສະຫງົບຄືດັ່ງຄວາມໄຝ່ຝັນຂອງຊົນຊາດທີ່ປະຫວັດສາດເຕັມໄປດ້ວຍສົງຄາມ - ຄືວິທີເວົ້າຂອງຜູ້ກຳກັບຂອງງານວາງສະແດງ.
ທ່ານ Geert Steinmeijer ໄດ້ເປີດຫໍພິພິທະພັນເອກະຊົນດ້ວຍງົບປະມານສ່ວນຕົວດ້ວຍທິດນຳທີ່ວ່າ ເຊື່ອມຕໍ່ຄວາມຮູ້ສຶກດ້ານສິລະປະ. ທ່ານໄດ້ມີໄລຍະໜຶ່ງ ດຳເນີນທຸລະກິດຢູ່ ຫວຽດນາມ, ມາຫວຽດນາມເປັນຫຼາຍຄັງໃນໄລຍະແຕ່ປີ 1990 – 2010. ທ່ານມີຄວາມຮັກຫອມຕໍ່ພາບແຕ້ມຫວຽດນາມ ຍ້ອນຫົວຂໍ້, ວາດພາບ ແລະ ແນວຄິດຂອງບັນດານັກຈິດຕະກອນ. ທ່ານສະສົມພາບຖ່າຍ ໄດ້ 35 ແຜ່ນຂອງບັນດານັກຈິດຕະກອນ ຫວຽດນາມ ຄື: ເຈິ່ນດິ່ງເທາະ, ຫວູຢາງເຮືອງ, ໂດຊວັນຢວານ, ໂຕງອກແທັງ, ຮ່ວຽນເຟືອງດົງ, ບຸຍຮຶວຢຸງ, ດັ່ງຊວັນຮ່ວາ ແລະ ຫງວຽນຈຸງ.
ນີ້ແມ່ນຄັ້ງທຳອິດທີ່ ທ່ານ Geert Steinmeijer ໄດ້ວາງສະແດງຊຸດສະສົມ, ດ້ວຍວັດຖຸດິບຕົ້ນຕໍແມ່ນສີຂັດມັນ ແລະ ຜ້າໄໝ. ຄວາມຮັກຫວຽດນາມ ຂອງ ທ່ານ Geert Steinmeijer ໄດ້ແຜ່ກະຈາຍໄປຍັງທົ່ວຄອບຄົວຂອງທ່ານ. ລູກສາວຂອງທ່ານຫາກໍ່ມີຖ້ຽວການເດີນທາງໄປທົ່ວຫວຽດນາມ ດ້ວຍລົດຈັກ ເປັນເວລາ 6 ອາທິດ ເພື່ອຊອກຮູ້ກ່ຽວກັບຫວຽດນາມ ດ້ວຍອາລົມຈິດຂອງຕົນ, ເພື່ອສຳຜັດຕົວຈິງກັບ ສະຫວັນບົນດິນ ໂດຍພໍ່ຂອງລາວ ວາດພາບ.
ງານວາງສະແດງຂອງ ທ່ານ Geert Steinmeijer ເປີດປະຕູເຖິງເດືອນພຶດສະພາ ປີ 2022 ເພື່ອມີຜູ້ໄດ້ຮັບຊົມເປັນຈຳນວນຫຼາຍ ແລະ ຄາດວ່າຈະເຂົ້າຮ່ວມບັນດາການເຄື່ອນໄຫວສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ລະຫວ່າງ ໂຮນລັງ - ຫວຽດນາມ.
ບຸນຄົງ
