| ຮ່ວມແຮງຮ່ວມໃຈກັບນັກສຶກສາລາວ ແລະກໍາປູເຈຍເພື່ອຜ່ານຜ່າການແຜ່ລະບາດຂອງພະຍາດ COVID-19 | |
| COVID-19: ນຳສົ່ງພົນລະເມືອງຫວຽດນາມ 368 ຄົນ ຈາກມາກາວ (ປະເທດຈີນ) ກັບຄືນປະເທດ |
ທ່ານນາງ ຮອງປະທານສະມາຄົມ ເຈື່ອງຖິຫງອກແອັ້ງ ໄດ້ສົ່ງຈົດໝາຍສະແດງຄວາມຂອບໃຈ ສະມາຄົມຊາວຫວຽດນາມອາໄສຢູ່ມາກາວ (ຈີນ). ໃນຈົດໝາຍ, ທ່ານນາງ ຮອງປະທານສະມາຄົມ ໄດ້ຂຽນວ່າ: “ຄະນະປະຈຳ ຄະນະກຳມະການສູນກາງແນວໂຮມແຫ່ງຊາດຫວຽດນາມ ໄດ້ຮັບຮູ້ ແລະ ສະແດງຄວາມຂອບໃຈຢ່າງຈິງໃຈ ເຖິງການກະທຳທີ່ມີຄວາມໝາຍອັນດີງາມ ແລະ ຄວາມຮັກແພງອັນລ້ຳຄ່າ ຂອງສະມາຄົມຊາວຫວຽດນາມອາໄສຢູ່ມາກາວ (ປະເທດຈີນ) ສຳລັບການຕໍ່ສູ້ຕ້ານການລະບາດຂອງພະຍາດໂຄວິດ - 19 ໃນທົ່ວປະເທດ.
 |
| ສະມາຄົມຊາວຫວຽດນາມອາໄສຢູ່ມາກາວ ໄດ້ມອບເງິນເພື່ອຊ່ວຍເຫຼືອບ້ານເກີດເມືອງນອນ ຕໍ່ສູ້ກັບໂລກລະບາດ. |
ທ່ານປະທານສະມາຄົມຊາວຫວຽດນາມອາໄສຢູ່ມາກາວ ເຢືອງຈູງດຶກ ກ່າວວ່າ: ຕໍ່ສະພາບການສັບສົນຂອງການແຜ່ລະບາດຂອງພະຍາດໂຄວິດ - 19 ຢູ່ບ້ານເກີດຂອງຕົນ, ຄະນະບໍລິຫານງານສະມາຄົມ, ຄະນະການກຸສົນ, ຜູ້ຕາງໜ້າບັນດາແຂວງ, ສະມາຊິກທັງໝົດ ກໍ່ຄື ຜູ້ໃຈສັດທາໃນຊຸມຊົນຊາວຫວຽດນາມທີ່ດຳລົງຊີວິດ ແລະ ເຮັດວຽກຢູ່ໃນມາກາວ ໄດ້ຮ່ວມກັນບໍລິຈາກ, ປະກອບສ່ວນເພື່ອຊ່ວຍປະເທດ ໃນການຕ້ານກັບການລະບາດຂອງພະຍາດໂຄວິດ -19 ເປັນຄັ້ງທີສອງ.
“ເຖິງວ່າຊີວິດການເປັນຢູ່ຂອງພໍ່ແມ່ພີ່ນ້ອງຢູ່ມາກາວ ຍັງປະສົບກັບຄວາມຫຍຸ້ງຍາກຫຼາຍຢ່າງ ຍ້ອນຜົນກະທົບຈາກພະຍາດລະບາດກໍ່ຕາມ, ແຕ່ຕໍ່ໜ້າສະພາບການ ທີ່ບ້ານເກີດເມືອງນອນປະສົບກັບຄວາມຫຍຸ້ງຍາກຫຼາຍກວ່າ, ຊາວຫວຽດນາມອາໄສຢູ່ມາກາວ ແຕ່ລະຄົນ ລ້ວນແຕ່ປາດຖະໜາຢາກປະກອບສ່ວນນ້ຳໃຈເລັກນ້ອຍສ່ວນໜຶ່ງຂອງຕົນ ເພື່ອຊ່ວຍປະເທດເອົາຊະນະໂລກລະບາດ", ທ່ານປະທານສະມາຄົມກ່າວ.
ກ່ອນໜ້ານັ້ນ, ໃນເດືອນມິຖຸນາ 2021, ສະມາຄົມຊາວຫວຽດນາມອາໄສຢູ່ມາກາວ (ປະເທດຈີນ) ກໍ່ໄດ້ມອບຈຳນວນເງິນ 131.700.000 ດົ່ງ ໃຫ້ແກ່ຄະນະກຳມະການສູນກາງແນວໂຮມແຫ່ງຊາດ ຫວຽດນາມ ໃນການປ້ອງກັນການລະບາດຂອງພະຍາດໂຄວິດ - 19.
ຄຳຮຸ່ງ
