ນັ້ນແມ່ນຄຳຢືນຢັນຂອງທ່ານຫົວໜ້າເຂດປົກຄອງພິເສດ ມາກາວ Ho lat Seng ທີ່ການພົບປະເຮັດວຽກກັບທ່ານກົງສຸນໃຫຍ່ ຫວຽດນາມ ປະຈຳ ຮົ່ງກົງ ແລະ ມາກາວ (ຈີນ) ຟ້າມບິງດ່າມ ໃນວັນທີ 12 ມີນານີ້, ເນື່ອງໃນໂອກາດໄປຢ້ຽມຢາມ ມາກາວ ເຂົ້າຢ້ຽມອຳລາກ່ອນເມື່ອການສິ້ນສຸດອາຍຸການກັບຄືນບປະເທດ.
ທີ່ສຳນັກງານອຳນາດການປົກຄອງ ມາກາວ, ທ່ານຫົວໜ້າປົກຄອງເຂດພິເສດ Ho lat Seng ໄດ້ມີການຕ້ອນຮັບ ແລະ ປຶກສາຫາລືກັບທ່ານກົງສຸນໃຫຍ່ ຫວຽດນາມ ປະຈຳ ຮົ່ງກົງ ຟ້າມບິງດ່າມ ກ່ຽວກັບການພົວພັນລະຫວ່າງ ມາກາວ (ຈີນ) ແລະ ຫວຽດນາມ. ທ່ານ Ho lat Seng ກໍໄດ້ຕີລາຄາສູງການພົວພັນຮ່ວມມືລະຫວ່າງ ຫວຽດນາມ ແລະ ມາກາວ ໃນຫຼາຍຂົງເຂດ, ພິເສດແມ່ນດ້ານແຮງງານ ແລະ ການລົງທຶນ.
 |
| ເປີດກວ້າງກາລະໂອກາດໃຫ້ແຮງງານ ຫວຽດນາມ ຢູ່ ມາກາວ (ຈີນ) |
ທ່ານ ເນັ້ນໜັກວ່າ ຄົນງານ ຫວຽດນາມ ມີຄວາມຊຳນິຊຳນານ, ດຸໝັ່ນ, ມີຄວາມສາມາດໃນການປັບຕົວທີ່ດີ, ການຮຽນພາສາຕ່າງປະເທດໄວ ໄດ້ມີບັນດາການປະກອບສ່ວນຢ່າງຕັ້ງໜ້າໃຫ້ແກ່ເສດຖະກິດປະຈຳຖິ່ນ.
ນອກຈາກນັ້ນ, ທ່ານກໍສະແດງຄວາມະທັບໃຈຕໍ່ລະດັບຄວາມໄວການເຕີບໂຕຢ່າງວ່ອງໄວຂອງພື້ນຖານເສດຖະກິດ ຫວຽດນາມ, ພິເສດ ແມ່ນການຟື້ນຟູທີ່ໜ້າປະທັບໃຈພາຍຫຼັງໂລກລະບາດ. ສິ່ງດັ່ງກ່າວໄດ້ດຶງດູດຄວາມສົນໃຈຂອງວິສາຫະກິດ ແລະ ນັກລົງທຶນ ມາກາວ ເປັນຈຳນວນຫລວງຫລາຍ.
 |
| ທ່ານຫົວໜ້າເຂດປົກຄອງພິເສດ ມາກາວ (ຂວາ) ເຮັດວຽກກັບທ່ານກົງສຸນໃຫຍ່ ຫວຽດນາມ ປະຈຳ ຮົ່ງກົງ ແລະ ມາກາວ (ຈີນ) ພາບ: TTXVN |
ທ່ານກົງສຸນໃຫຍ່ ຫວຽດນາມ ປະຈຳ ຮົ່ງກົງ ຟ້າມບິ່ງດ່າມ ແບ່ງປັນວ່າ ພ້ອມກັບການພັດທະນາທີ່ນັບມື້ນັບດີງາມຂອງການພົວພັນ ຫວຽດນາມ - ຈີນ, ການພົວພັນຮ່ວມມືລະຫວ່າງ ຫວຽດນາມ ແລະ ມາກາວ ໄດ້ມີບາດກ້າວທີ່ຕັ້ງໜ້າ.
ທ່ານ ໄດ້ສະແດງຄວາມຂອບອົກຂອບໃຈບັນດາໍນ້ຳໃຈທີ່ດີງາມຂອງຫົວໜ້າເຂດປົກຄອງພິເສດ ທີ່ມີຕໍ່ ຫວຽດນາມ, ພິເສດແມ່ນຄວາມເອົາໃຈໃສ່, ສ້າງເງື່ອນໄຂໃຫ້ຊາວ ຫວຽດນາມ ທີ່ໄປເຮັດວຽກ ແລະ ດຳລົງຊີວິດຢູ່ ມາກາວ; ສະເໜີໃຫ້ຝ່າຍ ມາກາວ ເປີດກ້ວາງການຕ້ອນຮັບແຮງງານ ຫວຽດນາມ, ສົມທົບກັນແກ້ໄຂບັນຫາທີ່ເກີດຂຶ້ນກ່ຽວກັບໍແຮງງານ ແລະ ລົບລ້າງຂໍ້ຈຳກັດດ້ານວີຊາໃຫ້ຄົນງານ ແລະ ນັກທ່ອງທ່ຽວ ຫວຽດນາມ.
ທ່ານກົງສຸນໃຫຍ່ ຫວຽດນາມ ປະຈຳ ຮົ່ງກົງ ແບ່ງປັນວ່າ ພ້ອມກັບການເພີ່ມຂຶ້ນຂອງຄົນຊັ້ນກາງໃນໂຄງປະກອບປະຊາກອນ, ຈຳນວນຊາວ ຫວຽດນາມ ໄປທ່ອງທຽວຕ່າງປະເທດໃນຊຸມປີມໍ່ໆມານີ້ ໄດ້ເພີ່ມຂຶ້ນຢ່າງໜ້າປະທັບໃຈ. ໃນປີ 2023, ນັກທ່ອງທ່ຽວ ໄປຍັງປະເທດໄທ ປະມານ 1 ລ້ານກວ່າເທື່ອຄົນ; ໄປຢ້ຽມຢາມ ຍີ່ປຸ່ນ ກວ່າ 500.000 ເທື່ອຄົນ, ນອນໃນ top 10 ທ້ອງຕະຫຼາດທ່ອງທ່ຽວໃຫຍ່ທີ່ສຸດຂອງ ຍີ່ປຸ່ນ; ນັກທ່ອງທ່ຽວມາຢ້ຽມຢາມ ສ.ເກົາຫຼີ ກວ່າ 400.000 ເທື່ອຄົນ, ເປັນອັນດັບທີ 1 ໃນພາກພື້ນ ອາຊຽນ ແລະ ອັນດັບທີ 5 ຂອງ ອາຊີ.
ທ່ານ ຢືນຢັນວ່າ ດ້ວຍຄວາມຄ້າຍຄືກັນດ້ານວັດທະນະທຳ, ການເຊື່ອມຕໍ່ກ່ຽວກັບຄົມມະນາຄົມ, ຄວາມສາມາດບົ່ມຊ້ອນພັດທະນາການທ່ອງທ່ຽວລະຫວ່າງ ຫວຽດນາມ ແລະ ມາກາວ ຍັງມີຫຼາຍຢ່າງ; ພ້ອມກັນນັ້ນ ກໍໄດ້ສະເໜີບັນດາມາດຕະການ ເພື່ອຟື້ນຟູ ແລະ ເປີດກວ້າງທ້ອງຕະຫຼາດທ່ອງທ່ຽວສອງສົ້ນ, ໃນນັ້ນມີການຜ່ອນຜັນນະໂຍບາຍວີຊາ.
ທີ່ການພົບປະ, ທ່ານກົງສຸນໃຫຍ່ ຫວຽດນາມ ປະຈຳ ຮົ່ງກົງ ຟ້າມບິ່ງດ່າມ ໃຫ້ຮູ້ວ່າ ນີ້ກໍ່ແມ່ນການເຂົ້າຢ້ຽມອຳລາຂອງທ່ານ ກັບທ່ານຫົວໜ້າເຂດປົກຄອງພິເສດກ່ອນການສິ້ນສຸດອາຍຸການ, ທ່ານກໍ່ຂອບໃຈບັນດາຄວາມຮັກແພງທີ່ດີງາມຂອງທ່ານຫົວໜ້າເຂດປົກຄອງພິເສດທີ່ມອບໃຫ້ສ່ວນຕົວທ່ານ. ທ່ານເຊື່ອໝັ້ນວ່າ ດ້ວຍຄວາມຕັດສິນໃຈ ແລະ ຄວາມພ້ອມທີ່ຈະປະຕິບັດຂອງສອງອຳນາດການປົກຄອງ, ການພົວພັນຮ່ວມມືລະຫວ່າງ ຫວຽດນາມ ແລະ ມາກາວ ຈະສືບຕໍ່ມີບາດກ້າວພັດທະນາໃໝ່ຫຼາຍຢ່າງ.
ທ່ານຫົວໜ້າເຂດປົກຄອງພິເສດ ໄດ້ແບ່ງປັນ ແລະ ສະໜັບສະໜູນບັນດາຂໍ້ສະເໜີຂອງທ່ານກົງສຸນໃຫຍ່, ຢືນຢັນຈະຫັນຂັ້ນຕອນວີຊາໃຫ້ເປັນງ່າຍດາຍ, ເປີດວີຊາອອນໄລ ແລະ ວີຊາເມື່ອເຂົ້າເມືອງ (visa on arrival) ໃຫ້ພົນລະເມືອງ ຫວຽດນາມ ໃນເວລາໄວທີ່ສຸດ; ໂດຍສະແດງຄວາມຊົມເຊີຍການເປີດກ້ວາງໃຫ້ແຮງງານ ຫວຽດນາມ ໄປເຮັດວຽກຢູ່ ມາກາວ.
ທ່ານກໍສະໜັບສະໜູນ ແລະ ຮັບເອົາຄຳເຊີນຂອງຄະນະຜູ້ແທນວິສາຫະກິດ ມາກາວ ມາຢ້ຽມຢາມ ຫວຽດນາມ ໂດຍໄວ ໃນເວລາທີ່ເໝາະສົມ. ພ້ອມກັນນັ້ນ, ກໍໄດ້ສະແດງຄວາມຊົມເຊີຍອົງການອຳນາດການປົກຄອງທຸກຂັ້ນ ແລະ ວິສາຫະກິດ ຫວຽດນາມ ທີ່ໄປ ມາກາວ ເພື່ອແລກປ່ຽນ ແລະ ຊອກຮູ້ກາລະໂອກາດຮ່ວມມື, ລົງທຶນ.
ທີ່ການພົບປະ, ທ່ານຫົວໜ້າເຂດປົກຄອງພິເສດ ໄດ້ສະແດງຄວາມຊົມເຊີຍທ່ານກົງສຸນໃຫຍ່ ຫວຽດນາມ ປະຈຳ ຮົ່ງກົງ ທີ່ມີອາຍຸການທີ່ປະສົບຜົນສຳເລັດ ໂດຍມີການປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ການພົວພັນ ຫວຽດນາມ - ມາກາວ ໃນຫຼາຍດ້ານ, ພິເສດ ແມ່ນການສົມທົບກັນເປັນຢ່າງດີກັບມາກາວ ແກ້ໄຂຫຼາຍບັນຫາກ່ຽວກັບແຮງງານທີ່ພວມເກີດຂຶ້ນໃນສະຖານະການໂລກລະບາດ. ທ່ານຫວັງວ່າ ບົນຕຳແໜ່ງວຽກງານໃໝ່ ທ່ານກົງສຸນໃຫຍ່ຈະສືບຕໍ່ປະກອບສ່ວນຊຸກຍູ້ການພົວພັນລະຫວ່າງສອງປະເທດ.
ໃນຂອບເຂດການຢ້ຽມຢາມ, ທ່ານກົງສຸນໃຫຍ່ ຫວຽດນາມ ປະຈຳ ຮົ່ງກົງ ຟ້າມບິ່ງດ່າມ ໄດ້ເຂົ້າພົບປະຢ້ຽມຢາມຫົວໜ້າຫ້ອງການທູດພິເສດການຕ່າງປະເທດ ຈີນ, ໄດ້ພົບປະກັບຄະນະບໍລິຫານງານສະມາຄົມ ຊາວຫວຽດນາມ ຢູ່ ມາກາວ ແລະ ເຮັດວຽກກັບມະຫາວິທະຍາໄລ ມາກາວ.
ມິງດຶກ
