| ຈຳນວນເງິນຂອງຊາວຫວຽດນາມ ອາໄສຢູ່ຕ່າງປະເທດສົ່ງມາຫວຽດນາມ ສືບຕໍ່ເພີ່ມຂຶ້ນ | |
| ສາຍການບິນຫວຽດນາມ ເລີ່ມຖ້ຽວບິນເປັນປົກກະຕິລະຫວ່າງ ເອີລົບ ແລະ ຫວຽດນາມ |
 |
| ພາບປະກອບ: TTXVN |
ຕອນບ່າຍວັນທີ 7 ກຸມພາ, ກະຊວງຄົມມະນາຄົມ ແລະ ຂົນສົ່ງ ໄດ້ຊີ້ນຳກົມການບິນ ຫວຽດນາມ ມີແຈ້ງການ ແລະ ອະນຸຍາດບິນໃຫ້ແກ່ບໍລິສັດການບິນຕ່າງປະເທດນຳສົ່ງພົນລະເມືອງ ຊາວຫວຽດນາມ ກັບເມືອປະເທດ, ບໍ່ຮຽກຮ້ອງເອກະສານອະນຸມັດບຸກຄະລາກອນ.
ຕາມນັ້ນແລ້ວ, ນັບແຕ່ວັນທີ 31 ມັງກອນ 2022 ມາຮອດວັນທີ 7 ກຸມພາ 2022, ບັນດາບໍລິສັດຕ່າງປະເທດໄດ້ປະຕິບັດ 36 ຖ້ຽວບິນ ປົກກະຕິ ແລະ ພິເສດ, ໂດຍສານຜູ້ໂດຍສານ 2.055 ຄົນ ເຊິ່ງແມ່ນຊາວຫວຽດນາມ ມາຈາກ ໄຕ້ຫວັນ (ຈີນ), ກຳປູເຈຍ, ສິງປະໂປ, ໄທ, ຍີ່ປຸ່ນ ແລະ ພາກຕາເວັນອອກກາງ (ບັນດາປະເທດອາຣັບບິ ຊາອຸດິ ແລະ ຕວັກກີ) ກັບເມືອງ ຫວຽດນາມ.
ກ່ອນໜ້ານັ້ນ, ວັນທີ 31 ມັງກອນ ປີ 2022, ຫ້ອງວ່າການລັດຖະບານໄດ້ປະກາດກ່ຽວກັບຄຳເຫັນຊີ້ນຳຂອງ ທ່ານນາຍົກລັດຖະມົນຕີ ຟ້າມມິງຈິງ ກ່ຽວກັບວິທີການປົກປ້ອງພົນລະເມືອງ ຫວຽດນາມ ຢູ່ຕ່າງປະເທດກັບເມືອປະເທດ. ທ່ານນາຍົກລັດຖະມົນຕີ ຮຽກຮ້ອງໃຫ້ກະຊວງຄົມມະນາຄົມຂົນສົ່ງ ອະນຸຍາດໂດຍດ່ວນໃຫ້ບໍລິສັດການບິນໂດຍສານພົນລະເມືອງ ຫວຽດນາມ ກັບເມືອປະເທດ.
ກະຊວງຄົມມະນາຄົມ ແລະ ຂົນສົ່ງ ໄດ້ມີເອກະສານມອບໃຫ້ກົມການບິນ ຫວຽດນາມ ເປັນເຈົ້າການສົມທົບກັບບັນດາອົງການ, ໜ່ວຍງານຂອງບັນດາກະຊວງ, ຂະແໜງການ ແລະ ທ້ອງຖິ່ນທີ່ກ່ຽວຂ້ອງຢ່າງແໜ້ນແຟ້ນຮີບດ່ວນອະນຸຍາດໃຫ້ບໍລິສັດການບິນໂດຍສານພົນລະເມືອງ ຫວຽດນາມ ກັບເມືອປະເທດ, ເປັນຕົ້ນແມ່ນບັນດາທ້ອງຖິ່ນທີ່ຍັງມີພົນລະເມືອງ ຫວຽດນາມ ຖືກຕິດຄ້າງຢູ່ເປັນຈຳນວນຫຼາຍ.
ບຸນຄົງ
