| ລັດຖະບານຫວຽດນາມ ໜູນຊ່ວຍຊາວຫວຽດນາມ ອາໄສຢູ່ລາວ ຕ້ານໂລກລະບາດໂຄວິດ - 19 | |
| ໜູນຊ່ວຍປະຊາຊົນກັບຄືນຈາກເຂດເກີດໂລກລະບາດໂຄວິດ - 19 |
 |
| ຮູບພາບເຮັດດ້ວຍກະດຸມ (ພາບ: tuoitre) |
ໂດຍຮຽນພະແນກເຕັກນິກເຄມີ ແລະ ຮັບຮູ້ໄດ້ຄວາມສ່ຽງຈາກຂີ້ເຫຍື້ອປຼາດຕິກ, ອ້າຍ ຫງວຽນເຟຶອກກຸ໊ຍແທັງ (ອາຍຸ 28ປີ, ຢູ່ເມືອງ ເຕິນຝູ - ນະຄອນໂຮ່ຈີມິນ) ໄດ້ຊອກຮູ້ ແລະ ໃຫ້ກຳເນີດຮູບພາບທີ່ເປັນເອກະລັກສະເພາະດ້ວຍກະດຸມ, ເມັດປຼາດຕິກ ທີ່ໄດ້ນຳໃຊ້ຈາກໂສ້ງເສື້ອເກົ່າ.
ເພື່ອເຮັດສຳເລັດຮູບພາບດັ່ງກ່າວ, ອ້າຍແທັງ ໄດ້ມີແນວຄວາມຄິດ, ສານ; ແຕ້ມເບື້ອງຕົ້ນໃນເຈ້ຍ ແລ້ວຈຶ່ງເລືອກກະດຸມ ແລະ ເມັດປຼາກຕິກທີ່ເໝາະສົມ, ດັດປັບສີສັນໃຫ້ກົມກຽມ ກັບພື້ນ ແລະ ເອົາຮູບໃສ່ຂອບ.
ອ້າຍແທັງ ໃຫ້ຮູ້ວ່າ ໃນເວລາເຮັດສຳເລັດບັນດາຮູບພາບອີງຕາມຂອບຂະໜາດຂອງຮູບພາບ, ຂະໜາດນ້ອຍຈະເສຍເວລາແຕ່ 2 – 3 ຊົ່ວໂມງ, ຂະໜາດໃຫຍ່ຈະເສຍເວລາປະມານ 1 ວັນ, ຮູບພາບທີ່ສັບສົນຕ້ອງເຮັດຢ່າງລະອຽດລະອໍຕ້ອງເສຍເວລາປະມານ 4 – 5 ມື້. ບັນດາຂັ້ນຕອນລ້ວນແຕ່ມີລະດັບຄວາມຍາກທີ່ຄ້າຍຄືກັນ, ເຊິ່ງມັນຮຽກຮ້ອງຕ້ອງເຮັດຢ່າງລະອຽດລະອໍ, ຕ້ອງເລືອກສີສັນທີ່ເໝາະສົມ, ປະດັບປະດາພື້ນເພື່ອເຮັດໃຫ້ບັນດາລວດລາຍ ແລະ ຫົວຂໍ້ຂອງຮູບພາບພົ້ນດັ່ນຂຶ້ນ.
“ຂ້າພະເຈົ້າຢາກໂຄສະນາສານປ້ອງກັນ, ຕ້ານໂລກລະບາດໂຄວິດ - 19 ໄປຍັງທຸກຄົນ, ອອກຈາກເຮືອນຕ້ອງປະຕິບັດ 5 ປະການ ຢ່າງລະມັດລະວັງ. ຂໍມອບບັນດາຮູບພາບດັ່ງກ່າວໄປຍັງບັນດາຖັນແຖວແພດໝໍຄືດັ່ງຄຳສະແດງຄວາມຮູ້ບຸນຄຸນ. ແລະ ສຸດທ້າຍແມ່ນຢາກຮຽກຮ້ອງປະຊາຊົນສາມັກຄີກັນ, ຫວັງວ່າໂລກລະບາດໂຄວິດ - 19 ຈະໄດ້ຮັບການດັບມອດ ເພື່ອນຳຊີວິດການເປັນຢູ່ກັບຄືນສະພາບການທີ່ເປັນປົກກະຕິ”. ອ້າຍແທັງ ແບ່ງປັນ.
