 |
| ພິທີຕ້ອນຮັບວັດຖຸອຸປະກອນການແພດ (ພາບ: hagiang.gov.vn) |
ຕາມທ່ານ ມາວກວັກຕວານ, ຮອງຫົວໜ້ພະແນກພົວພັນຕ່າງປະເທດແຂວງຮ່າຢາງແລ້ວ, ເພື່ອແນໃສ່ປະກອບສ່ວນເຂົ້າໃນການແບ່ງປັນ ແລະ ຮ່ວມແຮງຮ່ວມໃຈກັບວຽກງານປ້ອງກັນ, ຕ້ານໂລກລະບາດໂຄວິດ - 19 ຂອງແຂວງຮ່າຢາງ, ສະມາຄົມຊາວຈີນ Wenshan Zhuang ໄດ້ມອບເຄື່ອງຜະລິດອົກຊີເຢນ 50 ເຄື່ອງ ແລະ ຜ້າອັດປາກດັງ 10.000 ອັນ ໜູນຊ່ວຍແຂວງຢ່າຢາງ, ຜ່ານນັ້ນ ກໍ່ປະກອບສ່ວນຮັດແໜ້ນການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືລະຫວ່າງແຂວງຮ່າຢາງ ກັບ Wenshan Zhuang.
ທີ່ພິທີມອບຮັບ, ທ່ານ ມາວກວັກຕວານ ໄດ້ສົ່ງຄຳຢື້ຢາມຖາມຂ່າວ ແລະ ຄຳຂອບອົກຂອບໃຈໄປຍັງການນຳສະມາຄົມຊາວຈີນ Wenshan Zhuang, ພ້ອມທັງສະແດງຄວາມປາດຖະໜາວ່າ ໃນໄລຍະຈະມາເຖິງ ກຳລັງພົວພັນຕ່າງປະເທດ ສອງຝ່າຍຈະສືບຕໍ່ແບ່ງປັນ, ຊ່ວຍເຫຼືອເຊິ່ງກັນແລະກັນໃນບັນດາການເຄື່ອນໄຫວວິຊາການ ແລະ ວຽກງານປ້ອງກັນ, ຕ້ານໂລກລະບາດໂຄວິດ - 19.
ພາຍຫຼັງການຕ້ອນຮັບ, ຈຳນວນວັດຖຸອຸປະກອນການແພດດັ່ງກ່າວ ພະແນກການພົວພັນຕ່າງປະເທດ ຈະໄດ້ມອບໃຫ້ພະແນກການແພດຮ່າໂນ້ຍ ເພື່ອສະໜອງໃຫ້ແກ່ບັນດາກຳລັງປະຕິບັດໜ້າທີ່ປ້ອງກັນ, ຕ້ານໂລກລະບາດໂຄວິດ - 19.
ບຸນຄົງ
